السلام عليكم وحياااااااااااااااااااكم الله بموضوعي المتواااااااااضع جدا
واللي اتمنى يكون فيه الفائده للجميع وان يكون حجة لي لا علي يوم لاينفع مال ولا بنون
اما بعد
اختكم بالله باقي لي تقريبا اسبوع وزياده شوي على نهاية التاسع الله يلحقني ذاك اليوم انا وياكم على خير ان شاء الله
المهم اني مجهزه كل شي ومقسمه برنمجي على مراحل
اول مرحله : ماقبل الولاده اللي هي من بداية التاسع
في هذي المرحله
1- خلصت تجهيزاتي وتجهيزات البيبي وتجهيزات بنتي الاموره لاني باقضي الاربعين عند اهلي
2- جهزت شنطتي اللي باخذها معي لاهلي لدرجه ان ملابس بنتي البسها من الشنطه واذا توصخو غسلتهم وبس ينشفون رحت صفطتهم زين وحطيتهم ثاني مره بالشنطه لان زوجي راح يتوهق لو ماجمعتهم ولا راح يقدر اصلا يجيبهم كاملين وحتى العابها وكل اغراضها حطيتهم بكيس وحطيتهم جنب الشنطه
3- بديت ببرنامج لشعري وبشرتي لان ابي يجي الاربعين ومااتعب بالخلطات وكل شوي اتحمم ومع هالبرد راح اتعب
للشعر استخدم خلطة زيوت ( الشمطري + الجرجير+ اللوز) اخلطهم واستخدمهم يوم هذي الخلطه ويوم زيت النارجيل
وبصراااااااااااحه شعري فرق وصار صحه وخف تساقطه بشكل كبير واغسل شعري بشامبو ميتال او شامبو غارنييه والافضل ميتال الاندونيسي
4- برنامج لبشرتي بماانها دهنيه شوي وفيها مسامات لكن الحمدلله من زمان قضيت هلى مشاكل بشرتي بالاهتمام وصرت بس اعتني فيها
وحاليها استخدم منقوع المره امسح وجهي فيه واخليه على قد مااقدر بس احط ملعقه مره على كوب مويه دافيه واستخدمها يوميا واغسل وجهي بغسول ديب كلين من نتروجينا
واحط على وجهي الطحينه السايله مدة ن ربع الى نص ساعه واكيد كل ماكان اكثر كل ماصار احسن
طبعا الطحينه تفتح وتخفي اثار الحبوب وتصفي البشره وتخلي بشرتك صحيه بشكل خراااااااااااااااافي
المره تسكر المسام وتشيل الحبوب وتشد البشره وتفيها بعد نصيحه لاتستهينون فيها روعه
5- جهزت ادويتي ونضفتها وقسمتها واللي يحتاج طحن طحنته
6- وهو اهم شي تقريبا سويت حمله على البيت ونفضته كامل بحيث اني اقدر اخليه مدة اربعين يوم من دون اي احساس بالذنب ولان بيتي بالدور الثاني ابي اطلع من المستشفى لبيت اهلي ماابي اطلع ادرج وانا توي والده
المرحله الثانيه: اللي هي اثناء الولاده
1- جهزت كوب حافظ للحراره وعشبة كف مريم جنب الغلايه عشان اول ماحس بالطلق احطها واطلع للمستشفى
2- جهزت شنطة البيبي وحطيت فيها
لبسة للبيبي
بربتوز
لفه
مهاد
لفه ثانيه كروشيه
بطانيه
لهايه
ورضاعه صغيره
لي انا جهزت قميص ابيض مطرز بوردي جدا ناعم
ليقنز ابيض
كلوتات
ستيانه
مشط
ربطه
مرايه
كريم مرطب
شرابات
حجاب اللي مخيط وماسك من حاله يصير بس تدخلين راسك فيه حلو ومريح
شال ثقيل شوي لونهوردي ماشي مع القميص
كوب
وزمزميه صغيره عشان راح احط فيها حليب دافي لانممكن اولد بوقت مافيه وجبات واتعب زياده
علبه صغيره فيها تمر معجون
3-جهزت مسج عشان ارسل لصديقاتي وابشرهم اني ولدت لان ماابي اقصر مع احد ابدا
المرحله الثالثه: بعد الولاده (( هذي طويله شوي ولي عوده فيها)))]
تابعوني ولا تنسوني من دعواتكم بالولد المعافى كامل الخلق والخلقه وبالهدايه لي ولزوجي ولذريتي قولوا امين لو ماتردون:27:
عروووب21 @aarooob21
عضوة نشيطة
يلزم عليك تسجيل الدخول أولًا لكتابة تعليق.
عسل صافي
•
الله يبلغك ماترجين
بــاتشي
•
الله يقومك بالسلاااامة
بس خوذي لك ستيانة زيااادة ممكن تحتاجينها
والاكل حطي لك مع التمر كيك وبساكيت مالحة عشااان ماتجوعين اذا ولدتي بوقت مافيه ووجبة
والله يقومك بالسلاااامة
بس خوذي لك ستيانة زيااادة ممكن تحتاجينها
والاكل حطي لك مع التمر كيك وبساكيت مالحة عشااان ماتجوعين اذا ولدتي بوقت مافيه ووجبة
والله يقومك بالسلاااامة
الصفحة الأخيرة