شوفي حبيبتي راح أقولك اللي عندي ,,

بصراحه الوالده الله يحفظها ويخليها يارب أستعملتها فتره طويله يعني شهور

ونزلت عليها نزول رهيب يعني يمكن 15 كيلو ولا أكتر بس جاتها فتره وتعبت وكل اللي حواليها

ونحن بناتها قلنا لها خلاص وقفيها ووقفتها ورجع الوزن شويه ودحين رجعت لها تاني تقول أرتحت

عليها ونزّلت وزني وحتى ألم رجولها خف لما خف الوزن شويه وهدي تجربتها مع بذرة الكتان حبيت

أفيدك بيها وبرضو أسألي وأتأكدي لأنه ماأحب أقول شي وأفيدك وبعدين يضرك لاسمح الله ,,

وعن نفسي جربتها بس فتره مررة قصيره وماعرفت خيرها من شرها ياقمرر لأنه هيا يبغالها

إستعمال طويل والله أعلم والأفضل تسألي أحد يفهم في الأعشاب والله يوفقك ويختار لكِ الخير ..

وعلى فكره ماما كانت تآخدها من غير طحن ولا شي وتآخد ملعقه صغيره على الريق مع كآسة مويه

وسلامتك وبالتوفيق ...