السلام عليكم ورحمة الله وبركاته
مبارك عليكم الشهر مقدما وتقبل الله طاعتكم ان شاءالله
شكثر منا نحن معشر الطباخات ما نعاني من فشل اللقيمات بعض الاحيان لاسباب مجهولة وفي أوقات حرجة خاصة اذا عندج ضيوف وتوهقتي فما عليج الا وتطلعين العلبة من الفريزر وتبدين بالقلي وحدة ورى الثانية حسب الكمية اللي تبين بس ديري بالج تروح ببطنج وتاكلين نصيب الي بتسوينها لهم ، أدري طولت عليكم بس هذا من كثر ماني متحمسة على هالحلو اللذيذ والمنقذ فعلا... اذكروا الله على لغتي العربية السليمة حدها
المقادير :
كوبان طحين - علبة قيمر - قالب زبدة -رشة ملح - رشة سكر
الحشوة " جبن كيري" ممكن مكسرات كبديل
الطريقة
-تعجن المقادير مع بعض وتترك لمدة نصف ساعة تقريبا او لتختمر
- ترق العجينة بالمرقاق وتقطع دائرة متوسطة ثم تقطع بالنصف بالطول والعرض فتحصلين على اربع مثلثات تقطع بنفس الطريقة وتحصلين على 8 مثلثات وتحشى بقطعة جبن كيري وتلف على شكل عقارب صغيرة يعني تضعين الحشوةعلى قاعدة المثلث وتلف من المساحة الكبيرة وحتى راس المثلث "مثل الكرواسون" وتثنى الاطراف قليلا
بعد الانتهاء تقلى بزيت غزيرحامي وتسقى بالشيرة ويرش بالهيل والدراسين البودرة وفستق مجروش وعليكم بالعافية ... ادعولـــــــــــــي
((ممكن صنع كميات كبيرة وتحفظ بعلبة محكمة الاغلاق وتوضع بالفريزر لحين الاستخدام والمواقف الحرجة ))
وسامي @osamy
عضوة نشيطة
يلزم عليك تسجيل الدخول أولًا لكتابة تعليق.
رقيقة
•
إنشاءلله أجربها شكلها لذيذ، بس سؤال الحين أربع مثلثات لكل دائرة صح ؟؟ يعني على حسب مقاس الدائرة بقصها بالطول وبالعرض ويطلعلي 4 مثلثات ؟؟
الصفحة الأخيرة
بجربها وارد عليكم 0 الله يعطيكي العافيه