بديت اشك بنفسي الموضوع عادي والا انا مبالغه ؟؟!

صباح الخير :heart:

اللحين من يوم وحنا صغار وحنا نسمع عبارة ( المرأه في الغرب مجرد دميه تلبي احتياجاتهم فقط بينما المرأه في xxxxxxx وفي بلاد العرب عموما مكرمه ولها مكانتها )

كنت اصدق هالعباره لين قريت موضوع بذا المنتدى غيررر كل تفكيري وبينت لي انوو كل السنين اللي راحت وانا مخدووعه ):

الموضوع كان عن ليلة الدخله وان ليلة العرس يتم تحديدها حسب وقت دورة العروس
والله انصدمت لما عرفت هالمعلومه توقعت انهم يحددوا الموعد حسب حجوزات واسعار القاعات او يخلونها بتاريخ مميز
قلت بنفسي ممكن هالشي معروف للكل بس انا ما عندي اطلاع على هالمواضيع فسئلت صديقتي وطلعت معلومه جديده عليها بعد :rolleyes:

لهذي الدرجه اغلب الرجال عندنا همجيين وتفكيرهم بس xxxxx!!
وربي اني حمدت الله اني مو متزوجه ولا صرت ادعي اني اتزوج
المفروض يكون الرجل ارقى من كذا معها ويخليها تتعود عليه خصوصا انوو حنا البنات متعلقين بحياتنا مع اهالينا شي صعب الانتقال لمرحله جديده بحياتنا ونكون خايفين اذا بننجح او نفشل فيها بعكس الشباب الوضع سهل بالنسبه لهم يعني ليش الاستعجال ؟؟ اكيد تزوجوا بعض ع قناعه تامه وواثقين في بعض وبيقضون باقي حياتهم مع بعض

قريت عن بنات ياخذون حبوب منع الدوره بس حتى لا يزعل عريس الغفله وبمباركه وتشجيع من اهلها
لو هالعريس جد يحبها ويخاف عليها كان منعها من الحبوب لانها تضر بصحتها حتى لو تصير الدخله بعد اسبوع
لو اني عروس وصار فيني ذا الشي ( يعني يحددوا زواجي ع حسب الدوره) بحس انو مو مرغوب فيني وانه تزوجني بس عشان .... طبعا معروف ان والد العروس واخوانها عارفين ع اي اساس هالتحديد يعني قمة الاهانه !!

بنات صح ابي اتزوج بس مو بذي الطريقه قبل كم يوم تقدم لي خاطب ورفضته بسبب ذا الشي
ابي واحد يتزوجني لشخصيتي لاخلاقي مو بس لذاك الشي ):
بالاسلوب ذا بالله وش فرقوا عن الغرب ؟؟ ع الاقل المرأه عندهم لو فشلت بزواجها محد بيلاحقها ويطلع كل عيوب الدنيا فيها طبعا ما يحتاج اقول لكم وش بيصير للمرأه عندنا لو تطلقت !!
باختصارهذي الليله مهمه وهي السبب بنجاح علاقتهم لباقي حياتهم من المفترض ما يخرربها بذي الطريقه لو أُعَامل بذي الطريقه ليلة زواجي راح اكرهه وبكذا تفشل العلاقه
واللي يقهر اكثر اني شايفه البنات ماخذين الموضوع بكل اريحيه وشايفين انها مواقف مضحكه !!
ما ادري هو البنات متعوديين او انا فاهمه الموضوع غلط ؟
كتبت هالموضوع حتى اسئلكم
هو شي عادي وروتيني ولا انا مبالغه ؟؟!!!
اتمنى من كل قلبي اني اكون مبالغه



اترك المايك لكم :26: