كوبونات الراقية تسجيل الدخول

اغلى ناسي2
اغلى ناسي2 •
ام الهتون
تسلمين على ردك والله
والان لنا تقريبا اربعه ايام ولسا ايام يسويها بالحمام وايام بالكلوت

متى تتوقعون بيقولي بروح الحمام ؟

هو الله يهديه عجول بروحته الحمام يبغى يطلع بسرعه

واول يوم كان يسوي الكبيره بالحمام ومن بعدها بطل ايش السبب؟
أم الهتون
أم الهتون •
** ام جوجو** ** ام جوجو** :
هلا خواتي انا بنتي عمرها سنتين وسته شهور... وللحين ماعلمتها على الحمام ..وراح ابدا ان شاء الله من الاسبوع الجاي.. وش ابدا معاها اشيل البامبرز مره وحده ولا بالتدريج؟؟ بنات ياليت تعلموني كيف ابدا.. وسمعت عن الكلوتات حق التعليم بس ماعرف شكلها وش فايدتها وين تنباع؟؟؟ ياليت خواتي تفيدوني...ترى ماعندي خبره هذي اول طفل عندي و اهلي بعيدين عني واللي حولي مايفيدون ابد... مشكورين
هلا خواتي انا بنتي عمرها سنتين وسته شهور... وللحين ماعلمتها على الحمام ..وراح ابدا ان شاء الله...
شيلي البامبرز مرة وحدة .. (طبعاً هذا بالنهار بس وقت النوم والخروج لبسيها البامبرز .. عشان جذي من الأفضل انج تتمين في البيت على الأقل في الأسبوع الأول من التعليم لين تبدا تتعود) .. ووديها الحمام كل نص ساعة مثلاً وقعديها حوالي ربع ساعة .. طبعاً في الأول راح تتملل وتتضايق من قعدة الحمام لأنها بعدها مب متعودة .. عشان جذي حاولي تلاعبينها وتسولفين وياها عشان ما تحس بثقل الوقت في الحمام .. بس اذا فعلاً خلاص مب حابة تتم في الحمام طلعيها بس قولي لها انج بتودينها الحمام مرة ثانية عقب شوي.

وطبعا لا تنسين أسلوب الثواب والعقاب من البداية .. يعني اذا سوتها في الحمام بيني لها انج فرحانة فيها وايد وبوسيها واحضينها وعطيها شي تحبه مثل لعبة أو كاكاو .. واذا سوتها في ثيابها اصبري عليها وعاتبيها بالهدوء في الأيام الأولى بس .. وعقب زيدي جرعة الزعل وقولي لها (جذي عيب) ووديها لين الحمام وقولي لها (البول والكاكا في الحمام مب في الثياب) .. بس ضروري انها تحس انج جادة في زعلج .. طبعاً لا تضربينها ابدا ابدا .. بس كلميها بحزم وصرامة عشان تفهم ان السالفة مب لعب .. واحرميها من لعبتها أو من أي شي تحبه وايد ولا تعطينها الا يوم تسويها في الحمام.

ويوم تشوفين وضعها صار زين جربي يوم تطلعين وياها من البيت ما تلبسينها البامبرز بس خلج حريصة انج تكونين في أماكن فيها حمامات عشان تودينها.

وعن كلوتات التعليم .. انا عن نفسي لقيت في البيبي شوب .. ولو انها تخلص بسرعة يعني مب دايما تكون متوفرة خاصة المقاس الكبير .. يكونون على شكل الحفاظات بس من القطن ومن تحت غليظة عشان التسرب .. والحمدلله من وقت ما بديت مع ولدي ما وسخ اي مكان في البيت.

وشخصياً ما أفضل اللي تكون من داخل نايلون لأني يوم جربتها مع ولدي حسيتها تسوي له حرارة وتسخن المنطقة وايد عشان جذي رميتها واستخدمت الحفاظات القطنية.
أم الهتون
أم الهتون •
شمعة حواء شمعة حواء :
مراحب
مراحب
طمنينا عنج يا شموعة .. شو صار ويا بنتج؟؟؟

بعدها متعبتج والا في تطور؟؟؟؟
أم الهتون
أم الهتون •
اغلى ناسي2 اغلى ناسي2 :
ام الهتون تسلمين على ردك والله والان لنا تقريبا اربعه ايام ولسا ايام يسويها بالحمام وايام بالكلوت متى تتوقعون بيقولي بروح الحمام ؟ هو الله يهديه عجول بروحته الحمام يبغى يطلع بسرعه واول يوم كان يسوي الكبيره بالحمام ومن بعدها بطل ايش السبب؟
ام الهتون تسلمين على ردك والله والان لنا تقريبا اربعه ايام ولسا ايام يسويها بالحمام وايام...
يا عمري من الحين تفكرين متى بيقول انه يبا يروح الحمام؟؟؟؟؟ :rolleyes:

حبيبتي لا تفكرين في مرحلة الا عقب ما تخلصين من المرحلة اللي قبلها .. عشان ما تتوترين وتحسين ان المرحلة الحالية صارت طويلة عليج وعلى ولدج .. وولدج حليله بعده في المرحلة الأولى وان شاء الله يعديها بنجاح عقب ما ياخذ الوقت اللي يحتاجه .. وتذكري ان مب كل اليهال مثل بعض .. يعني في يهال ما شاء الله يقولون انهم يبون يروحون الحمام أسرع من غيرهم وفي يهال ياخذون وقت أطول .. وكلهم طبيعيين .. فلا تفكرين في الموضوع وايد وخليه لين وقته.

طبعاً أربع ايام عادي انه بعده يسويها في ثيابه .. بس مثل ما قلنا قبل أهم شي الثواب والعقاب .. يعني لا تطوفين له أي مرة يسويها في ثيابه .. لازم تعاتبينه وتزعلين منه وتحرمينه من اي شي يحبه .. يعني لازم هو يحس بالفرق في رد فعلج يوم يسويها في الحمام ويوم يسويها في ثيابه.

وبعد عادي في البداية انه ما يتحمل يتم في الحمام فترة طويلة .. بس انتي تحايلي عليه .. كلميه وسولفي وياه ولاعبينه عشان يتم يالس أطول فترة ممكنة.

وعن الكاكا صراحة ما ادري شو ممكن يكون السبب .. بس على كل حال هو بعده ما كمل أسبوع يعني احس عادي انه بعده يخاف شوي من انه يسوي الكبيرة في الحمام .. وعلى كل حال انتي في كل الأحوال انتبهي على ردود فعلج مع ولدج .. يعني لا تضربينه ولا تصارخين عليه عشان ما يخاف.
أم الهتون
أم الهتون •
أم الهتون أم الهتون :
يا عمري من الحين تفكرين متى بيقول انه يبا يروح الحمام؟؟؟؟؟ :rolleyes: حبيبتي لا تفكرين في مرحلة الا عقب ما تخلصين من المرحلة اللي قبلها .. عشان ما تتوترين وتحسين ان المرحلة الحالية صارت طويلة عليج وعلى ولدج .. وولدج حليله بعده في المرحلة الأولى وان شاء الله يعديها بنجاح عقب ما ياخذ الوقت اللي يحتاجه .. وتذكري ان مب كل اليهال مثل بعض .. يعني في يهال ما شاء الله يقولون انهم يبون يروحون الحمام أسرع من غيرهم وفي يهال ياخذون وقت أطول .. وكلهم طبيعيين .. فلا تفكرين في الموضوع وايد وخليه لين وقته. طبعاً أربع ايام عادي انه بعده يسويها في ثيابه .. بس مثل ما قلنا قبل أهم شي الثواب والعقاب .. يعني لا تطوفين له أي مرة يسويها في ثيابه .. لازم تعاتبينه وتزعلين منه وتحرمينه من اي شي يحبه .. يعني لازم هو يحس بالفرق في رد فعلج يوم يسويها في الحمام ويوم يسويها في ثيابه. وبعد عادي في البداية انه ما يتحمل يتم في الحمام فترة طويلة .. بس انتي تحايلي عليه .. كلميه وسولفي وياه ولاعبينه عشان يتم يالس أطول فترة ممكنة. وعن الكاكا صراحة ما ادري شو ممكن يكون السبب .. بس على كل حال هو بعده ما كمل أسبوع يعني احس عادي انه بعده يخاف شوي من انه يسوي الكبيرة في الحمام .. وعلى كل حال انتي في كل الأحوال انتبهي على ردود فعلج مع ولدج .. يعني لا تضربينه ولا تصارخين عليه عشان ما يخاف.
يا عمري من الحين تفكرين متى بيقول انه يبا يروح الحمام؟؟؟؟؟ :rolleyes: حبيبتي لا تفكرين في...
آخر أخباري..

اليوم كنا مخططين انا وزوجي نطلع نروح المول ونتغدا برا .. وعقب ما تجهزت بديت أجهز ولدي .. طبعاً دخلته الحمام وعقب لبسته ثيابه .. بس ابوه تأخر شوي لين جهز يعني حوالي نص ساعة .. وعقب قمت عشان البس عباتي .. وفجاة قام ولدي فديته وراح صوب الحمام وهو يقول (ابا حمام) :redface:

قالها بمنتهى التلقائية وكأنه متعود يروح الحمام من سنة .. حسيت فديته انه صار كبير ما شاء الله عليه.

المهم دخلت وياه عشان اغسله وعقب طلعنا .. الساعة كانت تقريباً واحدة الظهر .. سرنا مشوار وعقب سرنا المول .. ووصلنا المطعم تقريبا الساعة أربع العصر وطلبنا وبدينا ناكل .. وعقب شوي قال ولدي (ماما ابا حمام) :redface: .. وقام وياه زوجي ووداه الحمام ورجعو وكملنا غدانا وعقب تمشينا واشترينا ورجعنا البيت تقريبا الساعة ست.

عقب الصلاة دخلته الحمام وسبحته .. وعقبها بشوي سويت له الحليب وبعدين دخلته الحمام ولبسته البامبرز وجهزته عشان النوم .. رقد فديته الساعة ثمان ونص .. والساعة عشر تقريبا قام من النوم وقال لي (ابا حمام) :smile: .. عاد هذه جديدة .. أول مرة فديته يقوم من النوم ويقول انه يبا يروح الحمام :icon18: .. ويوم بطلت له البامبرز وحطيته على المرحاض كان واضح فديته انه يحاول يمسك نفسه :smile:

طبعا هذه بداية طيبة عشان نبدا نفكر نشيل البامبرز وقت النوم .. بس طبعاً باعطيه بعد كم يوم واشوف بيستمر على نفس الوضع والا لا.