شوفي :16: بلا لعب عيال, أيش اللي أموته و أذبحه؟؟؟ :30: فكري و أوزينهيا لو ذبحتيه أيش بيصير؟؟ بتدخولين السجن و يمكن يشنقونك و فضيحة أهلك بتصير بجلاجل و أمك و ابوك بيتصدمون و يمكن يصير فيهم شئ. بعدين يوم القيامة راح تتعاقبين من الله العقاب الأكبر هذا غير تعذيب القبر. هو بيموت و يمكن يدش الجنه لأنه مات مغدور و بيرتاح و يمكت غدرك له يكفر من سيئاته. أحسبيها أنتي ؟؟
واضح ان الأخ ما راح يتزوجك و قالها لك و ترى كل الشباب حجتهم اهلي ما يبوون ما أقدر اتزوج واحدة غريبه, خاطبينلي بنت عمي الخ الخ الخ.
أيشلون تصرفين عليه؟؟ ليش هو مو رجال؟؟ طيب و شالوه من وظيفته ليش أهله اللي مانعينه يتزوج ماحده غريبة ما صرفوا عليه؟؟ مادام هم شداد للدرجه هذه ليش ما فكروا ولدنا ما يشتغل يعني محتاج فلوس؟؟ صدقيني انا أكبر منك بالعمر و انا و صديقاتي مرينا بتجارب كثيره و مثل كلامك هذا ياما سمعناه و أسمعي نصيحتي لا تقولين لا حتى اثبت لي و رح أخطبني لأنه حتى لو صار و ما أتوقع يصير ما راح ينفعك و راح يستفيد منك. الحين هو راح يكون معك الين فلوسك تخلص او يحصل بير نفط فلوسها أكثر. واحدة من صديقاتي كانت تصرف على واحد و حنا هنا في امريكا للدراسه و تسلفه فلوس عمره ما ردها و تطلعه من مشاكل و في يوم من الأيام ما كان معها أضترت تبيع ساعتها الفخمه عشانه محتاج 3 الاف دولار. و يوم استأجر شقه جديدة فرشتها له من الا و قال بخطبك و الحين بس اخلص دراستي و اتوظف عشان اهلي لو رفضوا ما احتاج لهم و الحين بقنع ابوي لأنه يبيني اتزوج بنت عمي. انا سمعت من الفي الجامعة انه متزوج و له طفلين و زوجته مع أهلها في الرياض. قلت لصديقتي و ما صدقتني قلت لها أجل اسأليه يوم سألته و انا كنت موجودة قام يصيح و يحلف بالله انه كان متزوج و ان زوجته ماتت و عشان كدة جاء امريكا عشان ينسي. النذل تصدقين ايش سوي؟؟ بعد يومين جاب شهادة وفاه مزورة لزوجته و المصيبة بأسمها الحقيقي :) احلى شئ ان بنت خالة صديقتي جارة الزوجه الميته. و الحين صديقتي تزوجت غيره و ساكنه معاه في نفس العماره و تعرف زوجته. أدري طلعت من الموضوع بس حبيت ابين لك تجارب غيرك و للي سبقونك.
شوفي انت الحين لا تتصلين فيه و انتي اللي تتركينه و لا تعطينه وجه و لو كلم قولي ما ابي يكون لي علاقه فيك بعد اليوم و لا عاد تتصل. بس تأكدي ما عنده شئ يهددك فيه. راح تحسين انك اقوي لانك انت اللي تاركتنه. و ربي يرزقك بأبرك منه

شوفي انا كنت أموت بواحد و وقتها كنت في سنك و كان معي في الجامعة و مع اني ما كنت اروح ولا اجي معاه و كله اشوفه في الجامعة بس كنت اموت يوم اشوفه مع واحده ثانيه و انا رفضت ناس كثير تقدموا لي عشانه في يوم شفته مع واحدة امريكيه و قلت ليش قال انت ما تبين تجين عندي البيت عشان نستأنس اتركيني اكون معاها لانها ما راح تبخل علي بشئ و وقتها فهمت. الحين لو الانسان هذا يدفع لي مهر مليون دولار ما قبلت فيه

خواتي خفوا عليها البنت حاولت تبتعد عنه بس نفسها ضعيفه
نحن علينا نوجها صح ونساعدها مب نغلط عليها ونهينها

السلام عليكم

اختي والله ما يستاهل اللي تسوينه بعمرج علشانه
هذي مشاعر تحسين فيه الحين و بتندمين عليها بعدين
ادعي الله انه يفكج منه و من هالمشاعر و ادعي الله انه يستر عليج دنيا و آخره
مهما لقيتي الوضع صعب حاولي اكثر و اكثر .. و ان شاءالله بتهتدين للطريق الصحيح





( فبما رحمة من الله لنت لهم و لو كنت فظا غليظ القلب لانفضوا من حولك)

اختي اسمحي لي هذا مش اسلوب للنصيحة

هي لو مش حاسه انها غلطانه و محتاجة النصيحة ما طلبتها و لا كتبت موضوعها في المنتدى علشان نساعدها





اختي يا ليت بعد انتي تذكرين معنى هالآية الكريمة قبل لا تكتبين اي شي






(( من ستر على مسلم ستره الله بالدنيا والاخره))

خدعوها بقولهم حسناء*******إن النساء يغرهن ثناء ...أختي أتق الله فيما تفعلين وأتركيه وألجئي إلى الله واستغفريه هداك الله