يعطيكم العافيه على ها المعلومات والتجارب

انا اتابعكم من شهر ...بس كنت انتظر البرد يخلص عشان ابدأ معكم ..

بردنا توه بس خلاص قرب يروح وبديت مع ولدي من ثلاث ايام ...والحين عمره سنتين وخمس شهور وشريت له

الحمام الصغير عشان يتشجع ..واول ماجبته يحسب انه لعبه وفرحان فيه وطبعا شلت البامبرز عنه وسوا فيه الله يكرمكم الكاكا وسوينا

هيصه وزمبليطه من الفرحه وعشان نشجعه وكانت هذي هي البدايه وبعدها صرت اعلمه واذا حسيت عليه اوديه للحمام ..

بس مشكلتي معاه الحين انه يطلب الحمام اذا كان بول فقط ..اما اذا كان الكاكا مايقول لي واذا سألته او حسيت عليه يقول لا باح

يعني مافيه شي واجلسه عالحمام ويرفض او انه يطلب البامبرز ..واليوم رابع يوم ومازال الكاكا يسويها على نفسه بس البول يروح الحمام من نفسه ويناديني معه ...

وش اسوي له عشان يوافق يروح الحمام يسوي الكاكا سااااااااااااااااااعدوني يا بنات مع اني استفدت منكم كثير ..

شكر لك اخت ام هتون
والله يخلي لك ولدك ويبارك فيه
انا سار لي اسبوعين وللاسف ماعمل الكبيره ولا مره في الحمام
جربت العتاب والحرمان بدون فايده
بس الخفيف الحمد لله في تحسن
وش الحل في رايك؟
استخدم الضرب
والله تعبت وعندي طفل ثاني

شوفو حبيباتي..

حاولو تعرفون الأوقات اللي يسوون فيها الكاكا وودوهم الحمام وشوفو شو بيصير .. طبعاً مع الوعد بمكافأة أو لعبة أو حلاوة اذا سوو الكاكا في الحمام.

مثلاً انا ولدي فديته متعود يسوي الكاكا كل يوم الصبح ما بين الساعة ثمان وثمان ونص تقريباً .. وفي هالوقت كنت اوديه الحمام .. صحيح في البداية ما كان يطيع يسويها بس مع الوقت تاقلم وصار يسويها عادي في الحمام ... يعني السالفة يبالها وقت بس .. واظن ان الوقت يختلف من طفل لآخر .. بس في النهاية بيقدر يتغلب على خوفه إن شاء الله.

وعلى فكرة .. انا مخلية في الحمام لعبة فقاعات الصابون .. واقول له اذا سويت في الحمام باخليك تلعب بها .. وفعلاً كان متحمس للموضوع وكل مرة يسويها في الحمام ـ خاصة الكاكا ـ يقول لي ماما ابا انفخ :redface:

وعلى كل حال حسب ما قريت فالطفل يطور كل شي بروحه .. يعني ما يقدر يتحكم في البول والكاكا في نفس الوقت .. وغالبا الطفل يقدر يطور تحكمه في البول أسرع من تحكمه في الكاكا .... فلا داعي للقلق.


وعن الضرب .. ما باقول لكم اني ما ضربت ولدي ابداً .. لكني بصراحة انا ضد الضرب في المراحل الأولى من التعليم .. لأني أنا نفسي يوم حاولت أعلم ولدي في المرة الأولى يوم عمره سنتين ونص وضربته خلال الأسبوع الأول كره الحمام وما قام يحب يعقد على المرحاض أصلاً .. وعشان جذي اضطريت اني اوقف التعليم وصبرت عليه شهرين تقريبا لين نسى موضوع الضرب ورجع يتجاوب وياي.

لكن يوم سوا كبوته الأسبوع اللي طاف ضربته .. وهذا كان بعد شهر كامل من التعليم .. يعني خلاص المفروض انه تعود على الحمام وماله حجة يسويها في ثيابه .. وحسيت الضرب في هالمرحلة كانت له نتيجة لأنه بعدها مشى على الصراط المستقيم بدون كبوات أبداً.:rolleyes:

ماشاء الله عيكي ياام الهتون
الله يحفظك ولدك يارب



انا ولدي اليوم طلب مني نروح الحمام اخيييييييييييييرا
بس ايش رايكم ماعاد اقوله روح يعني هو خلاص اللي حيقولي كل مره ولا استمر اوديه ؟

ابغى نصايحكم يامجربات