بديت احس بالعنوسة ومزاجي بدا يتغير

اخوي اصغر مني بسبع سنوات عمره بداية العشرين بيملك قريب
وانا واختي في الثلاثين وما تزوجنا احس صرنا كبار كل مارحنا ملكة او عرس نشوف العروس في العشرين الا انا وهي وكم وحدة من قريباتنا في الثلاثين
مزاجي احس بدا يصير سيء اكثر من قبل
الوحدة تستعد حق بيت زوجها وتجهز اغراضها لبيت زوجها الا انا واختي نجمع في ذا الاغراض ونكدسهم في ذا الغرف
احيانا نروح منتجع مع امي وابوي تخيلوا الي رايحة مع زوجها وعيالها وانا واختي على ذا العمر كله ونروح مع امي وابوي
قريت موضوع قبل كم يوم ان الوحدة اذا صار عمرها اربعين وحملت يكون المولود مصاب بالمغولية احتمال كبير تضايقت لما قريت الموضوع
اختي باقي لها خمس سنوات وتوصل اربعين وانا بعدها بكم سنة والحقها
كل ما شريت شي جديد ووصلت بيتنا اقول في نفسي مطولة في القعدة في البيت وما راح نتزوج لا انا ولا اختي
تخيلوا اختي صبغت غرفتها وبتجيب لها تسريحة في غرفتها
لما ابوي قال اذا تبين تصبغين انا قلت لا
مدري حسيت انه استسلام للعنوسة اصبغ عشان تغيير روتين وتهرب من الواقع المفروض في ذا العمر اجهز غرفة ولدي الثاني ولا الثالث