HTOOON1 :

السلام عليكم ورحمة الله هلا بام الهتون وبنغمة وبكل الامهات << اتاريك امي وانا مدري!! صراحه استفدت من موضوعك كثير وقرأت كل الخطوات والمراحل اللي مريتي بها انا لي اسبوعين بنتي عمرها بفس عمر ولدك تخيلي ندخل الحمام ولا نسوي ولا شي كله لعب وطشطشه بالماء .. تو لها يومين فقط بدت تسويها بالكرسي الخاص حقها .. بس والله تعب تعب تعب خصوصا اني حامل ... والحمد لله الى الان ماسكه اعصابي ولا طقيتها ولا نفخت عليها ولا مره.. واستفدت من طريقتك بالتشجيع لكن عندي اسئلة ك هل كل مرة تسويها اعطيها هديه -حلاو-..؟؟ لانها الى الان ماتعلم اذا بغت الحمام بس لما اوديها وتسويها اكافئها وتنبسط مررررة بالنسبة لطريقة الحرمان من الطلعات ومن الالعاب ...؟ظ متى تستخدم بالضبط ...؟؟ وهل طفلك متعود ع طريقة الحرمان من قبل ...؟؟ لاني ماعودت بنتي عليها واذا حرمتها من شي اخاف ما تفهم وتعصب ...؟؟ خصوصا ان كلامها قليل متى يبدا الطفل يعلم من نفسه ..؟؟ ومشكووووووووووووره بعد قلبي

السلام عليكم ورحمة الله هلا بام الهتون وبنغمة وبكل الامهات << اتاريك امي وانا مدري!! ...

أم الهتون :

الله يعطيج العافية حبيبتي .. وما شاء الله على بنتج. طبعا تو الناس شوي انها تقول من نفسها انها تبا تروح الحمام ... لكن مجرد انها تستخدم الحمام يوم انتي تودينها فهذا طبعا طبعا شي طيب وتقدم جميل. بالنسبة للمكافآت .. نعم كل مرة تسويها في الحمام كافئيها .... بس نوعي في المكافآت ولا تخلينها كلها مكافآت مادية ... يعني مرة كاكاو .. مرة تلعب في الحديقة .. مرة تشوف الرسوم .. مرة لعبة أو عروسة .. مرة بوسة .. مرة حضن كبير .. مرة انتي العبي وياها ..... المهم كل مرة فهميها شو سبب المكافأة وانج مبسوطة منها وايد لانها سوت في الحمام. أما الحرمان فهو بالعكس ... يعني كل مرة تسوي على ثيابها قولي لها انج ما بتعطينها الشي الفلاني أو ما بتخلينها تسوي الشي الفلاني .... وركزي كثيييييير على الأشياء اللي تحبها وايد .. لان الحرمان ينفع بشكل كبير اذا استخدميته مع اشياء يحبها الطفل حب كبير .. يعني ولدي أكثر شي يحبه هو السيارات واللعب في حديقة البيت .. وهالشين كانو اكثر شي اركز عليه بالنسبة للحرمان .. والحمدلله الأمور كانت ماشية تمام التمام. وبالنسبة للتعود .. فبصراحة لا .. ولدي ما كان متعود وايد على مسألة الحرمان .. أو بمعنى أدق انا ما كنت اطبق هالاستراتيجية بجدية بالنسبة للأمور الثانية .. وبالعكس أنا اشوف اني بديت اطبقها بحزم أكثر وياه وانها صارت أكثر فعالية من وقت ما بديت أعلمه استخدام الحمام ... يعني يوم شفت شكثر نفعني أسلوب الحرمان وقت التدريب صرت استخدمه بالنسبة للأمور الثانية. ومثل ما قلنا قبل .. لا تشغلين بالج بسؤال (متى بتبدا تقول من نفسها) .. لان مب كل الأطفال مثل بعض .. بس اهم شي انج تخلينها تاخذ وقتها في التعليم والتدريب ولا تستعجلين عليها.

الله يعطيج العافية حبيبتي .. وما شاء الله على بنتج. طبعا تو الناس شوي انها تقول من نفسها انها...

نغمة تائهة :

لا يمكنك مشاهدة هذا التعليق لانتهاكه شروط الاستخدام.