بديت اجهز لطفلي وابغى نصايحكم ... <يوجد ملف للتجهيزات انظري الخطه المثبته

السلام عليكم

بدخل في الموضوع علطول ..

انا اول مره اجهز لمولودي الله يجيبه بالسلامه طبعا ناويه اجهز لاربعين يوم فقط

لاني راح اولد بنهاية الصيف بـ 20 / 11 وعلى طلعتي من الاربعين بيكون شتاء فقلت اخذ الحين ربيعي

واذا طلعت بشتري شتوي

فأبغى منكم تنصحوني اذا فيه اشياء ناقصه ومهمه ما اخذتها واذا يبغالي ازيد على اللي اخذتهم

ووش الاشياء اللي استفدتوا منها حيل في تجهيزكم لاطفالكم وتنصحوني فيها

راح ابدأ :

اول شي اتجهت لسنتر بوينت حبيب الامهات :32:

اخذت منه 4 مهادات

لفتين ثقيله وحده فرو ناعم ووحده صوف خفيف كروشيه

بربتوزات من 0 _ 3 ست قطع

افرولات اللي تجي كامله مع شراب من 0 _ 3 ست قطع

افرولات برضو اللي تجي كامله من 3 _ 6 قطعتين ماقدرت اقاوم اشكالهم تجنن

قبعات قطنية 3 حبات

صدريات 5 حبات

دسوس للايادي حبه وحده اعتقد كافيه

منشفه بعد الاستحمام اخذت وحده وبرجع اخذ منشفه وسط بعد تغيير الحفاظ تكون بدون قبعه للراس

فرشاة تنظيف الرضاعه حبه وحده

فرشة شعر

مقسم للحليب

بس هذول اللي اخذتهم من سنتر بوينت

بعدها اتجهت لمذركير عنده تخفيضات 50% الحقوا عليه لايطوفكم

اخذت منه كرسي الاستحمام اللي على شكل جلاسه من قماش مشخل

اقعده على الارض والبيبي كانه قاعد بجلاسه واغسله والمويه تنزل من تحت

مرره عملي ومن زمان ابحث عنه وماحصلته في سنتر بوينت اخذته بـ 130 بعد التخفيض

واخذت بوكس لاغراض الشاور بـ 180 اعتقد ماني متذكره

واخذت المصاصه اللي تقيس حرارة الطفل من ماركة أفنت تجي بعلبه فيها مصاصه عاديه

و مصاصه لقياس درجة الحراره من الفم وميزان حراره اللي تحت الابط كلها بعلبه وحده بـ 100 ريال

وبس هذا اللي شريت

طبعا باقيلي اغراض الصيدليه والرضاعات واغراض الشاور بخليها اخر شهر

وباقي السرير باخذ باسكت من مذركير اللي تجي خوص

وباقي الشنطه هذي لاطلعت من الاربعين

وباقي ترمس يحفظ المويه حاره باخذه من قصر الاواني

وباقي لبس الاستقبال للبيبي مع اللفه حقته باخذها من ماماز اند باباز او جاكادي

او القرعاوي بس مدري متى يخفض اللي تعرف تقول ..


يالله نصايحكم لاهنتوا ...

وكل وحده تذكر تجربتها ..