ندف الثلوج :

أم ساراا .. الزرافة مركز على حماه لأنهم أهانوووه وشرشحوووه بالمظاهرات بالهتافات ما خلو كلمة سيئة إلا وقالوها عنه .. لييش ؟؟ لأن قلوبهم محروقة من مجزرة 82 وأغلب الشباب تربو يتامى ولا بيعرفو شي عن آبائهم عايشين ولا ميتين وغيرهم قتلوهم رشا بالرصاص جوات بيوتهم .. أما عيون زوجاتهم وأمهاتهم .. والله يلي شافوه بالأحداث ماحدا شافو ولا حس فيه .. بس الله كبير .. هلأ طلعو الشباب ياخدو بالثأر أولا ويطالبو بحقوقهم كبشر ثانيا" .. امبارح في حماه لقو جثة شاب مذبوووح في نهر العاصي وغالبا" هو الشاب يلي كان يقود الثورة في حماه ويهتف بالعالي بكل رجولة وعزة نفس .. الله يلعن الخهونة يلي بلغو عنه .. حماه بأشد حلات الحزن على هالشاب تحديدا" .. لاحول ولاقوة إلا بالله والله الغصة خانقتني ما عم أقدر أتصور مدى التعذيب يلي عم يتعرضو له المعتقلين من شباب ونساء وفتية .. بعرف شاب عمره 15 سنة اعتقلوه 4 ايام وشبعوه ضرب وطلعوه الحمدلله أمه جنت عليه كان وقت اختبارات .. وامبارح الشيخ العرعور قال انه أصغر معتقل عمره 40 يوم تصورو ؟؟ أخدوه رهينة لحتى أـبوه يسلم نفسه .. العوائل تشردت أختي ركبو السيارة ومو عارفين لوين يروحو والله العظيم انحرق قلبي عليها وعلى ولادها .. وفي ناس ما قدرو يطلعو من البيوت الطرق مقطوعة .. واليوم المي والكهربا مقطوعة .. الله يقطع قلوبهم على أغلى ما عندهم .. سوريا كأنها في كوكب تاني .. لاتدخل ولاوضع حد لهالمجازر .. كأنو البشر عندهم ذباب يقتلوه بكل برود اعصاب .. نحن مغتربين وبعيدين بس مشاعرنا وقلوبنا محطمة والآه بتطلع من أعماقنا .. أختي حاولنا نجيبها بتقديم طلب زيارة عالسعودية لكن تعسرت بسبب كفيل بابا الله يهديه طلب 5000ريال مشان توقيع أو ختم الطلب وبعدين طلع ماعندو أسم بالغرفة التجارية وهي معاناة تانية .. الحمدلله الذي لايحمد على مكروه سواه .. طق قلبي ومالي نفس أعمل شي ببيتي .. يا دوب طبخت مشان الولاد ياكلو .. ورجعت عالأخبار .. نفسياتنا تدهورت .. لأنو حتى بالكلام مو قادرين نعبر عن الوجع يلي فينا .. المخبرين والجواسيس منتشرين كالوباء الله يسلط عليهم أوجاع يتمنو الموت ولايذوقوه

أم ساراا .. الزرافة مركز على حماه لأنهم أهانوووه وشرشحوووه بالمظاهرات بالهتافات ما خلو كلمة سيئة...