برجر . برجر . برجر من عند خالتي

حبايبي .. حبايب لاميتا . عازماكوا النهارده علي البرجر
من عمايل خالتي والله .. أديني حلفت ولا حد ييجي يقول كاني ولا ماني
إتفضلوا معايا أحلي برجر
سموا بالله واعملوه وتضمنوه من عمايل إيديكوا

البرجر (burger)
1 كيلو لحمه مفرومه
1 كوب فول صويا منقوع 3 ساعات
2 بصله كبيره مبشوره
ملعقه كبيره توم مفروم
4 ملاعق كبيره نشا
ملح - فلفل أسود - بهار
ملعقه كبيره سماق (اختياري)
الطريقه
اول حاجه نجيب طبق غويط نحط فيه اللحمه المفرومه
وبعدها نفرم التوم والبصل في الكبه ونتبلهم بالملح والفلفل والبهار ونخليهم ناعمين خالص ونحطهم علي اللحمه
ونخلط بالكبه فول الصويا بعد ما يكون منقوع في ميه حوالي 3 ساعات وعاصرينه كويس قوي .. ونضيفه علي اللحمه ..ونعجن ونعجن..
ونضبط العجينه بإستعمال النشا حيث تتكون لدينا عجينه متماسكه
نقسم العجينه لكور ..
نضع كل قطعة بين كيسين نايلون ونضغط عليها إما بطبق صغير أو بغطاء علبه
نشوي قطع البيرحر في مقلايه تيفال وعلي نار هاديه
يوجد في محلات الأدوات المنزليه قالب لتشكيل البرجر
لحفظ البرجر في الفريزر يجب وضع بلاستيك بين القطع