السلام عليكم
ورجعت بموضوع جديد:bkh: و قصير وخفيف بس بقول بخاطري:a_smil17: شئ خير ان شاء الله ايش فيه قسم المكياج و العطور نايم كذا :mad:انا قلت راح ارجع والقى قسم المواضيع المميزة مليان مواضيع جديده معقولة الكل ما عندة خبرة في المكياج او العطور او حتى لو شئ يمكن انتي تعتبريه سخيف بس يمكن يكون مفيد لغيرك
وشوفيني انا اعتبر موضوعي معروف عند الكل او موضوع سخيف وبايخ بس قلت خليني اكتبه يمكن وحدة من العضوات تستفيد منه
المهم موضوعي عن برايمر العين
طيب ايش هو برايمر العين ؟؟؟؟:confused-
فايدته انه يثبت الشدو و يخليه مدة طويلة و يمنع الدهون في الجفون و معروف اذا الجفن صار دهني الشدو راح يسيح او يخرب و خاصة اذا كان اكثر من لون
ويقوي لون الشدو و يسهل لك انك تدمجي الالوان مع بعض واذا انتي ما عندك مشكلة في هذة الاشياء اللي ذكرتها يا بختك و مو لازم تستخدميه
ويمكن تستخدميه لوحدة من غير شدو بس عشان تمنعي لمعة الجفن وبعدة حطي كحل او ايلاينر راح يطلع شكل العيون روعة
كيف تستخدمية :
خذي كمية بسيطة و وزعيه على العين من فوق يعني من الجفون لحد خط الرموش وبس
وطريقتي انا بعد ما احط البرايمر احط شدو لونه نيود او بودرة الوجه و بعدين احط الشدو عادي
طبعا انا راح احط اللي انا استخدمتهم
يلا نبدأ بسم الله
1-برايمر تو فيسد ( too faced)
برايمر كويس و مخملي و يثبت الشدو و ما يتكتل بس صعب شويه في التوزيع او الدمج
2-برايمر ايربين ديكيه (urban decay)
بالنسبه لي من افضل البرايمرات اللي انا استخدمتهم
باريمر مرة رائع و ما يتكتل و مخملي و سهل التوزيع او الدمج و تمتصة البشرة بسرعه و يثبت الشدو
3-برايمر ماك (mac)
كويس له 3 درجات يعني كل بشره لها لون و هي ليت للبشرة البيضاء و ميديام للبشرة الحنطية و دارك للبشرة السمراء طبعا مخملي درجة تغطيته متوسطة
4- برايمر من نيكس (NYX)
انا ما حبيته بس انا اختكم و قلت انبهكم عنه و ما ادري اذا منعوه من البيع ولا لا
لان كثير ما عجبهم هذا البرايمر يجي لونه ابيض كريمي ستيكي و مخملي بس الشي الكويس فيه انه يثبت اللون و يوضحة و المشكلة انه صعب التوزيع واذا تبغي تحطي شدو اكثر من لون راح تلقي شويه صعوبة بس اذا لون واحد راح يبين اللون بطريقة جميلة وبس
5- ماك فكس ( mac fix)
طبعا انا كتبت عنه في موضوعي السابق بس راح اكتب عنه هنا
فاكرين لما قلت اذا عندك شدو ماك اللي يشبه اللمعة او الكلين و هذه هي صورته
انا قلت اذا تبقي الشدو هذا يثبت معك تجيبي فرشة الشدو اللي هي مضغوطة مو فرشة توزيع الشدو المهم تجيبي ماك فكس و تبخيه على فرشة الشدو و بعدين حطي الفرشه على الشدو و بعدين وزعيه على عينك عادي
ملاحظة على ماك فكس: مو بس تستخدمي الطريقة هذة لي شدو ماك اللماع لا
لاي شدو عندك هذة الطريقة سهلة و راح تثبتلك الشدو و توضح لونه بس او شئ حطي كونسيلر على عينك و بعدين لون نيود او بودرة وجه و بعدين وزعي الشدو على كيفك
هذة الانواع اللي انا استخدمتها اذا اي وحدة منكم استخدمت نوع ثاني او عندها ملاحظات او سؤال اكتبيه تحت و انا راح اجاوب من عيوني
يلا خلوني اروح اتقهوى في الوقت المتأخر هذا :icon35:
ما علي حرج:icon30::S_45:
:26: اختكم في الله:26: