برأيكم ذا انسان صاحي ولا فيه خلل في مخه ؟؟؟؟؟؟

اقول استخيري
وشكل خطيبك اتكالي الله يهديه
وصعبه تاخذين واحد بدون وظيفه
الحين عندهم وظايف ورواتبهم زينه ماقدروا يلحقون على متطلبات الحياه
بصراحه زوج شخص لايعتمد عليه؟

تبين الصدق وانا وخيتك ليش مستعجله بتقولين الي يده في الماء مو مثل الي يده بنار ليش مومرتاحه بيتك أهلك أذا مو مرتاحه بيت أهلك معك حق
لكن الولد دوبه الي تخرج مو كل واحد يتخرج بيلاقي الوظيفه قدامه
أنا بنت عمي ملكت خمس سنين وبعدين تزوجت عادي فيه فترات ملكه طويله لكن الغلط على الأهل لطالما أنهم عرفين مو مافيه زواج الإ بعدكم سنه ليش يملكون
أصبري عليه لطالما أنه طيوب وحبوب وأخلاق وش تبين أكثر من كذا

والله تبين رايي

انتي يبيلك تصحين قبله علشان هو يصحى

حبيبتي وقفي مكالماتك له ترى الرجال يشبعون بسرعه من كثر القرقره بالتلفون وفوق روسهم

وقفي شهر واثنين وثلاثه وعشر لين هو يشتاق ويبي يحبي على ركابه ويجيك ركض وماينام من كثر الفرفره ورى الوضيفه

اركدي وخلي احد فاهم من اهلك بعد ماتقطعين صوتك واتصالك فيه بيجي ويسال اهلك
خلي واحد يقوله بنتنا ماهي لعبه تتسلى فيها وبصوتها ومكالماتها
لها 3سنوات تنتظرك وقدامك سنه ان ماتلحلت بتشوف عمرها مع غيرك

لاتضيعين عمرك يابنت بالله افرضي كملتي 5سنوات ولاقدر الله صار شئ وتركك ؟؟؟؟؟؟؟؟؟فيه احد بيخطبك عقب فترة ملكه وكلامك مع واحد قبله ؟؟؟؟؟؟؟؟؟؟؟؟


اعرف صديقه وقريبه لي جداااااااااا جلست مخطوبه لاخو رجل اختها سنه ونصف وملكو وجلست 2سنه وهي تنتظره حظرته خريج بيطره مالت على التخصصص يعني احسبيها 3ونصف
وهي تركض وراه من تلفون لتلفون وهو شكله ينتظر واحد يجي يسلمه بعارينه يتولاهم ولاتلحلح وقال شاف له شغله

المهم وفي الاخير قال اخوها ماعندنا بنات تكلمك ولاتجي تسير تشوفها نهاية كل اسبوع تبي بنتنا جهز امورك وتعال خذها

النذل طلع الشارع وقال قدام الناس انها زوجته واختلى فيها وقال لاخوها اذا تبوني اخذ بنتكم تتنازلون عن الذهب والعرس وباقي المهر
والا بطلقها لانه مملك عليها

والبنت انهارت وحلفت انه مالمسها ولاعمره جاء البيت الا وامها وجدتها موجودين وفي الاخير اخوها قال لها اتركيه
وهي ياعمري عليها صار عمرها 32وقالت خلاص ابي اتنازل واخذه وتنازلت وتبرا منها اخوها واعمامها ونهاية الاسبوع عمل عشاء بسيط في مدينة اهله تخيلي وجابتها امها لهم وهي تبكي على بنتها الي لااخوها حظر ولااعمامها حضرو جابتها مع بنتها الثانيه الي متزوجها اخو المعرس الكبير وسكنت في شقه مفروشه يدفعون اجارها اهله وهو طاخها نوم للان لهم 2سنه متزوجين وربي على ظلمه مارزقه عيال ومنعها من زياره اهلها ولاكسبت شئ ابدااااااااااااااااااا غير الذل والمهانه

شوفي هو اتكالي وكل شي عنده مؤجل وللاسف الشخصيه هاذي بتعل قلبك اسأليني ...

بس اذا هو الولد اخلاقه كويسه ومتزن اخلاقيا وهالثلاث سنين ماشفتي شي عليه ...لا والله اصبري الرجل الصالح السوي عمله نادره هالايام ...

وانتي ليش حارقه نفسك قاعده في بيت ابوك معززه مكرمه وضامنه عريسك :p وصراحه في هالموضوع المفروض ابوك يتحرك عشان يحرك الوضع يكلمه يبين له اننا مانبي نطول اكثر واسعى ياعبدي وانا اسعى معك ومن هالحكي عشان يتلحلح

اللهم آجرني في مصيبتي واخلف لي خيرا منها

ألحين أقولكم السالفة

تقولولي ليش ملكتي؟

يعني أجيب آلة الزمن وأديرها وأرجعه 3 سنين عشان أغير الوضع

أصلا أنا ملكت مو بكيفي

كنت أبغى أأخر الملكة .. لكن البركة في الوالد جزاه الله خير

هذا موضوعه ثاني

ألحين مفقوع قلبي أتخيله يشآخر وأنا أفحط من القهر