برنامجي السهل..لصاحبات الكدش والشعر المفرود والتالف والمنتف ههههه

السلام عليكم ..
صباح الخيرات بنات
بقول لكم بالبدايه شكان وشصار شعري
انا شعري متوسط كيرلي بس ناعم مب فلافل حلو يعني وواصل لنهايه ظهري
من الطمع بني آدم مايعجبه العجب :30:
وابي هالطعجات الخفيفه تروح وحايره بهالشعر هههههه رحت سويت فرد سوفت اند بيوتفل اقوى نوع
 بالبيت اختي سوته لي
شعري اندمر صار يتمطط مثل المطاط:frown:
نفس مفعول النير صار عليه
ويحتتت يطييييييح
والشعر تحت صار مسيّم وواقف ويتمطط وفوق فيه كسرات ماراحت كللش ..بالعربي صار مسخره :frown:
المهم ظليت اسبوع اهتم فيه وكل يوم يندمر ازيد 
مب فايد لازيوت ولاكريمات ولاحمامات زيت
وقام يتقطع بالمشط من النص
بالاخير قصيته كاريه قصييييييير لرقبتي
وقلت ببدأ اهتم وأطوله من جديد��وزوجي انقهرررر وانفجع عليه وده كفخني�� لانه يموت بالطويل
المهم رحت تسوقت وشريت عنايه للشعر
خذت شامبو وبلسم فروت من غارنيه صناعه هنديه مكون من ثلاث زيوت زيت الزيتون والشيا والافوكادو مقوي وعنايه مكثفه والبلسم مثله
يجننننننننن بصراحه نعم شعري حيل 
وخذت حمام زيت فيولا بالشاي صناعه هنديه رهيبيييييب وريحته قوووووووووويه عشان خلطات الزيوت الخايسه :pinklove:انصحكم فيه خخخخ
وخذت الكريم المعجزه بصراحه
اسمه بي ستايل b style مكتوب عليه لونق اند سترونق ..يعني طويل وقوي خخخخ ��صناعة اليونان 
مكوناته الأملا وجوز الهند والكيراتين وزيوت ثانيه مب مذكوره
يهبل يهبل يهبل ماااشالله لاقوه الا بالله
شعري صار كأنه مستشور منه 
الغره ولاطعجه فيها تتبذبذ :biggthumpماشالله
وباقي الشعر خفت طعجاته ٪80
طريقة برنامجي يوم ويوم اسوي كل يوم شي من هالاشياء اللي بكتبها لكم

نبدأ بسم الله
1-احط لي زيت براشوت ودابر فاتيكا بالصبار ملعقه ملعقه وافرك فروه راسي وباقي الشعر واحط كيس نايلون ع شعري واخليهم ساعه لساعتين على حسب المزاج واغسله بالشامبو والبلسم ..

2- اغسل شعري بالشامبو واحط حمام زيت فيولا اتركه نص ساعه فقط ويكون مغلف شعري بالنايلون ..اغسله بالماء فقط

3-خلطه حنا مكونه :
من كاس ونص الى كاسين شاي مخدددددر بدون سكر على حسب شعرج الكميه +2ملعقه حنا كبيره+ 2ملعقه من زيوتك اللي تستخدمينها +وعلبه زبادي كامله
واتركه يختمر ثلث او نص ساعه واحطه على شعري واغلفه بالنايلون لساعه وافتحه لنص ساعه بدون نايلون واغسل شعري بالشامبو 

بعده أدهن شعري  بالكريم المعجزه :pinklove:من جذوره لاطرافه واسرحه واربطه واخليه يجف لين تكون فيه رطوبه شوي بعدهاا افكه واتركه يجف براحته 
بصراحه لي اسبوع وشعري ماشالله لاقوه الا بالله صار يجنننن كان ماينفع والله يفشللللل من الفرد الله لايعيده من يوم أسووووود:30:
بس بعد هالبرنامج صار يهببببل ماشالله
كل ماظليت لمسته وطالعته بالمرايه ههههههههه
وبث...هذا برنامجي وراح استمر عليه ان شالله لين يطول شعري ..دعواتكم بنات ��