كوبونات الراقية تسجيل الدخول

البكاء أنوثة
البكاء أنوثة •
mado2006 mado2006 :
برشة كتير عليكم مشكورين كتير والله يعطيكم ما تطلبون وتتمنون
برشة كتير عليكم مشكورين كتير والله يعطيكم ما تطلبون وتتمنون
السلام عليكم أخواتي

بصراحة أحس براحة يوم شفت ناس في نفس معاناتي <<< مو نحاسة بس يعني مو بس أنا اللي أعاني :22:



أنا ولدي بديت معاه العام بشتا وكان عمره سنه ونص

بس حسيتها معانا وصعبه خصوصا انه برد وهو كان بعمر صغير

وقفت ورجعت معاه بالصيف لما كمل سنتين او سنتين وشوي

لكن هم وقفت لأننا كنا سفرة لأمريكا وهم ظروف وكنا ساكنين ببيت أهل زوجي

وهو على طول عندهم ولا يرضى يروح الحمام

جيت أمريكا وبديت معاه من جديد لكن بديت أدرس

وصرت أوديه لكن بدون انتظام

يعني مرة هاف ومرة بامبرز

وأتوقع هذي أكبر غلطة غلطتها

والحين مو عارفة شسوي :06:


هو الحين يعني إذا دخلته كل ساعه الا ربع يبول

لكن الكاكا ما يعملها بالحمام هذا واحد

الشي الثاني ما يقول ابي اروح الحمام الا نادررر جدا

يعني استخدم معاه اسلوب الثواب والعقاب والزعل .. لكن ما ادري يمكني كنت شوي متساهله وياه

لكن هالشهر بتشدد معاه .. هل تتوقعون يجيب فايده ؟! :06:


علما انه هو عمره سنتين و10 شهور
&quot;تباسكو&quot;
&quot;تباسكو&quot; •
moooon_ksa moooon_ksa :
انا ولدي سنتين و8شهور ولسى ماتعلم وكل ماعلمته يسويها على الارض ولا بملابسه تعبت معه ودي اعلمه قبل لااولد يارب يتعلم وارتاح
انا ولدي سنتين و8شهور ولسى ماتعلم وكل ماعلمته يسويها على الارض ولا بملابسه تعبت معه ودي...
بالضبط مثل عمر ولدي ونفس المشكله

والمشكله الاكبر الشهر الجاي عنده اختبار لدخول الروضه ومن ضمن الشروط يحضر الاختبار بدون بامبرز:06:
بلاد العجائب
بلاد العجائب •
هلا بنات
الظاهر ببدا انا يومياتي مع بنتي
طبعا اول يوم امس مو راضيه ابدا تجلس على النونيه
بس طبعا راح يومنا كله على النونيه ومدح وتحظين الين الحمد لله جلست عليها
طبعا اليوم بديت معها بعد ما شربت الحليب على طول على الحمام جلست تقريبا
نصف ساعه ولا شي طلعا وجلست على التلفزيون طبعا ما لبستها البامبرز لبستها ملابس داخليه
وكل نصف ساعه على الحمام وابد مو راضيه تسوي شي ممكن ثلاث مرات ومافاد
طبعا كنت بطلع واضطريت البسها البامبرز وانا البس عباتي الا الاخت تسويها على طول خذيتها
للحمام بس خلاص ما سوت شي
اول ما رجعنا من برى نمنا لانا قايمين من الساعه 7
اول ماصحيت انشغلت بالبيت وبعدين غيرت لها البامبرز وجلسنا بالحمام ساعه ولاسوت ولاشي
ولبستها الكلوت وهذا انا كل شوي على الحمام ولا سوت ولاشي
هل اللي سويته صح او فيه ملاحظات
انا احسها ما تفهم اللي اطلبها منها
بلاد العجائب
بلاد العجائب •
سلام طبعا عطيت بنتي حليب
وبعد ماخلصت رحنا الحمام وجلسنا فيه نصف ساعه ويالله جلست مو راضيه

طبعا اغني لها الاغاني اللي تحبها واركدت شوي وبعد نصف ساعه ما سوت ولاشي

حاولت وطلعنا مجرد ما جلست وارتاحت سوت بول

طبعا عادي هاوشتها شوي بس احسها ماتدري وين الله حاطها

بس انا البسها كلوت مخصص (بلاستك )بس ومع ذلك امتلت ملابسها
عادي او لا
^.^ ليـــــان ^.^
^.^ ليـــــان ^.^ •
بالنسبة لولدي
في البداية علمته إنه يسوي الكبيرة تكرمون في الحمام من أحس إنه بسويها اوديه على طووول
و لييييييييييييييين ما تعووووود مرة يعني مستحيل يسولها في البامبرز
شلت منه البامبرز و لبسته كيلوت و مرة و مرتين وعشر يسويها على نفسه
بس ألحين تعود الحمدلله و ألحين بدينا في الليل
و الله يسهلها علينا