السلام عليكم ..
شلوونكم بناات حوائياات ..
تذكرون لما كنت اسالكم عن برناامج للعرووس .. و اللي ما شافت تشووف
http://forum.hawaaworld.com/showthread.php?t=2609223
طبعا هالبرنامج اللي الحين بذكرة محد قاله لي بس انا اسوويه سويته لمدة اسبووعين وحده عجيب
والله نعوومة و صفاااء و بيااض للجسم و الوجة حتى لما اسوولف مع رفيجاتي كلهم يتنحون و يطالعوون ايدي و ويهي خخخخخ من النعوومة و البيااض و النضاارة
حتى ظهري خفت حبووبه و و الاثار راحت بس بقى شوي ..
شوووفي قبل لا تتسبحين ..
حطي سنفرة العرووس < تلقينها بالحواي ( العطار )
حطيها لمدة 5 دقاايق و بعدين غسلي جسمج بالخلطة الصابوونية ( مزيونه و شقرا ) و شوي بكتب مكوناتها ..
و بعد ما تغسلين جسمج رطبيه بكريم جنجرز و ايدج رطبيها بكريم جلسويد
و ريوولج رطبيها بكريم هيمالايا بالحلبة و الكركم .. < عجييييييييييب ..
و قبل النوم فرشي اسناانج بمعجون و عسل < للبيااض عجيب ..
و دهني ريوولج بفازلين و الصبح غسليها ..
و الشعر...
انا الحمد الله شعري حلو .. و السبب اني طالعة على يداتي ..
و سر جمال شعورهم هو ..
في الاسبووع تحطين حنا < عادية طبعا مرة بالاسبووع
و الزيت .. زيت زيتون او زيت ابو نخلة .. < طبعا دايم تستخدمه ..
و رشوووش تحطة < يعطي ريحة حلووه واايد ..
اماا انا استخدم خلطة ( زيت جرجير - زيت لوز - زيت خروع طبعا كلهم للشعر + زيت زيتون )
احطهم مره بالاسبووع و احط حناا ..
اما بالنسبة للركب و الاكواااع ( الخلطة الصابوينة ما راح تخليج تستخدمين اي شي ثاني لانها بجددد بيااض
و نصيحة بعد لاازم تهتمين باكلج يعني لازم تاكلين سلطة فيها خيار و جزر او طمام < انا مااكل الطمام ..
و السلطة يكون فيها نسبة من الزيت الزيتوون ..
و الرووب لازم تاكلينه للنظااره ..
امممممممممممممم امممممممممممم
و بعد بالنسبة للاظافر .. حطي على ايدج زيت زيتوووون و غرقيها عدددددددل .. لين تشووفنه بنقط ..
و بعدين اخذي الملح و الليمون و ابدي فرك و ادهني < طبعا انا مااهتم بالدقاايق
و للويه حطي خلطة ( مقادير متاسوية من ( الشوفان + الروب + الحليب البودر < اي نوع انا استخدم ابو سفينه ) و احط شويه ليموون < اللي بشرتها حسااسة لا تحطة ابدا ابدا و حطي على ويهج ربع سااعه ..
و غسليه و رطبيه ..
و امممم بقوولكم سر جمال بشرتي في الشتااء و سر الترطيب ..
انا طبعا استخدم غسوول اللي من جنسوون و بعدها على طووووووول احط كريم الكركم عجيب يا بنات
احطة باي وقت يعني مرات باليووم احطة 5 او 6 مرات ..
و وفوواايد هالخلطة تبيض و توخر الرؤس السودا اليي بالخشم و ترطب ...
وامممممممممم وبعد نصيحة للشفاايف .. احط قبل النوووم فااازلين طبعا كثييييييييييفة حيل
و لدة ربع ساعه و امسحه بكلنكس ( منديل ) و انام ( عجييييييييبة للترطيب و للون )
و اممم لا تنسين تسوين حماام بخاار لوويهج ترااااه زين للرؤس السوودا ولا تنسين بعد ما تخلصين منه لاازم تستخدمين اي خلطة فيها نشاا عشان تتسكر المساام او تحطين ماي ورد مثلجته و تحطينه على ويهج
و اللي تبي تنفخ خدودخا تحط مثلجات ماي الرود على الويه تراها تعطي البيااض و البروز الخدود و احمرارها
و الحين نجي للخلطة الصاابونية :
1-صابونه الكركم ---------------- ( تبييض+ نظافة+ تشيل الحبوب الدهنيه بالجسم )
2-صابونه الغار-------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------ ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن ---------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا----------------- ( تبييض + لتماسك الخلطة)
والحين نبشر صابونه الكركم وصابون الغار و الصابونه السحرية وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور
نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم
أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل
وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله
طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو
وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون
و نصيحة بعد انصحكم بسنفرة كااااااااااب تراها حلووه
و لا تنسين الاستمرار ثم الاستمراار ثم الاستمرار .. هذا سررر كل اللي قاعد اكتبه
و اممممم بعد ترا مو شرط يا بناات اللي مو عروس تستخدمة لاازم البنت اللي ما تزوجت تستخدمه خلي تتغير على الاقل يعني لازم تهتمين بنفسج .. يعني انا اختي الصغيرة تستخدمة معااي ^^ ..
تكفوووووووووووووون يا بنات ادعوولي انه الله يحقق الي في بالي و ينجحني و يوقفني تكفوون سوو كوبي و بست ...
مهونة الكويت @mhon_alkoyt
عضوة جديدة
يلزم عليك تسجيل الدخول أولًا لكتابة تعليق.
ضوء القمر 1400
•
جزاك الله خير
ام سمااح
•
انتي كاتبه بالعنوان برنامج عروس
لانه ما ينفع لي انا لو اوصي زوجي بكللللللللللللل اللي ذكرتيه بيقول ليه بتفتحين محل عطاره
عالعموم مشكوره
لانه ما ينفع لي انا لو اوصي زوجي بكللللللللللللل اللي ذكرتيه بيقول ليه بتفتحين محل عطاره
عالعموم مشكوره
يااااااااااااااااااااااااااااااااااارب تحقق الي في بالها وتعطيها الي تتمناه وفوق الي تتمناه لييييما ترضى وتنجها وتوفقها وتسعده وين ماراحت
مشكووووره من كل قلبي ,,,,, بس حسااافه انا الزيت كلش كلش مايناسب شعري :icon33:
يعني من كلامك افهم ان الخلطه الصابونيه ميه ميه ؟؟ من اول ودي اجربها بس اقول يمكن مثلها مثل غيرها :icon33:
ومشككوره على مجهودك وموضوعك المفيد
مشكووووره من كل قلبي ,,,,, بس حسااافه انا الزيت كلش كلش مايناسب شعري :icon33:
يعني من كلامك افهم ان الخلطه الصابونيه ميه ميه ؟؟ من اول ودي اجربها بس اقول يمكن مثلها مثل غيرها :icon33:
ومشككوره على مجهودك وموضوعك المفيد
الصفحة الأخيرة