برنامجي بالنفاس باذن الله 👍

السلام عليكم ورحمة الله وبركاته
اخباركم ؟؟ علومكم
طبعا كثير من البنات بتحتاس وقت النفاس وماتدري وش تاخذ من اعشاب ولا ادويه
المهم هذي طريقة امي بالادويه لنفاس وطريقتها لنفسها ولخواتها وان شاءالله بطبقها اذا ولدت واسالكم بالله تتدعولها وتتذكرونها بدعاء كل مااستخدمتم الدوا والله يجعلها بميزان حسناتها ولا تدعون عليها اذا ماناسبكم
اسم الدوا المردود بس المردود انواع فيه بعضه يخرب الحرمه وبعضه يرجع الحرمه كانها بنت
بسم الله توكلنا ع الله
اولا امي لا تحلل ولا تبيح من تاخذ الطريقه وتاجر فيها او تسويها وتبيعها ولا ابيح من تنقل الموضوع بدون ذكر اسمي او تنقله بدون الكلام اللي فوق
المردود:
حلبه فنجال
شعير فنجال
ماش فنجال ونص
نانخه نص فنجال
فلفل اسود ربع فنجال
فلفل ابيض نص فنجال
شمر فنجال
عودين من عود الحلبه
عود النقع عودين
رشاد ربع فنجال
عودين قرفه
والكبد 3 حبات تنكسر ويناخذ الجزء الابيض اللي داخلها بس
والكاثه مربع واحد
ربع فنجال حبة البركه
فنجال قشر قهوه
حب الهيل 2 حبتين ( حب الهيل الكبير)
زنجبيل مطحون ربع فنجال
كسره بسيطه من ملح النفاس
عدس فنجال ونص
سكر نبات حسب الرغبه انا حطيت فنجال ونص
عشبه المدينه نص فنجال
زعتر ملعقه
ميراميه ملعقه
فنجال كمون
فنجال الا ربع يانسون
فنجال كزبره ناشفه
عود اللويه بعد الطحن ينحط منه فنجال
عود الظهر عودين
تطحنينهم وتاكلينهم ع المرقوق ولا مرقه باللحم ولا حليب ولا عصيده بمقدار ملعقه اكل كل صبح


المطبوخه ( تسوينها زي الشاي )
فنجال كمون
فنجال شمر
نص فنجال ميراميه
نص فنجال زعتر
فنجال قرفه مكسره مو مطحونه
عدس نص فنجال
ماش نص فنجال
نص فنجال حلبه
ربع فنجال حبه البركه
فنجال قشر قهوه
طبعا ماتطحنيهم ابدا
لكل كوبين مويا ملعقه اكل تطبخينهم اول غلوه تقفلين عنهم وبعدها تشرببها

الوضوء اول الغسول
الدباغ > اللي هو الجفد
والارطا والكرمع
خواجوا
مره > مو مطحونه
وملح خشن > مو مطحون
بعد ماتطحنيهم
تاخذين من الجفد بيالة شاي
والكرمع فنجال والارطا فنجال
والخواجوا فنجال وملعقتين مره ملعقه ونص ملح خشن وتطبخينهم على النار بستثناء المره 3 لتر مويا واذا غلا اول غلوه تطفين عنه وبعدها تحطين المره وتخلينه لما يبرد شوي تقريبا ساعه وتخلطينه مره ثانيه عشان تتاكدين ان المره ذابت وتصفينه وتستخدمينه الصباح وقبل النوم ك غسول واللي يسبب لها حساسيه توقفه وتستغني ع الجفد

طبعا نجي للقهوه وانتي تتقهوين تاخذين مقل حبه قد حبة القهوه وتصبين القهوه عليها ووتتقهوين والتمر تحطين عليه ربع ملعقه صغيره حبه بركه وربع ملعقه صغيره رشاد
وبس
ودعواتكم لامي بشفاء العاجل والرزق وتفريج الهموم
واعيد واكرر امي لا تحلل ولا تبيح من تتاجر بالخلطات والمردود ولا ابيح من تنقل دون ذكر هذا الكلام او اسمي