همس يسعدني تواجدك

انا مكس بين الاثنين خخخخخخخخ

بس يغلب علي فتاة بقلب طفله يعني مااعرف ارد اذا احد جرحني ولا اقدر اصير قياديه ابدا وافكاري بزرونيه

بس فيه مواقف خصوصا الطوارئ حصل معي كذا موقف فيها حياة و موت سبحان الله انقلب لشخصية ثانيه قولوا ماشاء الله تراها ميزه هههههههههه

لا والله خليك طفله بقلب ابيض نظيف ولاحقه على الرزه ..

وبعدين محد يحب البنت الي تكبر عمرها وتترزز للكبار وتصير ملقوفه ومسويه روحها مراه

بالعكس انا تعجبني البنت الي بالشكل صغيره وحركاتها طفولية .. احس انها وناسه اكثر من غيرها

واذا غابت عن البيت افقدولها ولشطانتها ... وانتي بنعمه والحمد لله على النعم

انا عمري فوق ال 30 والحمد لله اذا مشيت بالشارع او كانو بناتي معاي محد يقول انهم بناتي

وحتى زوجي مبسوط من هالسالفه .. ومع الأيام بتحسين نفسك مميزه .. وبعد اذا تزوجتي

صدقيني ما راح تنبسطين مع المتزوجات الي مسويين نفسهم حريم .. لان لك عالمك ولهم عالمهم

ههههه احسن شي التنويه الي حطيتيه لاني اكره الهجوم في الردود


بالنسبه لي احسن فتاه بقلب طفله

ماحب الاطفال يكبروا نفسهم ويسوون زي الكبار والله هذا الجيل

اكأنهم عجايز الاطفال يلاحظون كل شي ..

جاتني فترة وعانيت من هالمشكلة بل وان طفولتي ههههه او بمعنى اصح التصرف كالطفلة اثر على شخصيتي مثال :

مكياجي دائما بسيط ... هههه مااعرف احط زي هاذولا الحريم ...في ناس ينتقدوني .. وناس يعجبهم

لكن انا في هالفترة قررت اني اركز على نقاط الضعف في شخصيتي واعدلها .. والله مره حلو يوم تشوفين نفسك تتعلمين مثلا المكياج وتطبقينه .. مره سويتها فتحت فيديو لمكياج سهرة وانعزمنا من اليوم الثاني لزواج ورحت طبقت الخطوات بمساعدة من خالتي وهي قالت لي ماشاء الله عليك احسك اتبعتي الخطوات ...مره طلع يجنن المكياج ماشاء الله وفرحت يابنات ... وكل اللي حولي لاحظوا ان المكياج الثقيل حلو علي .. فارتحت وانبسطت وزادت ثقتي

ومن بعدها تعلمت قانون يجنن لاي بنت تعاني حالتك
50 % للقلب
50 % للعقل
لمن تزوجت كنت اعاني ولازلت بس على خفيف من العلاقات الاجتماعية
كنت خجوله ومااحب زيارة الناس مره مااحب وكان هذا عيب فيني .. لان زوجي يقول احنا الان عائلة ولازم نكون صداقات مع الناس ومانقطع الاقارب ...ففي يوم اعتذرت له واقررت اني ماكنت اعرف ان هذا الشيء مهم يكون في الانسانة وطلبته يساعدني اتخلص منها ويكون صبور معي .. والحمد لله الامور تسير الى خير مايرام

بس الان قاعده اتعدل .. هههه .. والله ياحلو الشخص لمن يعرف عيوبه ويقرر انه يعدلها بالتدريج
يحس بقيمة التغيير خاصة انه بنفسك راح تتعبي وتجاهدي الين تشوفي النتيجة اللي تحبيها