بنت العاصي :

المرحلة الأولى : البرنامج اليومي : المستلزمات : فرشاة الجسم للتدليك ... وبتلاقوها بأي سوبرماركت ... مابعرف كم سعرها لأنو زوجي جابها ... 47273 سكراب للجسم يكون لطيف وممكن استخدامه بشكل يومي ... أنا باستخدم دوف ... سعره 18 ريال قطري ... جدا لطيف وريحته روعة وما بتتحسس منه البشرة ... وغير هيك بيعطي نعومة غريبة رائعة ... وهذه الصورة .. 47274 كريم جل دوف لشد الجسم والتخلص من السيلوليت ... مع أني عادة ما بستخدم مواد كيميائية ولا أحبذها بس علشان البداية والانطلاقة تكون قوية ونساعد أجسامنا رح نستخدم هذا الكريم ... واخترت الدوف لأنو معروف بأنو طبي وآمن والكريم مكون من الأعشاب البحرية ...يعني مافي كيماويات ... وأنا للأمانة اطلعت على مواقع التسوق العالمية وعلى آراء المستخدمين وكلها إيجابية ... على كل حال هالكريم رح نستخدمه في المرحلة الأولى من البرنامج فقط ... يعني بس تخلص العلبة رح نوقف مارح نجيب علبة ثانية ... سعره 19 ريال قطري ..وهذه الصورة ... 47275 بن مطحون ...معروف للجميع ... أي نوع بن ... ملح بحري ... كمان معروف ... بيكون خشن شوي ... والآن إلى البرنامج : يفضل تطبيق البرنامج في المساء .... لأنو البشرة دائما تستفيد من العلاج في المساء أكثر من النهار ... في النهار اعملي نص ساعة المشي اللي اتفقنا عليها ونص ساعة رياضة ... وفي المسا لما تخلصي شغلك وشغل البيت بتملي حوض الحمام ماء دافي ورشة ملح بحري .... الملح البحري معروف طبعا بفوائده للبشرة ... لتجديد البشرة وتعقيمها والتخلص من البثور فيها ... انتبهي وبأكد مرة ثانية ... ماء دافيء وليس ساخن ... لأن الماء الساخن بيساهم في ارتخاء الجلد والأنسجة .... اجلسي في الماء 10 إلى 15 دقيقة ... وحاولي تفركي جسمك بليفة مغربية أو ليف طبيعي بس لا تموتي جلدك فرك ... احنا مانا داخلين معركة:angry2: ... بلطف ...هذي صورته : 47276 بعدين افركي مناطق السيلوليت بالقهوة المطحونة المنقوعة مسبقا ... يكفي دقيقة واحدة لكل مكان ... بحركات دائرية خفيفة وباتجاه القلب ... اغسلي بالماء الدافيء ... نظفي جسمك بالسكراب الخفيف ... واشطفي بالماء الدافي ... نشفي جسمك كويسسسسسسسسسسسسس ... لا تخليه رطب ... جيبي فرشاة الجسم وابدأي دلكي المناطق المترهلة ... بلططططططططططططططططف ... لا تجرحي نفسك ... بخفة وبلطف وبحركات دائرية وباتجاه القلب ... وكمان مو أقل من دقيقة لكل منطقة ... يعني كل عملية التدليك مابتاخد غير 15 دقيقة ... ريحي بشرتك شوي ... وابدأي بدهن كريم دوف لشد البشرة ... مع التدليك بحركات دائرية طبعا ... خلصنا ... خلص اليوم ... كرري العملية يوميا .... ولما أبدأ بالمرحلة الثانية رح أخبركم بالتفاصيل .... مبدئيا رح نستخدم هالبرنامج لمدة شهر ......... لا تقولي كتير .... إحنا مارح نروح الدهون والسموم اللي تراكمت خلا سنين بيومين ... وأي شي جديد بنخبر بعض ... أوكي ؟؟؟ يلا يا شاطرات .. ورونا الهمة ...

المرحلة الأولى : البرنامج اليومي : المستلزمات : فرشاة الجسم للتدليك ... وبتلاقوها بأي...