بذمتكم هالكلمه طبيعيه تنقال !!!!!!

الكلمه هذي تنقال في مواقف معينه مثل المواقف اللي يكون الشخص فيها وكأنه رامي نفسه على الثاني وهو ساحب عليه ومهمشه او شخص لاصق بسالفه يبيها بالقوه والطرف الثاني رافضها
هذي مجرد امثله
فلو الشخص قالها ربما تكون دلاله ان الطرف المقابل كأنه جالس يهين نفسه
او ربما يكون في سالفه الشخص جالس يحكيها عن نفسه فيها شوي ضعف او اذلال فيكون رد الطرف المستمع عز نفسك بمعنى عز نفسك عن الاشخاص اللي تتكلم عنهم او عن نفسك بضعف واذلال وخلك قوي
انا بس حاولت اوضح كيف الناس تستخدم الكلمه لانك ما قلتي وش ونوع السالفه اللي دارت بينكم وكان رده عزي نفسك
يعني مو بسهوله تبينا نحكم على شي نجهله

ممكن تبالغين
والله اعلم وش اللي دار بينكم
عموما لا تكبرين الموضوع دام قالك انك فهمتيه غلط

حبيت انبهك عن قولك بالعنوان ( بذمتكم )
اذا كنتي تقصدين فيها الحلف يعني مثل بالله عليكم فهذا لا يجوز
اما اذا ما قصدتي الحلف
مثل شخص يقول يا فلان هذا في ذمتك
او انك تقولين يا بنات في ذمتي صار كذا وكذا
فهذا مو حلف وجائز
واليك فتوى ابن عثيمين رحمه الله

وقال الشيخ ابن عثيمين: قول الإنسان: "بذمتي" لا يراد به الحلف ولا القسم بالذمة، وإنما يراد بالذمة العهد، يعني هذا على عهدي ومسؤوليتي. هذا هو المراد بها، أما إذا أراد بها القسم فهي قسم بغير الله فلا يجوز. 

مدري ليه جا ببالي انه يبغئ يسكتك
يعني عزي نفسك واسكتي او انطمي انا الحق معي ولاعاد تجادلي
يمكن هذا قصده
كلمه ثاثر فيك بالسلب ردي علئ صاحبها بوقتها
لاعاد تسالي وش تقصد وبعدين ماتصدقي كلامه وقصده وتقعدي تفكري وش قصده من جد

الان هو قالك فهمتيني غلط
كيف إحنا نفهم صح؟..

وإحنا ماحضرنا ولا سمعنا اللي دار بينكم؟!
ونصيحة عامة ياحبيبة لاتدققين بالكلام وتفسرين كل شيء
احملي الكلام على أحسن المحامل ترتاحييين..

.
إقلبي الطاوله
ناقشيه و بنص الكلام قولي له عز نفسك و شوفي ردة فعله إذا تصرف عادي فهو ما يقصد أما إذا زعل و لامك ساعتها عرفيه قدره عشان يحرم إيعيدها معك ثاني