سأل الله العظيم ان يرزقك الرزق الطيب
الحين مافي فايده الوم والتفكير بالماضي نصيبك واخذتيه
الحين فكري كيف تحسنين وضعكم اطلبي من زوجك يتوظف وظيفه ثانيه زي كريم او اي وظيفه
واذا انتي تقدرين تدورين لك على وظيفه حلو واذا لا حاولي تفتحين لك مشروع وانتي في بيتك
اعرف وحده وضعها زي وضعك ماتقدر تتوظف
سوت لها حسابات في تويتر والانستا وسناب تصمم عروض وبحوث لطالبات تقول دخلي بالاسبوع ٢٠٠ الى ٢٥٠ وهي ترفض بعض الطلبات عشان الوقت عندها اطفال صغار ياخذون اغلب وقتها
ماكانت تعرف البرامج التصميم نهائي تعلمت من اليوتيوب جلست شهرين تتعلم
مثل هذي المشاريع ماتحتاج راس مال واذا مانجح تكوني ماخسرتي شي

اختي الغاليه انا من وجهه نظري لا تعبين نفسك بالتفكير شوفي اللي انزل منك بمستوى صدقيني بتحمدين ربي على كل شي على نعمه الصحه والعافيه وعيالك قدام عينك وزوج طيب وأخلاقه معك تمام مايخون وموبخيل ولو بيده الخير حط لك ياه بيدك ولو عليه غير حياتك للافضل هو يمشي على حسب وضعه صح ممكن تقولين الأهل غلطو لكن هم استشاروك وانتي قبلتي وانتي ادرى بوضعه الكلام هذا كله ماضي أحنا بالوقت الحاضر حاولي تدخرين شي مثلا العشره والخمسه والخمسين تستهونينها لكن لو جمعتيها بحصاله تجيب لك مبلغ اقل شي وقت حاجتك من ناحيه زوجك اذا هو مايعطيك صرف لا هنا إنتي لازم تفرضين عليه مصروف لو قليل أو تبحثين اي وظيفه أو انه يصرف عليك ترى على فكره اعرف ناس عشان يعيشون يشتغلون شغلتين في النهار وفِي الليل وانتي ادرى ماراح يعجزه دام الله معطيه عافيه وتدرين في ناس تعلمو على رباضه يعني ماعنده وظيفه ويأكل عياله من جيب ابوه شوفي كيف الناس وفِي ناس الله مغنيهم وربي تشوفين حاله بيتهم أردى من الفقير حتى غرف لعيالهم مافيه يعني إنتي يبيلك تكوني قويه وماتظهري ضعفك أبد وابي منك تواجهين اي احد ينتقد ومن ناحيه زوجك فرضي عليه نفس كلامي وبتشوفين ان ماتغير الْيَوْمَ بكره وحتى لو اعترض على وظيفه قوليها لها بالفم المليان ابي صرف شهري لي وانت مو قادر على القليل وهذا أفضل شي

انتي ليش توافقين تتزوجين فقير ؟؟
ماعندك عقل ؟؟
ماتعرفين وش هدفك بالحياه اهم شي تتزوجين وبعدها تراقبين الناس وتندبين حظك
الشي الثاني ليش مافكرتي تشتغلين بدال مااانتي حاطة يدك على خدك
سوي لك معمول سندوتشات ورق عنب وروحي بيعيه في احد الحدايق
بلاش تزيدين زوجك هم
اذا خلاص مو قادرة تتحملين اتطلقي وارجعي بيت اهلك تصير طلباتك اوامر

طيب اشتغلي في المدارس الاهليه اوفي المقاصف او سوي مشروع في الانستغرام او كول سنتر وانتي ببيتك او في دور التحفيظ وغيرها من الامثله الكثير
وكلها مافيها اختلاط
والحمدالله دامك بصحتك تقدرين تسوين اي شي
الحين حتي ذو الاحتياجات الخاصه يتوظفون بس غيري تفكيرك وقناعاتك وصدقيني بتلاقين اللي يسرك

مالك غير الصبر والحمدالله على كل حال