بديل الصابون .. ما تجفف وتبيض وتغذي البشره

السلام عليكم

هذي يا طويلات العمر طلعت معاي بعد جهد وعناء

انا حسب جدولي اليومي اغسل جسمي الصباح بالصابونه المغربيه عشان الطف من الخلطه الصابونيه على بشرتي و تغذيها بالزيوت الاساسيه


المهم كنت ابي مستحضرات ما تسوي زحمه بجدولي و بنفس الوقت تقشر و تلمع وتغذي و و و و وانتوا عارفين الوحده تبي بشره ورديه و نضره

سويت هالصابونه تجمع اكثر من خطوه بخطوه وحده

تبيض+ تغذي+ تقشر+ تلمع+ تجدد الجلد+ تورد


الطريقه عشان ما اطول عليكم:

كيس ملح يوكو بالحليب
ثلث كيس تانج البرتقال
3 ملاعق جلسرين سائل
نص علبه او اكثر قليلا كريم كاب
4 قطع سفيداب مكسره و مطحونه زين
ربع كاس سدر
3 كاسات او كاسين ونص الخلطه الصابونيه
4 ملاعق قرفه مطحونه
ماء ورد وماء كركديه للعجن


حطيهم بالخلاط او اخلطيهم على ايدك عادي

و حطيها بعلبه وسكريها لين اليوم الثاني

عالصباح بعد ما تغسلين شعرك و تحطين البلسم او حمام الكريم حطي هذي مثل الصابونه المغربيه عااااادي و افركيها بيدك لدقيقه و بعدين بخفه افركي بالليفه لثلاث دقائق

وركزي عالارداف والمؤخره و الظهر والمناطق المحتاجه عنايه

انتبهي لو وجهك حساس لا تحطيها عليه.. انا ناسبتني لان جلدي دهني

ريحتها حلوه و مفيده و تغذي


اثناء ما انا اسويها فركت الزايد على يديني و لونهم وردي و تقشروا

اللي معاها حساسيه تتأكد من تقليل كمية التانج و القرفه



و حمام سعيد