والله انا اشوف كلمته مافيها شي دائما يقولوها مع الاطفال بمزح يعني يبين نفسه انه صديق للبنوته ويقولك انت لاتدخلين بيني وبينها بس يضحك مع اخته شوي هو زودها بس الموضوع مافيه شي يختي حراام وهو زوجك فعلا انصدم من رسالتك

الله إعينك يا الغالية

السلام عليكم
الأخوات ماقصروا قالوا اللي كنت ابغى اقوله لكن ياأختي أي انسان مو بس زوجك لو تنظرين للإيجابيات قبل السلبيات كان غفرتي كل غلطة يرتكبها في حقك يعني اعتقد عشرة سنين كفيلة تطلعين محاسنه كلها جات على كلمه وشكلك اختي إنتي حساسة ترى أنا كنت زيك لكن بعد عشرة العمر تغيرت لقيت إن مو كل شي يستاهل ازعل عليه وفي الأخير إنتي الخسرانه تعيشين في غم وهم عمرك كله روقي اختي وفرفشي واضحكي وعاملي زوجك بما يرضاه الله لأنه جنتك ونارك وأحلى شي عجبني فيك إنك نزلتي في يومها عند اخته وحاسه إن علاقتك معاهم حلوة وترى الرجال يعرف قدره عند زوجته بتقديرها لأهله الله يزيدك إن شاء الله واحمدي ربك تخيلي لوكان زوجك مايصلي مثلا أو يشرب الخمر أو يضربك ليل نهار كيف راح يكون وضعك بعض الزوجات معاناة هي وزوجها بسبب مصائب تستحق الكره مو عشان كلمة اقرأي في مشاكل النساء وتهون عليك مشكلتك
هدي نفسك ياأخيه فالله وهبنا نعم تستحق الشكر ومنها الزوج والأولاد
سامحيني طولت عليك لكن من حرصي عليك

الف شكر للااخوت اللي ردو علي بس حبيت اضيف حاجه
زوجي الله يهديه دايم يغلط علي بكلام جارح بيني وبينه ونتجادل كثير لين يعترف بغلطه
وياما استشرت مشايخ في حياتي معه اناصبوره مره حتى جاني قولون عصبي من كثر مااكتم
وعشات عيالي امشي امور كثيره منه ومن اهله الله يهديهم
ياخواتي والله اني مااستاهل كل هذامنه بس الشكوى لله

ردت فعلك طبيعيه
عشان ما يعودها
بس اللى مو طبيعي اللى انتي فيه الحين
خلاص
ادبتيه
ومستحيل يكررها
وامسحيها من راسك وخلي المركب يمشي
العشره اللى بينكم اكبر من هالموقف