شغلي الشاغل وهمي كان شعري
وبما اني استفدت من غيري في ها المنتدى حبيتا فيدكم
بأقولكم اليوم على سر من اسراري زمان واللي اتمنى اني ارجع لها بكل قوة ويمكن ما يكون سر على البعض منكن ...المهم ...من زمان وانا شغلي الشاغل كان شعري لأن طبيعته قصير وخشن شوي ...وانا اعشق الشعر الطويل والكثيف واللامع ..
المهم كنت احب ابتكار شي يناسبني لأني على كثر ما قالو من خلطات وجربتها ( صبار وغيره وزيوت اشتريها من ناس خالطينها وبرضه ما شفت نتيجة ....
طيب والنهاية مع الشعر ذا ؟؟؟
المهم رحت العطار وجبت اغلبية الزيوت اللي تجي على بالكم واللي من اهمها ( زيت الزيتون ساسا - عاد هذا لوحده زمان رجع لي شعري بعد ما انحرق من الفرد الكيميائي – وزيت السمسم واللوز بنوعية الحلو والمر والصبار والجرجير والفجل والاس والشمطري والزيوت السبعه والثعبان والثوم والبصل وبعد كنت احط معها شوية صبر لأني مرة قريت او سمعت ما ادري من وين المصدر ان الصبر زين للشعر واحط شوية اس وريحان مطحون وحنظل ..المهم واغليهم مع بعض شوي على النار واصفيهم وصبهم في قوارير واستخدمهم بدون تصفيهم ..افضل يتنقعون في الزيت ...وسبحانك يا رب يا كريم ..كأن شعري كان ينتظر هذا الشي ...شعري تغير 180 درجة ...للأفضل طبعا ....طول وكثافة ونعومه ولمعان ....لدرجة ان الكل صار يسئلني ...ايش سويتي واقلهم واعطيهم وربي من زيوتي بس برضه ما احد مصدقني ...وكنت طبعا مداومة احط خلطات كل اثنين وخميس ( الناس تصوم وانا اخلط في راسي ) المهم اخلط عسل اصلي طبعا مع زيت زيتون وبيض مع ان ريحة البيض طفشتني وهي تتسايل على وجهي مع اني احط عليها اكياس بلاستيك واخليها كم ساعه على شعري ..وعلى فكرة الزيوت كنت لازم اسخنها يوم استخدمها ...
واحط خلطة حنا وسدر وبيض وزبادي اسبوعيا مع قشر رمان مطحون وهذا اللي عطى شعري اللون الاسود الباذنجاني المحمر لدرجة ان الكل سئلني عن اللون اللي احطه قلت لهم حنا ..قالو لي الحنا يخلي الشعر اسود باذنجاني ولامع وخصوصا على الشمس ...ماشاء الله يهفهف اللون عليه ...والاحلى من كذا كنت احط منشفة ساخنه على شعري وهو مغطى ببلاستيك ...دائما وكل ما بردت اروح اسخن موية واحط على راسي ....المهم شعري بعدها قسم بالله صار خيال وطول وكثافة ولمعان وما كنت اعرف حمامات الزيت الجاهزة ولا حكام كريم والخرابيط هذي كلها ....لا وكمان ترى التدليك ضروري للشعر لأني كنت اسويه واحني شعري للأمام وانا امشطه بناء على معلومة قريتها مره في كتاب ..او مجله ...مع اني ما كنت مصدقتها مرة بس سويتها وتعودت عليها ...
وفي يوم فرح اخوي جات وحدة من قرايبنا وانا كنت في غرفتي امشط شعري واكويه بالفير اللي على الفحم في ذاك الوقت ..كان دارج حتى عند اغلبية الكوافيرات ..المهم وساخن وفجئة دخلت علي ها البنت وقالت ...شعرك طول ...ايش حطيتي له ..قلت لها زيوت خلطتها مع بعض ...واحط حنا ...المهم وعينها ما طاحت من شعري ...قامت مسكت الفير وقالت هاتي اسوي لك الخصلة ...وهيه ...ااااااااااااااه من عيونها وربي الخصلة اللي حطت فيها الفير طاحت بطولها في يدها ...قلت لها دخيلك خلاص تكفين جيبي انا اكمل ...وشميت ريحة شياط شعري ...ومن يومها من 8 سنوات وانا احاول في شعري من قدام وهو ما يطول لا وفيه فراغات ومنمنم يعني قصير واشتريت من الصيدلية بخاخ وبرضه زي ماهو ....وجاني كسل مو طبيعي وربي ..صت اشتري عشرات الاشياء وحماماات الكريم وبأحطها في شعري وربي يصرفني عنها ...
لا والطامة الكبرى يوم رحت بعدها بفترة عند الكوافيرة افرد شعري ..تخيلو وربي اول ما فتحت شعري ومن دون ما اقولها انا ايش بغى اسوي في شعري وهي تلف حواليني وقالت لي : بدك تخففي كثافة شعرك ؟؟؟
بنخففه الك ...شعرك مررة كثيف ...نقصه قصة تناسبه هيك ...قلت لها انا صرفت الغالي والرخيص على الزيوت والخلطات عشان يطول مو اخرتها اقصه ....
وهذا انا اليومين هذي وانا احاول اهتم وارجع لعنايتي زي الاول بشعري ...والله يا صار خيال ...حتى انا لما اشوفه في المرايه اقول ما شاء الله ...وكنت اطلع في الحوش حقنا عشان الشمس تهفهفه واشوف اللون الباذنجاني اللامع ...واللي يضحك ويبكي في الموضوع ايام كنت في الجامعه وحدة من زميلاتي المقربات ...دايما تشوفني وانا لافه شعري ورابطته ومن الكثافة مبين كأني حاطة توصيلة ..تقولي انتي ما تغيرين ها التوصيلة ...وقعدت تنصحني وتعطيني مواعظ عن الواصله والمستوصله ومن ها المواضيع ...وبنت اختي يوم سئلتني وقلت لها جميع الخطوات اللي اسويها ..قالت لي : والله عندك صبر مو زيي انا يومين وابطل ...وسكت عنها ...ما جاء في بالي ان العيون كلها في شعري ...سبحان الله ....
وبعد ما تساقط شعري وتبهذل وتغيرت حالته للأسواء ومرة كنت في البيت الا جات بنت خالي ..قالت لي ...وين ذاك الشعر اللي كنه باروكه ...قلت في نفسي يا ربي ...يعني الكل كانو حاسديني على شعري ؟؟؟
سبحانك يا رب ...
يلزم عليك تسجيل الدخول أولًا لكتابة تعليق.
%وله%
•
الله يشفيك ويرد شعرك احلا من قبل يارب
الصفحة الأخيرة