بررررروح دبي قولولي ايش افضل الاماكن

وانابعد نفس الشيء

مساكم الله بالخير اخواتي بالنسبه لدبي فيها من الاسواق والي هو اهم شي وسوق راقي سيتي سنتر وفيها اسواق كثيرة وبعد فيه الي هو برج العرب فيه المطعم الي تحت البحر بس يمكن شوي غالي لان دخول الشخص بـــ 100 ريال بس روووووووعه ؟؟؟؟
ام بالنسبه لاماكن الترفيه 1- القريه العالميه وهي من اهم مناطق الترفيه وعلى الاقل تبغاء لها يوم كامل لان فيها كل شي وفيها جميع الجنسيات يبيعون من دولهم مثل سوريين صينين فلبينين يمنين كل الجنسيات موجوده ؟؟؟
2- حديقة الخور بخور دبي هذي شي رااااااائع وراقي ؟؟
3- الباص العجيب ومدته ثلاث ساعات يمشي بالزفت ساعه والبحر ساعتين يعني شي عجيب ؟
4- وفيه القريه المائيه ؟؟

السلام عليكم

الصراحة دبي من أجمل دول الخليج اللي شفتها بس عيبها انها بضاعها صارت وايد غالية ...
أنا رحت لها من شهرين تقريبا

بالنسبة للمجمعات , "الستي سنتر" أحلى شي فيه السينما والمطاعم والقهاوي
محلات الملابس عادية ومكررة في معظم دول الخليج , وفي الطابق الثاني أظن ( صوب كارفور ) مكان ضخم للألعاب والمطاعم , مناسب لأطفالج

أفضل المجمعات اللي دخلتها للملابس " موركاتو " و " وافي " و " البرجمان "مجمع " موركاتو " فيه مطاعم وقهاوي اتجنن واصلا المجمع نفسه تصميمه رائع اتحسين انج في بلاد غربيه ومحلات الملابس اللي عندهم حلوين وخصوصا اللي في الطابق الثاني , نصيحة لا يفوتج , أنا يوم شفت التصميم استخفيت طلعت جوالي قعدت أصور هههههههههه

ومجمع " وافي " تصميمه بعد رائع ومحلات الملابس الموجوده داخله أكثر من رائعه بس الصراحه وايد غاليه بس سعرها فيها

و"البرجمان " ايجنن , الصراحة هالمجمع رائع للأحذية ( الله يعزج ) والشنط , كل الماركات العالمية اتحصلينها هناك , صج ان الأسعار غالية بس فعلا أغراضهم راقية وحلوة

ومجمع " الغرير " تغير , صار حلو , فيه كل شي , أقمشة للمناسبات والأعراس , محلات للعبايات والشيل ( جمع شيله لول ) , وفيه محلات ملابس حلوة وأسعارها جدا مناسبة

وسمعت ان مجمع " ابن بطوطه " وايد حلو وضخم بس للأسف مازرته , ان شاء الله قريب

بالنسبه لأطفالج أتوقع بيفرحون اذا وديتيهم مجمع اسمه " سينشري مول " لأن الطابق الثاني فيه ألعاب للأطفال
ومجمع " صحارى " ايضا فيه مكان للألعاب الطابق الثاني , كبير وفيه محل كبير للألعاب وأدوات المدرسة , انصحج تروحين هناك , وفيها محلات حلوة للملابس ايضا
و " لامسي " الطابق السفلي صوب المطاعم فيه ألعاب بعد , ودايما اتحصلين فيه مهرجين يمشون ويصورون مع الأطفال , أتوقع بيفرحون أطفالج

وطبعا لا تفوتين " مدينة جميرا " أنا يوم رحت طار عقلي , هذا بالنسبة لي أحلى مكان

بالنسبة للفنادق , أنا ماعرف أي فندق انتوا ناوين تسكنون بس في فندق اسمه " حياة " قريب من "الستي سنتر" خيالي , واذا انتي نفسي اتحبين الأكل انصحج اتروحين فندق " الجميرا " يسوون بوفيه عجييييييييييييب اكلهم لذيذ بمعنى الكلمة

كأني تكلمت وايد خخخخ , ان شاء الله أكون أفدتج بس أتوقع بتستانسون هناك ان شاء الله لأن فعلا دبي اتجنن

(( كتكوتة )) وشو هالباص اللي تكلمتي عنه؟
" الباص العجيب ومدته ثلاث ساعات يمشي بالزفت ساعه والبحر ساعتين يعني شي عجيب "

أول مره أسمع عنه , يا ليت اللي عندها معلومه اتقولنا لأني ناويه أروح بعد شهرين ان شاء الله

دبي ماتنفع في الصيف حررررررر ورطووووووووبه :09:
انا رايحه لها وقت المهرجان عز الشتاء عندنا في السعوديه والجو هناك ربيعي وبراد خفيييييف .
يعني نصيحه حولو تغيرو وجهتكم :41: