كوبونات الراقية تسجيل الدخول

أم سلطان2005
أم سلطان2005 •
ياأختي أم الهتون الله يعطيك العافيه على طرحك لهالموضوع...

أنا عندي مشكله مع ولدي مجنني..بقاله شهر بس ويكمل 3 سنين..

حاولت معاه من كم شهر على الحمام واقوله اذا فيه كاكا وانتو بكرامه..قولي..

ويجيني يقولي بس بعد مايسويها ويخلص..كيف افهمه انه يقولي قبل لا يسويها اوريه النونيه واخليها بالصاله اقوله اذا فيه كاكا سو هنا..

لكن مافي اي فايده..مشكلته مايتكلم ابدا..ماني عارفه اتفاهم وياه ابد..والحين طالع لي بطلعه جديده انه مايبي يلبس الحفاظ ابد..

كل شوي اجي والقاه مفصخ ملابسه كلها والحفاظ بعد؟؟؟؟؟واحيانا القاه مسوي بغرفته ومااشوفها الا بعد فتره او بزبالة الصاله

الصغيره...انقرفت والله واتبهذلت معاه..كل شوي اساله فيه كاكا؟؟بس مافاد..

تعبت وانا حامل وبقالي 4شهور واولد ابغا اعلمه قبل يجي الثاني واتبهذل باثنين..

تكفون عطوني حل مع هالولد اللي مطلعلي قرووون؟؟؟
noors
noors •
أم سلطان2005 أم سلطان2005 :
ياأختي أم الهتون الله يعطيك العافيه على طرحك لهالموضوع... أنا عندي مشكله مع ولدي مجنني..بقاله شهر بس ويكمل 3 سنين.. حاولت معاه من كم شهر على الحمام واقوله اذا فيه كاكا وانتو بكرامه..قولي.. ويجيني يقولي بس بعد مايسويها ويخلص..كيف افهمه انه يقولي قبل لا يسويها اوريه النونيه واخليها بالصاله اقوله اذا فيه كاكا سو هنا.. لكن مافي اي فايده..مشكلته مايتكلم ابدا..ماني عارفه اتفاهم وياه ابد..والحين طالع لي بطلعه جديده انه مايبي يلبس الحفاظ ابد.. كل شوي اجي والقاه مفصخ ملابسه كلها والحفاظ بعد؟؟؟؟؟واحيانا القاه مسوي بغرفته ومااشوفها الا بعد فتره او بزبالة الصاله الصغيره...انقرفت والله واتبهذلت معاه..كل شوي اساله فيه كاكا؟؟بس مافاد.. تعبت وانا حامل وبقالي 4شهور واولد ابغا اعلمه قبل يجي الثاني واتبهذل باثنين.. تكفون عطوني حل مع هالولد اللي مطلعلي قرووون؟؟؟
ياأختي أم الهتون الله يعطيك العافيه على طرحك لهالموضوع... أنا عندي مشكله مع ولدي مجنني..بقاله...
نفس مشكلتى ابنى بينتبه بعد ما يعملها بصراحة انا لسه مبتدية وبالنسبة للكاكا لم يعملها جلس 3 ايام واول لما لبسته البامبرز عملها ياريت الاخوات يفيدونا اعمل ايه??
أم سلطان2005
أم سلطان2005 •
up
أم الهتون
أم الهتون •
أم سلطان2005 أم سلطان2005 :
ياأختي أم الهتون الله يعطيك العافيه على طرحك لهالموضوع... أنا عندي مشكله مع ولدي مجنني..بقاله شهر بس ويكمل 3 سنين.. حاولت معاه من كم شهر على الحمام واقوله اذا فيه كاكا وانتو بكرامه..قولي.. ويجيني يقولي بس بعد مايسويها ويخلص..كيف افهمه انه يقولي قبل لا يسويها اوريه النونيه واخليها بالصاله اقوله اذا فيه كاكا سو هنا.. لكن مافي اي فايده..مشكلته مايتكلم ابدا..ماني عارفه اتفاهم وياه ابد..والحين طالع لي بطلعه جديده انه مايبي يلبس الحفاظ ابد.. كل شوي اجي والقاه مفصخ ملابسه كلها والحفاظ بعد؟؟؟؟؟واحيانا القاه مسوي بغرفته ومااشوفها الا بعد فتره او بزبالة الصاله الصغيره...انقرفت والله واتبهذلت معاه..كل شوي اساله فيه كاكا؟؟بس مافاد.. تعبت وانا حامل وبقالي 4شهور واولد ابغا اعلمه قبل يجي الثاني واتبهذل باثنين.. تكفون عطوني حل مع هالولد اللي مطلعلي قرووون؟؟؟
ياأختي أم الهتون الله يعطيك العافيه على طرحك لهالموضوع... أنا عندي مشكله مع ولدي مجنني..بقاله...
اسم الله على قرونج :pinklove:

أول شي هدي أعصابج تماماً .. وخلج كوووووووووووووووول :wink:

الهدوء مهم جداً في هالمرحلة.

ثاني شي .. انتي طبعاً ما قلتي كيف كانت بداية تعليمج لولدج بالضبط .... لكني أعتقد انج غالبا سويتي مثل معظم الأمهات اللي تبدا مع ولدها ومن أول يوم تقول له (قول اذا تبا تروح الحمام) ... وهو بعده حليله ما يكون فاهم شو السالفة بالضبط ..... مثل اللي يرمي ولد في البحر ويقول له (اسبح) من غير ما يكون علمه اصول السباحة!!!!

يا عمري انتي لازم الأول تعلمين ولدج أصول استخدام الحمام وعقب اطلبي منه يقول لج اذا يبا يروح الحمام.

في البداية وديه بنفسج الحمام .. حطيه على المرحاض لين يسوي بول أو كاكا .. وخلج على هالموال كل نص ساعة أو ساعة الا ربع ... وعقب كم يوم زيدي الوقت ووديه الحمام كل ساعة وعقب كل ساعة ونص .... وهكذا .. ولا تتريينه في البداية انه يقول شي لأنه بعده ما يعرف يتحكم في نفسه .. وما عليج حتى لو رفض انه يروح الحمام .. بس عاد لو رفض لا تهاوشينه .. بس حاولي تغرينه (خلنا نروح الحمام وعقب بناكل كاكاو .. أو بنلعب بالكرة في الحديقة .. أو بنشوف الرسوم مع بعض) .. المهم انج تداومين على ادخاله الحمام بهالشكل وتقولين له وهو يالس على المرحاض انه هذا هو مكان البول والكاكا .. عشان يقدر يربط بين المكان وبين عملية الإخراج .. واستمري على هالشي لمدة ما تقل عن عشر ايام او اسبوعين تقريباً .. وعقب هالفترة غالباً بيبدا يتعلم كيف يتحكم في عمره وكيف يمسك نفسه.

طبعاً خلال هالفترة مرة بيسويها في الحمام ومرة لا .. عاد انتي وحظج وهو ومقدرته .. فكوني حريصة وانتبهي على رد فعلج .. يعني يوم يسويها في الحمام صفقي له وبوسيه واحضنيه وعطيه شي يحبه وايد .. واذا ما سواها سكتي عنه وطلعيه من الحمام بدون تعليق بس قولي له انه بيدخل الحمام مرة ثانية عقب نص ساعة مثلاً .. أما اذا سواها في ثيابه فبيني له انج زعلانة منه وايد واحرميه من لعبته أو من الكرتون أو من أي شي انتي تعرفين انه يحبه وايد ... وطبعاً لازم تصممين على موقفج لين يسويها في الحمام حتى لو اضطريتي انج تترين لين اليوم الثاني.


وبالمناسبة .. كون الولد يحس انه سوا شي في ملابسه فهذا شي طيب .. يعني لا تستهينين به.
أما انه ما يبا يلبس الحفاظ فهذا بعد شي طيب ولازم تشجعينه عليه .. بس قولي له (انت شاطر لانك صرت كبير وما تبا البامبرز بس لازم تكون أشطر وتروح الحمام وما توسخ ثيابك) ... وشوي شوي بيتطور وبيتعلم.

حبيبتي .. الياهل يحتاج وقت لين يتعلم استخدام الحمام .... فانتي عطيه وقته وتحمليه .. وحطي في بالج انه خلال فترة التعليم لازم بتصير له عثرات وأخطاء لين يوصل لمرحلة النجاح الكامل .. وان شاء الله بيكون متعلم قبل موعد ولادتج بس انتي طولي بالج ولا تعصبين عليه عشان ما يتوتر ويخاف .... والله يقومج بالسلامة يا رب.
أم الهتون
أم الهتون •
noors noors :
نفس مشكلتى ابنى بينتبه بعد ما يعملها بصراحة انا لسه مبتدية وبالنسبة للكاكا لم يعملها جلس 3 ايام واول لما لبسته البامبرز عملها ياريت الاخوات يفيدونا اعمل ايه??
نفس مشكلتى ابنى بينتبه بعد ما يعملها بصراحة انا لسه مبتدية وبالنسبة للكاكا لم يعملها جلس 3 ايام...
حبيبتي عادي الطفل يتأخر في عمل الكاكا يوم يبدا التعليم ... فلا تخافين.

واقري ردي على ام سلطان وحاولي تطبقين نفس الأسلوب وخبرينا شو بيصير وياج.