برجع اربي بنتي من جديد ساعدوني

بنتك تغار من المولود الجديد مو بيت اهلك اللي غيرها

الله يعينك اللي فيها دلع وغيره

فعلا غيرره تبي تلفت انتباهك بأي طرييقه ..
الله يعيينا علييهم والله يعطيينا الصببر ..
اصبري ع بنتك وتحمليهاا الله يعينك ..

الله يعينك
فيها غيرة
او انه اتعودت في بيت اهلك اللي يلعبها ويهتم بيها عبال ما ترتاحي
ولما رجعتوا البيت لقتك شوية مشغولة عنها

اختي ما تمرين به مريت به قبلك
بنتي تحولت من فتاه حالمه هادئه الى شرسه وصيااااااح بشكل مو طبيعي وتزعق هلى اتفه الأسباب لدرجة تتبول وهي واقفه بالصاله وماتروح الحمام وبعدين تطورت صارت تتبول بالسروال وتطنش اكلمها اجيها من هنا لهنا ومطنشتني وتناظرني بنظره غريبه ويشهد الله ياني كنت متلزمه نفسي تلزم لا انفلت عليها واطيح فيها ضرب كنت اشوف منها تصرفات حولت حبي لها لكره استغفر الله طبعا انا كنت نفاس وتعب النفسيه وبيبي جديد وصياحه يكفي وكمان هي كملت الباقي بس وطول الوقت اشكي لزوجي شوف سوت وسوت وسوت فقالي لا تضربينها لانها راح تعند زياده وهي تلفت نضرط لانك جايبه بيبي جديد حاولي تهدين وخليها على راحتها مصيرها تهدأ
وبالفعل صرت أي حركه تسويها اسوي نفسي ماشفت وترجع تعيدها واطنش لدرجة تجي عندي وتقولي شوفي سويت كذا تحاول تستفزني قد ماتقدر كان اسلوبها زي الانتقام مني هههههههههههههه
اتبعي طريقتي اختي ...
أي شي كانت تسويه بنتي كنت اطنش والله اوقات شي كبير كبير وكنت امسك نفسي
وتضرب الصغير واطنش اقول خليها تطلع حرتها لانه ضرب عادي ولا شفت الدم صب ذاك الوقت بتصرف معها
واستخدمت معها اسلوب المكافأه والعقاب اذا سوت الشي صفقت لها واعطيتها حلاوه وضميتها واذا غلطت ما اكلمها ولا اعطيها شي وبا الليل زوجي جلس يحكي لها قصه يقول كان في قديم الزمان كان فيه بنت صغيره جميله وكانت وهي نايمه يجيها ( الإشوووو ) وكانت تقوم من النوم وتروح الحمام وبعدين ترجع تنام هذي البنت امها وابوها يحبونها علشان هيه نظيفه وماتصلح ( الإشوووو بالسرير ) وكمان هي مؤدبه تتكلم بأدب وتروح الحمام تسوي ( الإشووو ) ووالله والله انها نامت وقامت صبح وجات تقول لنا تعالوا شوفوا ماسويت اشووو في السرير شفتوا انا فتاه مؤدبه والحمد لله يوم عن يوم بدت ترجع لوضعها الطبيعي , لها ذحين 4 شهور واحنا جالسين نداريها مداراه والحمد لله رجعت زي اول بس الصياح لااا لازال موجود بس لما تزعل وتثور فجأه علشان احد قلب القناة وهي تتفرج
واشترينا لها ألوان ودفتر تلوين دورا ودفتر تلوين توم وجيري وشنطه وكتاب قصه وبعد شهر اشترينا لها دراجه وكمان اشترينا لها مكعبات تجلس تطلع اللي بداخلها وتفرغه بالكعبات تصلح بيت وتصلح حوش ويارب لك الحمد فرق عن اول شي كثير .. للعلم بنتي وقت ماتغيرت كان عمرها 3 سنين ونص والحين كملت 4 سنين
اتمنى اكون افدتك دعواتك لي غاليتي ,