قلت لكم من فتره سويت فستان بس طلع واسع مره
وزي ما قلت لكم ضيقته من الاطراف بس كان شكله بصراحه بعد التضييق مررررره مو حلو :09:
ولمن قرأت انكم لمن يخرب عليكم شي تفكونه ومفروض اني اجرب لحد ما يضبط عندي
وكان تجربه اولى بالنسبه لي قلت حتى ذكرى ما ينفع هههههههه
فقررت افكه خلاص وقلت استفيد من الصوف هذا في شي ثاني
وطبعا انا واصله لثلاث ارباع فستان بصوف ثاني
قلت بلاش اسوي فستان اسوي بالصوف اللي فكيته تنوره
ودورت تنانير اطفال بباترونها ولقيت تنوره جناااااان وباترونها واضح جدا
وطبقت السطر الاول وسهل بعد تطبيق السطر الثاني
بس لمن اقارن الباترون بالتنوره احس الباترون ناقص شي
شوفي معي التنوره اللي جالسه اطبق عليها
وهذا الباترون اللي كان مع التنوره
طبعا الباترون لجزء من التنوره باقي 3 باترونات تكمل هالباترون لكن هذا الجزء الاول
راح اوريكم اول تطبيقي لسطر الاول والثاني
واقولكم ليه وقفت ووين حسيت الاختلاف
اول سؤال هل تبطيقي لسطر الاول صح ؟؟
طيب سؤالي الثاني
الحين لمن جيت اطبق السطر الثاني لقيت اللي يربط الاجزاء حقت السطر الاول سلاسل
لكن لمن ارجع لتنوره الاقي مافي سلاسل كله شغل وتطلع الزخرفات اللي بين غرزه عمود اعتقد اسمها يعني بين غرز مليانه
ولو طبقت الباترون بالضبط يطلع لي سلاسل تربط هالزخرفه
وانا بصراحه ودي بنفس التنوره ودي تكون زيها مشغوله مو سلاسل وفراغات كبيره
هذي ملاحظتي وش رايكم وش الحل ؟؟؟
وهل اكنسل السلاسل وأحسب عددها و ابدلها بغرزه عمود ابو لفه ؟؟
لكم من قلبي جزيل الشكر والتقدير على سعه صدوركم لي
:26:
محبتكم
حبيبة زوجها