غابت الشمس وإلا الحزن له مغربه
..................... وين أبغرب وأنا حزني غروبه ثقيل
مجدبه ياجروحي والسماء معشبه
..................... ساكنه والهوى ميل جريد النخيل
بارده ياحروفي والدفاء موهبه
..................... بارده مثل برد الخوف والمستحيل
صوتٍ أبعيد في قلبي ياليت أقربه
..................... وبين قلبي ومابيني طريقٍ طويل
ليت حزني مثل حزن البشر وأكتبه
..................... وليت دمعي مثل دمع العيون ويسيل
أشهد أني ردي حظ وردي تجربه
..................... وأشهد أني على بعض المشاعر بخيل
أيه مذنب في هالدنيا وهي مذنبه
..................... من دفا حلمي الطيب لبرد الرحيل
عذري اللي متعبنّي وأنا متعبه
..................... مال قلبي على بعض الهقاوي دليل
كل طيرٍ له اللي بالسماء يجذبه
..................... وكل غصنٍ تجوز له الهبايب يميل
صرت أقول الكلام المر وأستعذبه
..................... صرت أخاف الدفاء لوني وحيدٍ نحيل
كم صبرت وليال الصبر مستغربه
..................... لين قلة حلاة الصبر لو هو جميل
الزمن صعب والنسيان يامصعبه
..................... والدفاتر نشيّلها الهموم وتشيل
(من روائع سعد الحريص)
معادلة مستحيلة @maaadl_msthyl
محررة فضية
يلزم عليك تسجيل الدخول أولًا لكتابة تعليق.
نورتوا..يالغوالي..نورتوا..يالغوالي..
عزالله انك على اسمك راعية كيف كل ماجيت استشهد ببيت عجبني الثاني
لاتحرمينا من ذوقك
لاتحرمينا من ذوقك
الصفحة الأخيرة
..................... والدفاتر نشيّلها الهموم وتشيل
هالله هالله
أنا اشهد
ع الوتر وبالصميم
تسلم يمين ناقلها وصح لسان قايلها...
لاعدمناك يالغلا