بدينا بعمل خيري من يشاركني فيه

بسم الله الرحمن الرحيم
السلام عليكم ورحمة الله وبركاته
الغاليات اخواتي في الله والمحببات لقلبي والمحبات للخير دائما
كنا من فتره في احدى الحلقات الاسبوعيه الي نسويها بيننا ..الاهل والاصدقاء وبعض الجيران سواء دينيه اجتماعيه دنيويه ...الخ
ولقرب رمضان كان موضوع آخر حلقاتنا كيف نقضي رمضان وكيف نستغل وقته الله العالم حنا فيه السنه الجايه اولا الله يرحمنا برحمته
فقترحت وحده علينا الله يجزاها الجنه نجمع مبالغ او مواد غذائيه نوزعها ع الاسر المحتاجه وهي تعرف كذا أسر محتاجه محتاجه حيل زي ماتقول ..ولله الحمد بدينا بهالموضوع ويـــــــــــــــــــــــــــــــاحلاته من شعور وانت تعرف انك سبب فرحة أسره كامله
حنا العاده برمضان نسوي افطار صائم سواء بالمساجد او اقربها صاحب البقاله القريبه من عندنا نعطيه له وللمجموعه الي معاه بالسكن..
بس جد الي سويناه هالسنه هذي حسسني برمضان وحلاوة قربه
طبعا اكيد به ناس كثير يسوونها الله يجزاهم الجنه ومو الكل يقدر يشاركني بهذا لبعد المسافات لكن تقدرو تسوونها وتسألو بعض المشايخ عندكم عن الاسر الفقيره والمحتاجه ولو بالقليل والله راح يفرحهم ويفرج كربك ويحفظك ويزيد رزقك وبكذا شاركتوني فرحتي
والي هنا بالاحساء وودها تشارك معنا مراح احرمها الاجر والفرحه الي انا احس فيها بالرغم اني للآن مارحت لأي بيت بس الشعور يكفي وودي اني اروح معهم وبإذن الله راح اسويها ودي اشوف فرحة الصغار قبل الكبار بهالشي القليل عندنا والكبير عند رب العالمين ثم عند هالاسر المحتاجه
الله يفرجها علينا وعليهم يارب ويرزقهم من حيث لايعلمون