بذمتكم اللي عندها خبره في حل المشكلات الزوجيه تدخل الله يفرج عليكم

السلام عليكم ورحمة الله وبركاته....
كيفكم يابنات ...اول شي حابه اقولكم اني انا من متابعين عالم حواء وكان نفسي اشارك بس ماكنت اعرف كيف وهذي طبعا اول رساله اكتبها.....  

باختصار انا انسانه متزوجه وعندي  طفل عمره7سنوات وحامل بس ربي مااراد يتم الحمل وبكره ان شاءالله بسوي عملية تنظيف...... 
المهم بدخل بموضوعي .....
انا زوجي يعتبر طيب ويحب اللي يمدحه كثير واحسه يحبني بس مااردي احيان اشك بحبه لي لانه يقعد اغلب الاوقات لحاله على هالجوال ع الواتساب ولا على يوتيوب يتابع رقص ولا يتفرج على صور بنات وصور اغراءات ويكلم حريم على الواتساب وطبعا هو كان مايدري اني افتش جواله لين قلت له ليه كذا تسوي المهم وعدني يتغير بعدين رجع على عادته  واحيان يمارس العاده السريه قدامي وغير كذا يطلب اشياء محرومه تعبت منه صرت اسبه وادعي عليه ماكان يتكلم كان يسكت تقريبا 3سنين وانا اسبه كل يوم وادعي عليه بحادث وان ربي لايرده لي وفعلا نفسي ان ربي ياخذه ويموت لاني احبه ومااقدر اتطلق واشوفه خاطب ولا متزوج عشان كذا ادعي عليه وصبر 3سنين مايرد علي برغم من اني اسمعه كلام جارح بس له سنه تعلم مني السب صار يسبني ويلعني وانا اسبه والعنه 
وحاسه حياتي في جحيم غير كذا لمن يسمع باب جيرانا ينفتح مايصدق يخرج احس باني مهانه ومايحترمني تعبت اكتب وانا ابكي من حالي ولو تطلقت احس اني ثقيله على اهلي وامي تقولي لو تطلقتي ولدك يروح مع ابوه وانا مااقدر اطلب الطلاق احبه بس مااقدر اتغير كل ماحاولت اتغير يسبني ولا يتحسب علي ارجع انقهر من كلامه واسبه والحين خايفه لانه ناوي يشتري جالكسي تاب ويقولي بسوي برامج  دردشه وكذا وانا من النوع اللي مايتحمل اقل شي ازعل خصوصا من زوجي مااقدر اتحمله ولمن اجلس معاه يوعدني يتغير ويقولي لاتدعين علي واسمعي بس كلامي حتى على غلط وبحطك بعيوني بس مااقدر اسمع كلامه وانا ماني مقتنعه به

الله يسعدكم ابيكم تساعدوني لين مااتغير كونو حدي اعتبروني اخت لكم مالي غيركم صح عندي اخوات بس مااقدر اتكلم معاهم 
ساعدوني انا اصلا مااعرف كيف اتعامل معاه ابغاكم تقولون اش اسوي خطوه بخطوه