بديت أوسوس وأشك بنفسي 😞

الله يطمن قلبك ويرزقك بالزوج الصالح الي يحبك.
مراح اقول نصيب لانك قلتيها وعارفه. لكن بقولك كل تأخيره فيها خيره.
بيجيك الي يسعدك ، والي بتقولين في نفسك حمدلله ما احد اخذني غيره. حطي في عقلك هذي الافكار واجذبيها فالحياة الواقعيه.
تخيلي زوج المستقبل وكيف بتحطينه على راسك وتتدللينه ، تخيلي مواصفته قولي “بيكون كذا وكذا وكذا”
واستمري في مدح نفسك عند الناس ، ان النصيب لسه ما جاء وما تمت لي ولا خطوبه ما ارتحت ، ما جاء الي يناسبني ويستاهلني.
اشتغلي على نفسك داخليًا وخارجية ، طوري من شخصيتك ومن طيبتك ، استكشفي هوايات جديدة. تقربي من امهات عندهم شباب ترغبين بهم.
احضري مناسبات وزواجات كثيره ودلعي نفسك بالملابس والستايلات.
احنا ما نتميلح لكن نعمل بالاسباب صح ولا لا؟
لازم يكون عندك حاجة تجذب الناس تجي تخطبك وانا متأكده انك عسل و واثقه من نفسك وعندك اشياء حلوه بس نشتغل على نفسنا اكثر ونطور من نفسنا بكل الاتجاهات.
لو انتي موظفة خذي دايمًا معاك اكل من البيت وحلا ومعجنات وارسليها لقسم الرجال. كانت عندي صديقه تفعل كذا وتقدم لها من عملها ٥ رجال.
لو ما انتي موظفه اشتغلي على نفسك وتوظفي عشان تختلطي بالناس والمجتمع.
لو فيه اي شيء تسويه بشكلك بيخليك احلى سويه وصيري احلى. واهتمي بمظهرك دائمًا.


ولساتك شباب وان شاء الله ما تخلص ٢٠٢٠ الا وانتي متزوجة وتقولين للناس احلى شيء سويته اني ما تزوجت بدري وعشت شبابي وخليت الثلاثين للحياة الزوجية والاطفال والمسؤوليات.


اتمنى لك الخير يا جميلة ونصفك الثاني قادم، عليك بالصبر والتفكير الايجابي.


تحياتي

الله يرزقك بالزوج الصالح عاجلاً غير آجلاً قادر ياكريم
يارب تكون فرحاتك قريباً ثلاث فرحات
زوال كورونا وعيد الفطر المبارك وزواجك
آمييين يارب العالمين

الله يرزقك يارب باذن الله يجي نصيبك ادعي ربك واسال الله ان يرزقك الزوج الصالح الحنون فيك عاجلا غير اجل

تسلمون يارب

دعواتكم