برنامجي بإذن الله يفيدكم

بنات انا اتبعت برنامج اسال الله ان يفيدكم به
البرنامج يعتمد على مايلي /
_سورة البقرة قراءة يوميا بكيفك مجزأة او بجلسه وحده بالنسبة عني انا جزأتها لأني ماقدرت مرا تعبت
انا بس البقرة انتي بكيفك تبين تزودين سور ثانيه عادي زيادة الخير بركه وعلى حسب طاقتك
_ الاستماع للرقية الشاملةالمطولة مرة باليوم او مرتين على حسب فراغك وبصوت عالي ضروري
السماعات انا ماتحملتها وجعتني باذني فخليت البيت يسمع الرقية معي يمكن يستفيدون وبرضو عشان المشاكل الي تصير بسبب الشياطين خلها تنقلع ونرتاح بلا رجعه
_ التحصين مرا مهم خذي كتاب حصن المسلم أقرب أذكار الصباح والمساء او حملي برنامج على جوالك او حتى تحفضينها المهم تقرينها يوميا الصبح وعلى المغرب معك جدا جدا وبأقولكم على الأذكار الرئيسيه (آية الكرسي + المعوذتين + بسم الل7 الذي لايضر مع اسمه شي وهو على كل شي قدير 3 مرات + اعوذ بكلمات الله التامات من شر ماخلق بالمساء بس انا قريتها احتياط بالصبح + لااله الاالله وحده لاشريك له له الملك وله الحمد وهو على كل شي قدير 100 مره وهذا الذكر قوي مرايقولون يصنع هالة قوية تحصن الإنسان + والأذكار الثانية لاتهملينها برضو مهمه )
_ التمر العجوة مو اي تمر هذا للإحتياط 7 تمرات على الريق هذه يقولون بإذن الله تصنع هالة قوية جدا تحمي من الشرور كلها حتى لدغات الثعبان تخيلو!
بالنسبة لي انامو بس بالصبح خليته روتيني بالليل برضو وبكل وقت اكل تمر اذا مريت من عنده😉 صحه وعلاج عصفورين بحجر واحد 👌
_ العسل اصلي اصلي وخذي ملعقة في كاس صغير او كبير بكيفك اذا عادي تتحملين العسل وتحبينه المويه تكون زمزم افضل او حتى عاديه مو مشكله ومقري عليها ضروري يابنات وخليها قبل النوم احسن
_ زيت الزيتون لو تقدرين جيلي اصلي بالنسبة لي عادي جبت البكر حق نادك ..... القرايه اقري فيه انتي او احد تعرفينه وكرري القرايه كل 3 ايام سواء على الزيت او المويه / تدهني منه كل ليلة جسمك كامل الا شعرك لأنه يمكن يتساقط انا يتساقط الصراحه
وخذي ملعقه صغيرة اذا تقدرين واشربيها برضو
_ المويه المقريه لو تقدرين خذي زمزم يابنات في جني يهودي يقول لشيخ هذه الحركه قاتله قاتله والله اعلم / تقرين على الزمزم وتفرغينه عليك من فوق
اشربي كل يوم شوي مرتين ليل ونهار و كل يوم اغتسلي بمويه مقري فيها لاتنسين واذا تقدرين تزودين عليه سدر اوراق افيييد بكثير
_ البعد عن المعاصي بانواعها بالله يستوي انك تسمعين اغاني وشويه ترجعين تشغلين رقيه
عموما انتي لازم تكون نيتك صادقه مع الله لأنه بيعرف حقيقة توبتك هل هي من أجل العلاج والشفاء او من أجله يعني غاندي نفسك بعدم الرجوع حتى لو شفيتي بكره لاترجعين
الأغاني عقوق الوالدين الظلم الاعتداء سواء لفضيا مثل الاستهزاء لازم تحفظين لسانك او جسديا بالضرب انا الاحظ حريم يتقوون على الصغار او الضعفاء والله حرام كيف تبين الشفاء والرحمه وانتي كذا ارحمو من في الارض يرحمكم من في السماء
وكثيرةالمعاصي عاااد تعرفونها مايحتاج اقول
_ الصدقه لها اثر عجيب سبحان الله حتى لو بريال ماهي مشكله عادي المهم نيتك الصادقه مع الله
_ تجاهل الاعراض الي تصير لك النفسيه والعضويه تجاهليها لأنها غالبا من العارض يبي بأي طريقه بخدعك او يوهمك بقوته او حتى يلهيك بشي عن الرقيه لاتتركين العلاج لازم متواصل انا زمان كنت اجرب العلاج بس اقطع وارجع كذا غلط تعطينه فرصه يتقوى لازم متواصل وينهد حيلله حتى الأمل والشرب لاتنسين بسم بالله عشان مايتقوى
والي تتعرض لتحرشات خذي مسك اسود انا عني حطيت على فراشي وخصصت لي لبس مليان ريحة مسك اسود خليه يختنق ويموت
ترا يابنات يرجع عليك بقوة وأقوى من قبل لايوهمك انه قوي كذاب هو تأثر وتعذب بس يبي يخدعك
لاتهتمي ولاتحزنين والله نفسيتك اهم شي عليها قويه عشان يضعف حتى النفسيه لها دور انا عارفه بيجي ولا خلاص تمللين بس لاتتركين على الاقل اسمعي الرقيه اذا تعبتي من القرايه وعلى المويه والزيت والعسل والتمر والتحصين مهم حتى لو على الموت التحصين مهم والا بتتأذين




هذا برنامجي بالتفصيل والله استفدت كثير كثير
مالي حتى 3 شهور بس شفت نتايج فضيعه اولا انا الحمدالله الي معاي ضعيف والله اعلم هل هو يوهمني بضعفه وانه بيموت عشان اوقف رقيه ويلعب علي
عموما انا مارح اوقف هذا البرنامج بخليه روتين يومي لمده سنه لين اتأكد كل التأكيد من الشفاء وبعدها بس اتحصن
الجن مراتبهم قواتهم تختلف بعضهم يتأثر بعد فترة طويله يعني لاتستعجلون
واكرر لاتهتمي بالاعراض والاحلام الي تقول هذا سحرك لان غالبها كذب
حتى اذا هددك العارض لاتهتمين انا هددني بأشياء كثيرة والله بغيت اموت خوف لكن والله مايقدر يسوي شي انا هددني لدرجة انه يتشكل لي بس الحمدالله يارب انه ماسواها واساسا مارح يقدر لاني ضعفت قوته ولو خليت له فرصه احتمال يرجع علي أقوى واشد عشان ينتقم


واسفه على الاطاله وأي سؤال انا حاضرة بجاوب باللي اقدر عليه والي اعرفه والسلام عليكم