اه والله تعبت تعب بديت اعلم بنتي من عمر سنتين وثلاثه شهور واللحين عمرها سنتين وتسعه شهور ولسا تسويها بثيابها تقريبا مره كل يوم ولازم البسها الكيلوت لما اطلع والشهر الجاي اولد والله يعين

شمعة حواء..

من ست شهور وبعدها متعبتج؟؟؟ :huh:

:blink:

خوفتيني....:crap: .. أنا قلت حد الياهل ثلاث شهور ويكون تعلم!!!!

الله يعينج ولج الأجر على كل هالصبر والله.




تطورات اليوم..

ولدي قام فديته من النوم .. وطبعاً البامبرز مليان من الليل .. بس مب مثل كل يوم .. شلنا البامبرز وقعدنا على الحمام .. وسواها فديته :icon18:.

بعدين تغسلنا و غسلنا أسنانا وسوينا الحليب وشربناه كله بالعافية وتم يلعب .. وعقبها بشوي حط ايده على المكان اياه وقال لي (بول) عزكم الله .. خذته ركض على الحمام .. صراحة كان مقطر قطرتين في ملابسه بس كملها كلها في الحمام .. وعلى فكرة اول مرة يحط ايده جذي من وقت ما بدينا نتعلم الحمام .. عشان جذي اعتبرت ان هذا إنجاز مهم لولدي :biggthump

بعدها بحوالي ساعة الا ربع شفته يتعصر يا قلبي .. سألته: ( شو فيك؟) .. قال لي: (كاكا) ... وطيران على الحمام وانا اقول له: (ماما الله يخليك امسكها شوي) :icon20:

عاد ما ادري هو مسكها فعلاً والا لا .. بس المهم انه ما سواها في ملابسه مثل أمس .. والحمدلله سواها في الحمام :icon28:

نزلنا نتريق وعقب ما خلصنا سواها في ثيابه .. عاتبته وقلت له: ( انا زعلانة منك وخلاص ما بنطلع) .. وحطيته على الحمام لين أغسل ملابسه .. فسواها في الحمام .. قلت لنفسي شكله اخترع مسكين لأنه خاف انه ما بيطلع :pbsmile:

بالمناسبة يوم يسويها في ملابسه ما اغسلة وخلاص .. لا .. احطه شوي على الحمام وعقب اغسله.

المهم طلعنا .. وخلال الطلعة شرب عصير .. وكل شوي اساله: (ماما تبا تروح الحمام؟؟) .. يقول لي: ( لا) .. وأرد اساله: (سويت شي في البامبرز؟؟) .. يرد: (لا) .. وصراحة ما كنت مصدقة وعلى بالي خايف يعترف :hmh:.. ورجعنا البيت عقب ثلاث ساعات .. ويوم فتحت البامبرز كان نظييييييييييف تماااااااااما .. ويوم حطيته على الحمام سواها على طووووووول :icon18:.


شو رايكم يا خبيرات؟؟؟

ما شاء الله يا اخت أم الهتون فعلا انجاز كبير فى فترة صغيره ربنا يحفظه لك و يبارك لك فيه
انا بالنسبه لى فى الخروجات طبعا بنتى تلبس بامبرز و كنا لما نغيب بره ممكن تكون عملتها و اوقات كنا نرجع بدرى و قبل ما اخلع لبسى اروح بها على الحمام و كانت تعملها على طول و ربنا يحفظها و ما يروح تعبى على الفاضى و ان شاء الله ناويه اعمل كده مع بنتى الصغيرة ان شاء الله

والله المستعان

تدرون بصراحه احس نفسي اني السبب علشان بنتي ماتعلمت للحين بالضبط لأني كثيره طلعات بالذات السوق واتكاسل اسألها او اوديها وكنت اعتمد على الكيلوت علشان اريح نفسي ودايما هي تنام في السياره واخاف تسويها على ثيابي واتمنى الكل يستفيد من تجربتي الفاشله وان شاء الله تعدي ها الفتره على خير

ما شاء الله عليح أختي أم الهتون ... بصــراحه انجاز رائع ....
اســتمري وان شــاء الله تعبج ما بيروح سـدى ....

وربي يحفظ لكم عيالكم من كل شر ويبارك فيهم ويسهل لكم أموركم ...

وأحب أهني كل أم على صبرها وتحملها و بارك الله فيكم على تربيتكم واستمروووا ...
ولكل أم ما بدت تعلم أطفالها على الحمام .. أقول شدي حيلج وبلا كسل و خلي بالج طويل وكل شي باذن رب العالمين بيهون ..

صح يا هــتون ... ^__^


عاد أنا تجربتي غيـــر ....

هههههه

بديت مع ولدي من عمره سنه وثلاث شهور ....
و في البدايه واااايد استانس وحب النونيه ... وكل خمس دقايق راايح على الحمام بيغي يسويها ...
وكان فعلا مرات يخليني أطلع عن طوووري وأعصابي تفووور لانه ما يسويها بس النونيه عاجبتنه ويبي يقعد عليها وبس ...

بس البلوه الكبيره أبداااااااااااااا ما يسويها الا في البامبرز ....
والصغيره حتى مرات كثيره يسويها على الارض لاني مرات كنت أكذبه لانه ما كان يتكلم بس يركض على الحمام واسير وياه وما يسوي شي وبعد ما مليت منه صرت أخلي النونيه في الغرفه وأخليه بدون البنطلون علشان يقعد عليها على طول ...

وشكله بعد هالفتره مل منها وصار يسويها وين ما تكون ...


فعلا تعبت ... وكنت في فتره القيلوله أخليه ينام بدون حفاظ والحمدالله مرات كان ما يسويها ومرات يسويها ...
وبالليل بس ألبسه البامبرز .....
و كنت أعااني ونفسيتي تتعب اذا طلعت عند أهلي أو عند أهل زوجي أو أي مكان لاني أخاف تعبي يروح ع الفاضي ( طبعا لاني كنت ألبسه البامبرز تجنبا للفضايح خخخخ ) ...

و هكذا استمريت معه الى أن سهلها ربي علينا وتعلم أخيرا و صار عمره وقتها سنه و تسع شهور يعني خذ معاي تعليمه تقريبا ست شهووور ..... ولله الحمد والشكر ....

طبعا كل طفل قدراته تختلف عن الثاني وللعمر دور كبير طبعا ...


فنصــيحه لا تطولون المده واتأخرون الطفل أكثر من السنتين والنص .. حرام لانه ممكن يصاب بالتبول اللاارادي ...


وتحياتي لكم ...