كوبونات الراقية تسجيل الدخول

ربيع القلوب؛
ربيع القلوب؛ •
اشكر اختي ام الهتون..على الموضوع الجميل
لكي نفيد ونستفيد من تجارب الاخوات
عندي سوال متى الطفل يبداء يقول ابي الحمام او بي بول
وجزاكم الله خير وجعل الجنه مثونا ومثواكم
أم الهتون
أم الهتون •
COSMOS COSMOS :
ام جوجو .. اختنا ام اهتون ماقصرت .. وانا بعد اقول توها بثاني اسبوع ماراح تقللك ابي اروح الحمام اتصور يبيلها وقت اكثر و حتى لو ماكانت تهتم لزعلك استمري انتي بأسلوب الترهيب والترغيب و مع الوقت تبدا تتعلم وانا بنتي كانت نفس بنتك اجلسها ع الكرسي و تجلس تتمايل وتتحايس و تقول عورني و من هالكلام اما بخصوص انك تحطي النونية بالصالة...والله ما عرف يعني انك معك انه غلط تجلس عليه طول اليوم بدون ملابسها و ايضا و زوجك كمان معه انها كلماتشوفها راح تذكر تعملها فيها ... انتي اصبري لحد ما تحسيها خلاص اكيد اكيد فاهمة بعدين ابتدي حطي النونية بالحمام ام الهتون الله يحفظلك ولدك يارب الله يخليه لك يارب فديته أمانة وصليله بوسة من عندي حبيته يذكرني بولد أختي (أموت فيه ابن اختي) احسه نفس الشي... اما اخبار بنتي امس طلعت منها حركة جننتني و ما عرف ابي اطلب منكم المشورة امس كلما تروح الحمام تعمل بول ماترضى تخرج تبي تعمل كاكا حتى لو مافيها .. اقللها يللا نطلع ما ترضى تقللي بعمل كاكا و هي مافيها بس طمعانة بالحلاوة...تفضل مدةةةةةة بالحمام و انا موفاضيتلها .. ابي اصلي أبي اكمل شغلي أبي و أبي و هي معسكرة بالحمام....وتجلس تضغط على نفسها لحد ما تعمل شووووووووووووووووووية و علطوووول تطالبني بالحلاوة والالعاب والـ والـ الخ .... لمن صار المغرب عملت نفس الحركة بس ماطلع منها شي وانا صراحة ابي اصلي و عندي اشغال .. انتظرتها وبعدين قلتلها بس خلاص مافي كاكا و بغيت اقومها من الكرسي موراضية وجلست تبكي و طلعتها من الحمام بالغصب و لمن طلعتها جلست تبكي تقللي ابي حلاوة........يعني كل هالمحاولات علشان الحلاوة!! هل انا بالغت بأسلوب الثواب؟ احسها زودتها...وبعد 5 دقايق رجعت قالتلي بروح الحمام!! و زوجي كلمايتصل يشوفني مشغولة معها تكون طالعة من الحمام أو تبي تروح الحمام ... يقللي زودتها البنت خففي من الحلاوة و المكافئات...مو كويس اللي تعمله تجلس تضغط على نفسها علشان تطلع ولو شوية طمعا بالحلاوة..... عملت نفس الحركة باقي اليوم لحد بالليل قبل ماتنام و هي ما ترضى تقوم من الكرسي طمعانة بالحلاوة...اقللها يللا نروح ننام بس خلاص مافي كاكا والبنت موراضية................اوووف صرت جادة معها لمن تقللي ابي اعمل كاكا ماقمت اشجعها كثر أول ... اليوم كانت موعدي بالمستشفى ومارضيت تعمل بول بالحمام الافرنجي العام ...مع اني راويتها الحلاوة وقلتلها لو عملتيها اعطيكي الحلاوة بس موراضية تعملها.......... بس الحمدلله ماطولنا كثير برا البيت ورجعت علطول خذتها الحمام... بس لمن رحت بي أبوي نفس الشي اخذتها ع الأفرنجي وقلتلها لو عملتيها اعطيكي الحلاوة بس نفس الشي مافي فايدة.......... مدري متى بتتعلم ع الافرنجي مع اني اجلس و اجلسها جمبي يعني ما اخليها لوحدها تجلس و اكون ماسكتها كويس اما بخصوص الكاكا اليوم ما عملت شي ابددددددد يمكن لانها ما أكلت كويس...وطبعا ما جبت لها طاري ما ابي تعمل اللي عملته مبارح... و هاذي اخر أخباري .. خبريني يا ام الهتون شرايك بحركة بنتي تعسكر بالحمام وتضغط على عملها بس علشان المكافئات؟
ام جوجو .. اختنا ام اهتون ماقصرت .. وانا بعد اقول توها بثاني اسبوع ماراح تقللك ابي اروح الحمام...
ام جوجو

ما عليه الغالية سامحيني .. لهاني الشيطان ونسيت ارد على جزئية النونية اللي في الصالة.

بصراحة انا اشوف ان البداية لازم تكون صح عشان تستمر صح .. والياهل حسب ما يتعود من البداية.

انا رايي ان الياهل مثل ما نعلمه شو هو البول وشو هي الكاكا المفروض نعلمه في نفس الوقت وين المكان اللي المفروض يسويهم فيه .. بمعنى انه لازم يعرف ان الحمام هو مكان البول والكاكا مب اي مكان ثاني.

ولا تزعلين مني بس النونية وظيفتها مساعدة الطفل في حالة انه خاف يقعد على المرحاض اللي يكون موجود في الحمام .. لكن مب انج تلاحقينه بها في كل البيت عشان يقعد عليها .. بعدين زوجج يقول خلي النونية في الصالة عشان البنت تشوفها وتتذكر .. طيب اذا كانت البنت في مكان ثاني غير الصالة والنونية مب جدامها فكيف بتتذكر؟؟ .. بهالمنطق مب بعيدة تحصلين نفسج مضطرة تحطين له نونية في المطبخ ونونية في الغرفة ونونية في الصالة ونونية في غرفة الطعام!!!!!!

يا حبيبتي الطفل لازم يتعلم كيف ومتى يروح الحمام مب انتي اللي تودين له الحمام لين عنده!!

ومع احترامي لزوجج بس ياليت يوم يقول رايه في مثل هالأمور ما يكون جدام البنت لأنها طبعا بتفهم وبتستسهل موضوع النونية اللي في الصالة واحتمال ما ترضا عقب تروح الحمام.



COSMOS

سبحان الله فيكم يا أمهات .. يعني الياهل ما طاع يروح الحمام زعلتو .. واذا حب الحمام بعد زعلتو!! :rolleyes:

شفيج زعلتي؟؟؟؟؟؟ ... انا امزح وياج ترا :wink:



شوفي حبيبتي .. ولدي عقب ما بدا يتمكن من موضوع الحمام صار كل يوم عقب ما اجهزه للنوم نتم رايحين يايين على الحمام ثلاث اربع مرات .. يعني شحططة مسائية يومية .. واللي يصير اني اول ما البسه البامبرز واحطه في السرير يتم دقيقتين بالضبط وعقب ينط ويقول لي (ماما ابا حمام) .. واقوم انزله من السرير وادخله الحمام ويسويها وعقب ارجع البسه البامبرز وارجعه السرير .. وبمجرد ما اروح ايلس على الكرسي يقوم على طول ويقول لي (ماما با حمام) واقوم مرة ثانية ادخله الحمام وعقب ما ارجعه السرير وايلس مكاني ينط مرة ثانية ويقول لي انه يبا يروح الحمام .. وهكذا داخلين طالعين من الحمام ... وهذا يحصل بالضبط مثل ما اقوله بدون مبالغة .. وهالكلام يصير لين الحين.

لكن ......

مع اني لازلت اغتاظ من ولدي على هالحركات .. ومرات اطفر واتعب من سالفة الحمام رايح ياي كل شوي .. لكن ولا مرة .. واكرر ولا مرة طنشته .. واقول لنفسي: صح السالفة تملل واحسه احيانا ماخذ الموضوع مثل اللعبة لكن مع ذلك هذا أفضل من انه يسويها على نفسه أو في البامبرز .... يعني انظر للجانب الإيجابي في الموضوع وانه صار يفهم أهمية الحمام ويحب يدخل يقضي حاجته هناك حتى لو من باب اللعب والدلع.

وما باقص عليج .. انا في البداية كنت مفكرة انه يقص علي وانه بس يلعب .. لكني مع ذلك ما طنشته وقلت لنفسي: (افرضي الموضوع كان صدق وانه فعلا يبا يروح الحمام ! .. فمب لازم اخليه يسويها في البامبرز)

الشاهد في الكلام .. حتى لو كانت بنتج تسوي هالحركات طمع في الحلاوة فوين المشكلة؟؟؟

على الأقل هي فهمت انها لازم تستخدم الحمام .... وهذه نقطة مهمة جداً.

انتي استمري على نفس الأسلوب .. اذا سوت حتى لو شوي عطيها واذا ما سوت لا تعطينها ..... واذا صاحت قولي لها (ما يصير تاخذين حلاوة وانتي ما فيج شي) .. وبدل ما تطلعينها من الحمام بالغصب حاولي تقنعينها (يا ماما يالله نطلع الحين نروح نشوف الكرتون وبنرجع عقب شوي وبنشوف اذا بتسوين شي عشان اعطيج الحلاوة اللي تبينها) .. واذا تمت تصيح طنشيها ولا تردين عليها لأنج خلاص فهمتيها وسويتي اللي عليج .. بس خلج ماسكة أعصابج على الآخر.

واذا صممت تعسكر في الحمام وانتي وراج شي خلي حد يمسك المهمة بدالج وعقب ارجعي شوفيها شو سوت .. أما اذا ما كان عندج حد فانتي مضطرة تتحملين الوضع شوي وان شاء الله لج الأجر على الصبر وطول البال .. وبإذن الله الأمور بتتعدل .... بس ما ادري احس مب زين انج تجبرينها تطلع من الحمام يوم هي تكون تبا تتم.

وعلى كل حال هذا رايي في شي انا ما جربته .... فأتمنى اذا حد مر بنفس هالظرف يفيدنا أكثر.

بالنسبة للحمام الافرنجي جربي تخلينها تشوفج وانتي يالسة عليه وراويها كيف تستخدمينه ... تعرفين الدرس العملي له تأثير أكبر على الطفل في حال ما نفع النظري وياه.

وعلى فكرة البوسة وصلت لولدي :wink:
سموّره الأموّره
سموّره الأموّره •
أم الهتون أم الهتون :
الله يهديج ما ينفع تقولين مالي خلق ومالي نفس طويل .. لأنه بدون الصبر وطول البال ما بتقدرين تعلمينها بالأسلوب الصحيح وبالتالي بتاخذ وقت أطول لين تتعلم. بعدين الأطفال في كل شي يخصهم يحتاجون وقت .. هي حليلها مب مولودة بالفطرة تعرف كيف تستخدم الحمام يعني طبيعي تاخذ لها شهر والا حتى شهرين على الأقل لين تتعلم. شوفي انا ما جربت طريقة الاستكرات .. واحتمال تكون طريقة زينة بس مب كافية .. انا عن نفسي كان اسلوب الثواب والعقاب اللي استخدمته مع ولدي متعلق بألعابه وحديقة البيت وعماته بشكل رئيسي لأنه يحب السيارات ويحب يلعب في حديقة البيت ويحب يروح عند عماته .. فكل مرة كان يسوي في الحمام كنت اخليه يلعب بسيارته اللي يحبها واخليه يلعب في الحديقة واخليه يروح عند وحدة من عماته .. واذا سوا في ثيابه احرمه من سيارته ومن الحديقة ومن الروحة عند عماته لين يسويها المرة اللي عقبها في الحمام .. واذا زاد عندي احساس الغيظ والقهر كنت اخاصمه وما أكلمه الا للضرورة واقول له اني زعلانة لانه ما سوا في الحمام عشان يحس فعلاً ان الموضوع يهمني واني اباه يستخدم الحمام بجد .. بس طبعا ما كنت اضربه. فحاولي تجربين هالطريقة وشوفي شو بيصير .. وبعد ممكن تستخدمين سالفة الالتهاب كوسيلة تشجيع .. يعني قولي لها ان البامبرز بيخلي فيها واوا على طول وانها اذا لبست الهاف وراحت الحمام مثل الكبار فالواوا بتروح .. ومن هالكلام ..... ولا تقولين ما بتفهم لأنها بتفهم انتي شو تقولين. المهم اني ما اعتقد ان بنتج تعاند .. بس احتمال كبير انها تحس بضيقج وتوترج فما بتقدر تكون مرتاحة للموضوع ولا بتقدر تتجاوب وياج مثل ما تبين .. وغالب ظني انج تصرخين عليها وايد ما دامج قلتي انج ما عندج صبر .. فاذا كنتي فعلا تسوين جذي فانصحج تعيدين نظر لأن كثرة التوتر والصراخ والعصبية ما بتنفع خصووووووصا في البداية.
الله يهديج ما ينفع تقولين مالي خلق ومالي نفس طويل .. لأنه بدون الصبر وطول البال ما بتقدرين...
ام الهتون ..
يعطيك العافيه بصراحه كلامك عيين العقل ..
اليوم شلت الحفاظ عنها طووول اليوم وكل شوي اسألها اذا تبغا الحمام او لا ..
وبالفعل غيرت انواع المكافأت جبت لها الوان وكراسه لانها تعشق الرسم وجبت لها انواع السي دي اللي تحبها مثل بارني وصرت اكافئها
اليوم سوت البوبو ( الكاكا )في ملابسها مرتين :( وماهاوشتها ابد حاولت امسك نفسي
وان شااء الله راح احط الابديت هنا ومشكوره على هالموضوع ...
أم الهتون
أم الهتون •
ربيع القلوب؛ ربيع القلوب؛ :
اشكر اختي ام الهتون..على الموضوع الجميل لكي نفيد ونستفيد من تجارب الاخوات عندي سوال متى الطفل يبداء يقول ابي الحمام او بي بول وجزاكم الله خير وجعل الجنه مثونا ومثواكم
اشكر اختي ام الهتون..على الموضوع الجميل لكي نفيد ونستفيد من تجارب الاخوات عندي سوال متى الطفل...
يوم يقدر يتحكم في عمره حبيبتي.

وهذا شي مب متشابه عند كل الأطفال .. يعني مب كل الأطفال يقولون انهم يبون الحمام في نفس الوقت.

مثلاً في ياهل يقولها عقب اسبوعين من التعليم وفي ياهل ممكن يقولها عقب شهر .. يعني على حسب طبيعية كل طفل.

وترا الذكاء ماله علاقة بالموضوع .. يعني اللي يقول انه يبا الحمام عقب اسبوعين مب معناه انه احسن او اذكى عن اللي يقول عقب شهر .. لكنها فروقات طبيعية بين الأطفال وكل طفل حسب استعداده وتطور قدرته على التحكم في نفسه.
أم الهتون
أم الهتون •
سموّره الأموّره سموّره الأموّره :
ام الهتون .. يعطيك العافيه بصراحه كلامك عيين العقل .. اليوم شلت الحفاظ عنها طووول اليوم وكل شوي اسألها اذا تبغا الحمام او لا .. وبالفعل غيرت انواع المكافأت جبت لها الوان وكراسه لانها تعشق الرسم وجبت لها انواع السي دي اللي تحبها مثل بارني وصرت اكافئها اليوم سوت البوبو ( الكاكا )في ملابسها مرتين :( وماهاوشتها ابد حاولت امسك نفسي وان شااء الله راح احط الابديت هنا ومشكوره على هالموضوع ...
ام الهتون .. يعطيك العافيه بصراحه كلامك عيين العقل .. اليوم شلت الحفاظ عنها طووول اليوم وكل...
يا عيني على الناس الكوووول اللي حاطين اعصابهم في الثلاجة :biggthump

بارك الله فيج وفي بنتج .. وصدقيني على قد ما بتغتاظين الحين على قد ما بترتاحين في وقت أقصر ان شاء الله.

الحين .. امنعي عنها كراسة الرسم والألوان وفهميها (ما في رسم وألوان الا يوم تسوين الكاكا في الحمام) .. وحتى لو سوت الكاكا والبول في ثيابها طول اليوم (الله لا يقول بس هذا احتمال وارد يعني لا تتفاجئين) فلا تعطينها الكراسة ابدا الا عقب ما تسويها في الحمام.

اذكر ولدي في بداياته سوا الكاكا مرة في ثيابه .. فبمنهى الهدوء وديته الحمام وغسلته وبدلت ثيابه وقلت له (ما في سيارة لانك سويت الكاكا في ثيابك .. وما بتلعب بالسيارة الا عقب ما تسوي الكاكا في الحمام) .. طبعا كلمته بهدوء لكن بحزم وبنبرة صوت زعلانة.

وحطيت السيارة فوق الطاولة .. وحذرته يقرب منها .. وفديته تم طول اليوم يحوم حواليها مب قادر يمسكها وكل شوي اذكره (بتاخذها يوم تسوي الكاكا في الحمام) ..... وتم على هالحالة لين اليوم الثاني .. واول ما سواها في الحمام قال لي وهو بعده على المرحاض (ماما ابا وي وي) (يسمي سيارة الشرطة مالته وي وي :rolleyes:) .. وفعلاً سرت يبتها وعطيته اياها وهو بعده في الحمام :rolleyes:


وبالمناسبة .. في هالمرحلة لا تكتفين بانج تسألين بنتج بس .. وديها الحمام كل نص ساعة مثلاً حتى لو قالت لج انها ما تبا تسوي شي .. وعقب كم يوم وديها الحمام عقب ساعة وبعدين عقب ساعة ونص .. مع تكرار دخولها الحمام بتفهم الموضوع أكثر ومع الممارسة المستمرة طول اليوم بتتأقلم أكثر وبتتعلم أسرع ان شاء الله.