برأيك تصرف الدكتور صحيح او لا؟

الوالد عنده ورم سرطاني في الكليه اخذ كيماوي
وبعد ماخلص الكيماوي (. وكان جداً متعب ومنهك جسدياً ونفسياً)
دخل عليه الدكتور وقاله الكيماوي ماأثر في الورم ابداً
بل انه طلع عندك ورم ثاني وانتشر في الاوعيه الدمويه وصعب ازالته
واحب اخبرك انه مافي امل يروح لكن بنسوي كيماوي مع اشعاعي ونحاول تسيطر على الورم لكن ماحيروح ابدا
سالتكم بالله هذا كلام ينقال لمريض كبير في السن هده المرض والعلاج
ماكان اولى انه يخبر اولاده ويقولهم الخبر وهم يتصرفون
مالفائده المرجوه من هذي الصراحه اللي ماهي في مكانها
الدكتور يقول انا ما احب اكذب على مرضاي
اسألكم بالله لو كان والده كان دخل عليه ورماله هالكلام وخرج
والله نحنا ماعندنا اعتراض على قضاء الله
لله حكمه
اكيد تطهير للوالد ورفع درجه باذن الله
والواحد بيموت في الساعه المكتوبه
ماقلنا لازم علاجه يشفي الوالد
لا والله
نحنا نتكلم على الجريمه اللي سواها في حق مريض
انتزع منه كل امل في الحياه
خلاه يطالعلنا وهو يودعنا
ايش الفائده المرجوه من هذه القسوه المفرطه
انتظر منكم شيئين اذا تكرمتو
1-رايك في مافعله الطبيب
2- هل من طريقه نساعد فيها الوالد نفسياً