هلا والله خواتي الغاليات .......... اعذروني على التأخير

اختي ,,, الهدوء

تسلمين عمري ومنزل مبارك لك بعد الله يوفقني واياك لاختيار الانسب بكل شي


انا مسلمه وكل فخر .... هلا بك اختي منزل مبارك ان شاء الله انا دايم احرص على متابعه موضوعاتك لاني اعرف انك بتسكنين جديد مثلي واستفيد الله يجزاك خير


غاليتي ...ام فرح

هلا والله بالاصيله هلا بنكهه المنتدى المميزه دايم تحرصين للرد على الجميع ولا تكسرين خاطر احد الله يسعدك دنياء واخره قولي امين


بصراحه انا دايم يعجبني ذوقك واثق فيه لذالك مثل ما قلتي ابخلي الحائط الصغير نفس الحجر ودرجته عشان ما اعك والدربزين روووووعه اللي بالصوره ابسوي من اشكاله خصوصا عشان يتناسب مع ديكور الصاله العلويه


يعني برايك بلاش احط رخام باي حائط اكتفي بالرخام بالارضيه فقط


زين ويش رايك بهالحائط اللي محتاره فيه اسوي ارفف جبسيه على اليمين واليسار على طول الحائط وبالنص رف كبير للتلفزيون وطبعا اختار له الوان تعتيق او او الوان عاديه مناسبه مع الديكور

او شي ثاني اني ارسم على الحائط بالكامل منظر طبيعي طبعا اجيب متخصص



بصراحه عندي افكار ووواجد وانا احب الديكور حيل بس من يساعدني لو زوجي يطاوعني كان اخليه على الحديده
وان شاء الله قريبا ابوصف لكم ديكور الصاله العلويه واشوف رايكم



تسلمون وانتظركم

هلا بنات
رجعت لكم ورفعت الموضوع من جديد بس عشان ممكن استفيد وافيد
اكمل لكم ديكور صالتي العلويه مثل ما وصفت لكم الصاله السفليه سابقا وهي مختلفه شوي لاني احب كل مكان ببيتي يكون غير عشان لا يكون البيت ممل ونوع من التغيير

الصاله العلويه الارضيه سرميك بنفس شكل الخشب شفت انواع تاخذ العقل تحلفون انها خشب
والحيطان اول ما اطلع من الدرج الحيط على يساري ابحط فيه مدفئه على خلفيه حجر نوع مختلف عن اللي بالصاله العلويه قدام هالحيط نفس الشي زجاج على المسبح
بالوجه حيط صغير بسويه بار صغير بالبلوك الزجاجي مع عمدان بشكل جذوع الشجر بس محتاره ويش اسوي هالحيط
السقف مسويته جبس عمدان شجر صغيره ومخليته مايل كانه كوخ
الدرج اللي تطلع من الصاله على فوق نفس الشي فيها فتحات بلك زجاجي ابسوي لها اطار عيدان بالجبس متقاطعه على شكل اغصان وابعتقهم بلون مناسب


طبعا هذي الاساسيات وبعدين عاد الكماليات اللي تكمل شكل الصاله الريفي

والحين ابي رايكم بالصاله وافكاركم بعد مهمه جدا ياليت تفيدوني بافكار ممكن تناسب هالديكور او بعض الاظافات
واذا ممكن افكار للبار وصور مهم الله يسعدكم ابي صور للبار لاني متردده بتصميمي ودي افكار ثانيه

هاه بنات ويش رايكم :26:

لي عودة بإذن الله .

عدت من جديد ...


بالنسبة للديكور ما عليه خلاف - ماشاء الله - ... كلك ذوق يا تفاحه

ومختلف عن الإعتيادي ...



ولإضفاء المزيد من الحيوية لهذا النوع من الديكور(الريفي) ... هو وضع النباتات الخضراء الطبيعية
هنا وهناك بصورة مدروسة ...



كذلك موديل الستارة وألوانها مهم جدا ...
وممكن تختارين القماش كاروهات مثلا ... أو مشجر
وكذلك الكنب ...



وقطع السجاد تعطيك المزيد من الأناقة ...



عموما الطابغ الريفي يغلب عليه تعدد الألوان وتمازجها مع بعض .. وهو رائع أكثر للمساحات
الرحبة لأن يغلب عليه الألوان الغامقة والحارة ...
والجدران أكثر شي تكون من الحجر



أو ورق الجدران ...



والخشب واللون البني هو السائد في هذا النوع من الديكور ...

بالنسبة للإكسسوارات

التحف... اللوحات ... الشمعدانات ... الطاولات ... وحدات الإضاءة

أقترح عليك أن تكون أغلبها ذات رسومات ... وتكون ذات طراز قديم والخشب يدخل بمعظمها











وبالنسبة للكاونترات ... عطيني بس شوية وقت حتى أبحث عن صور مناسبة ..
وموفقة إن شاء الله .

غاليتي ام فرح جزاك الله خير

والله يسعدك سعاده الدارين

باذن الله اذا الله يسر لنا وانتهينا من البيت ابحاول انزل صور لكل مكان قبل وبعد

ويعطيك الف الف عافيه