]هذا بنات اليوم برقع وجوال .... ولاعباية كتف هم يلبسوها
والراس فوق الراس طرحه مع الشال ..... حتى الخصال الطيبة افقدوها
يوم البنات اللي غدٍ سبت اهمال ..... ويوم السبايب اهلها هملوها
الأم نامت والابو صار تمثال ..... والبنت راحت وين ما يسألوها
بالليل تسهر بين هاتف وجوال ..... والا على دش الفلس سهروها
اقفاي هي ما بين الاسواق واقبال ..... بلا غرض راحت ولا انشدوها
اللبس تلبس كل ما يطرب البال ..... وفلوس لو تنقص عليها عطوها
من شافها باللبس يا ساتر الحال ..... يسبها ويسب من خلفوها
كومة لحم وعيون والرمش قتال ..... ويلا مشت كل الشباب اتبعوها
هم ما دروا لون البراقع بتنشال ..... ونشوف وش تحت البراقع خفوها
يرتاح من صابه من اسبابها هبال ..... ويشوف والله من عيونه هووها
وين البنات اللي بهم تضرب امثال ..... ليت السلوم الطيبة ما تركوها
البنت زين البنت لا زانت الحال ..... ما هو بلبس ولا علوم خذوها
وين المراجل ما بقى غيره ارجال ..... ليت الشوارب واللحى حلقوها
اللي على عاره رضي الذل ينقال ..... ليت الكرامة ليتهم يرفعوها
ما عاد ينفع قول فيها ولا قال ..... لا الأم والله ولا الأبو انفعوها
اصبح ضياع البنت بسباب جوال ..... البنت ضاعت والأهل ضيعوها
شموخ مكة @shmokh_mk
عضوة نشيطة
يلزم عليك تسجيل الدخول أولًا لكتابة تعليق.
أمليتو
•
روووووووووووووووعة
وين البنات اللي بهم تضرب امثال ..... ليت السلوم الطيبة ما تركوها
البنت زين البنت لا زانت الحال ..... ما هو بلبس ولا علوم خذوها
صااااااااااااااااااااااااااااااااادقه
تسلمين على القصيده
البنت زين البنت لا زانت الحال ..... ما هو بلبس ولا علوم خذوها
صااااااااااااااااااااااااااااااااادقه
تسلمين على القصيده
الصفحة الأخيرة