ان شاء الله يانغمه بحاول ابدأ فيه بس بعد شهر <<<<< شايله همممممممم

وهو الله يصلحه اذا شافني بغير لاخته يجي طااااير انا انا .....وهو بعد توه ماتكلم ياعمري عليه هذا اللي مخليني اجل الموضوع زياده

نغمة:
سلامات لولدك ومايشوف شر ...

ام الهتون:
هلا قلبي
سيب الحمام زي ماقالت نغمة هو المدخل الللي يودي للحمام يعني برا!!

فعلا انا فكرت في الاحتمال اللي قلتي ..
الله يعين ..

المشكلة انها مرا ترفض تجلس نهائي ..
لدرجة اني الحقها بالكرسي واجلسها عندتوم وجيري ..
والبارح بالليل رفضت وخليت ابوها يعصب عليها شوي وجلست عليها وسوت ...

والمسكينة معها امساك واستخدمت تحاميل بدون فايده...

الله يشفيييييييييييها

دايم يجي مع ولدي ويتعببببه

مساء الخير يا بنات،،،
مشكورين على هالموضوع ،،،
جاني على الوتر الحساس،،
انه كنت ناوية اعلم بنتي على الحمام لما اولد واخذ اجازة وضع عقب شهرين تقريباً وراح ايكون عمرها سنتين وثمان شهور،،
بس يوم الجمعة الفايته غسلت بنتي لما عملت النمبر 2 بالبمبرز وقالت لي واحنه في الحمام ماما في بيبي (يعني نمبر 1) قلت خير وبركة وقعدتها على البوتي (القيصرية) وعملتها فيها،،،
والله فرحت وايد وسويت لها عرس وزفه بالبيت،،،
لأني تفاجئت،،، وكنت قبل محاوله معاها مرتين ما نفعت ،،،
بس الحين بنفسها طلبت تقعد في الحمام،،،ومن يوم الجمعة لي اليوم وهي مره تصيب ومره تخيب،،،
بس الأغلب تخيب طبعاً،،،
بغيت اعرف يا بنات كم يوم يبغيلي اني اعود بنتي على الحمام لغاية ما بنفسها تتعود عليه،،، وتقول لي بنفسها من غير ما يحتاج اني اوديها كل نص ساعة الحمام،،
احس اني بديت اتعب مع التنظيف لأني في آخر السابع تقريباُ وظهري الله لا يوري احد الألم اللي احس فيه،،،
خاطري افتك من البامبرز قبل لا اولد بس بعد والله تعبانه معاهه،،،
وشي ثاني ،،
في وحده منكم عانت مع ولدها او بنتها الله يحفظهم عدم السيطره على الخروج،،
انه ولدي الكبير الله ايحفظه من يوم ما جبت بنتي بشهرين وهو ما يقدر يتحكم في النمبر 2 ،، دايماً ايسويها بالملابس الداخلية الله ايعزكم،،،
بس النمبر 2،،، والنمبر 1 والله الله ايحفظه شاطر فيه وما تعبني في الروحه للحمام حتى بالليل،،
بس من يوم ما جبت بنتي بثلاث شهور وهو على هالحال،،،كان وقتها عمره سنتين ونص،، وبديت اعلمه على الحمام لما ولدت على طول وماتعبني مثل ماقلت لكم كثير بس بعدها بثلاث شهور تغير حاله،، وصار كأن برنامج كمبيوتر في مخه وصار له دليت،،،
من عقب ما دخل 4 سنوات خف شوي عن اول وصار يوم ايقول ويوم ما يقول،، وهذا تقريباً بعد مادخلته الروضه،،
بس بعد ايسويها في البيت،، يعني المشكله ما انحلت،،،
انه خايفة من استمرار هالمشكله لأن هالشهر راح ايكمل 5 سنوات،،،
افكر اعرضه على دكتور نفسي للأطفال،،
اشريكم يا بنات،،،
والله محتاره معاه،،،معذبني بسبب هالموضوع،،،والحين صار عندي اثنين انظف من وراهم،، وبالله المستعان،،
انطر ردودكم يا بنات ،،، اللي عندهه خبره في الموضوع...

أنا ولدي الكبير كنت أوديه الحضانة لأني كنت اشتغل و هناك علموه

و ولدي الصغير ماشاءالله عمره سنة و ثمان شهور علمته كم يوم و بعدين تعبت و بطلت و عنده استعداد يتعلم ما نسى هاليومين اللي علمته فيهم , دائما يمسك يدي و يوديني عند الحمام و يقول "ماما , يـــع " ... لكن أنا مالي خلق حاليا من بسبب الحمل بس ناوية أعلمه ان شاءالله اذا خف الوحام لأني متوحمة على الكسل و النووووم ... ودي أولد و هو خلاص متعود على الحمام على الأقل في النهار ....

و على فكرة أنا قريت في مجلة علمية ان البيبي من يوم عمره 6 شهور ممكن يتعلم على الحمام و يعتمد الموضوع على صبر الأم و ارادتها ...