برايكم (زواج الاخت الصغري قبل الكبري )

انا تزوجت قبل خواتي 2الي اكبر مني وصراحه لااخفيك في البدايه كان فيه حساسيه بالنسبه لهم وزي الي ضايقين مني ولاعاد كلموني زي اول بس بعد فتره انخطبت الي اكبر مني وتزوجت وجلست اكبر وحده من خواتي وصابها نفسيه وتتعب وتمرض واهلي من مستشفي لمستشفي يجيها كتمه وتتعب ولاتحب تكلمنا تجلس لحالها ومنعزله لين وداها ابوي لشيخ يقراء عليها وقال له شل بنتك مافيها الاالعافيه بنتك تبي العرس
ابوي انصدم وتفشل اول ماجاها نصيبها زوجها ولافكر للمعلوميه محد تقدم لها من قبل
وتزوجت وهي الحين اتعس مخلوقه الله يفرج عليه
معليش طولت

انا صار معي نفس الشي انا تاكبيره وجا واحد يخطب ولانه متزوج رفضت ووافقت اختي اللي اصغر مني وبالعكس فرحت لها من قلبي وبعدها بسنة تزوجت الحمدلله:)

اذا زين ليش ما وافقت الكبيرة
ما اشوف شيء تقول خطبني ورفضته وحولته على اختي ووافقت هي
بكذا تحفظ كرامتها قدام الناس إذا هي حساسة مع ان الموضوع عادي ويصير كثير والناس ما عاد تهتم

يمكن والله تتأثر بس ماحب هالحركه ترفضه الكبيره يروح للثانيه خلاص يخطب من برا وبلاش يثير حساسيات بين الخوات
والله يرزقنا ي رب و يزوج كل بنات المسلمين بأزواج طيبين صالحين

حنا خمس خوات واول وحده انخطبت اختي الثالثة
وبعدها اختي الكبرى
وبعدهم انا الرابعة
المسألة كلها حساسية في حساسية صراحة
بس الرفض على هالاساس مو منطقي ابدا
وما حب ابد يخطب الوحدة واختها نفس الشخص
او اخوين يخطبوا نفس الوحدة ورا بعض
يعني بعد ماترفض الاول يخطبها الثاني
شكثر البدائل