بدي اعرف السبب 💔

بدي احكيلكم قصتي انا صارلي متزوجة ٧ سنين وما عندي اولاد ..ما صار حمل اول سنتين لاني كنت ادرس وما كنا انا وزوجي مفكرين بالخلفة .. وبعدها حملت طبيعي وكانت فرحة لا توصف بس ما كملت لانه في اول الشهر الثالث توقف نبض الجنين 💔😢
وبعدها ما صار حمل نهائي بعدها بشي سنتين مع العلم اني عملت جميع الفحوصات انا وزوجي وما في عنا اي مشاكل ..
عملنا عملية الحق مش الزراعة وما زبطت مع انو الدكتور كان معطينا امل ٩٠ % لانه ما في اي مشاكل عنا
وطبعا ناهيكم عن الابر والادوية وكلو عبث واعملت عمرة وتضلعت وما صار حمل لحتى بيوم قررنا نعمل زراعة وفعلا اعملنا زراعة وزبطت وكانو تؤام بس في اول الشهر الثالث توقف نبضهم مع انو كانو بصحة ممتازة 💔💔 وبعدها عملنا جميع الفحوصات اللي بتتوقعوها من دم لجينات وكروموسومات واجسام مضادة وتخثر وما في اي مشاكل ، وانا مداومة ع الصلاة والاستغفار دايما .
بس نفسي اعرف السبب 😟😢