(( برنامجي لاجمل نفاس وعروس ))

والله يابنات من باب حب لاخيك ماتحب لنفسك
حبيت انفعكم بهالبرنامج وان الله اعلم بي تعرفون الحمل ومشاكله بس لابد من الاهتمام بأنفسنا رغم كل شي
وانا بادية بها البرنامج وان شاء الله النتيجة حلوة

طبعا البرنامج اللي اقصده ابيكم تسمونه باسم (برنامج نسايم خير لاجمل نفساء وعروس)
البرنامج يهتم ب
الشعر
البشرة ( الوجه والرقبة )
الجسم
القدمين


لاتجي وحدة هالحين وتقول يافضيك بس من اللي رايق للبشرة والجسم
بس ياحلوات مهما كان اهمالنا بنلاقى نتيجته السيئة بالاربعين لاشفنا خرايط التشققات والوجه المكلف والقدمين المتشققة والشعر المليف...
اولا : علاج التشققات
طبعا الافضل انك تبتدئين فيها من الشهر الرابع حتى تداركين الوضع المزري اللي كان نتيجة اهمالنا بحملاتنا السابقة
فانا لقيت خلطة وربي رهيبة مدري هنا بالمنتدى او بمنتدى ثاني لاني من زمان مسجلتها عندي ونسيت من وين لقيتها
وتتكون من
زبدة الكاكاو من بالمرز ( علبة كاملة )
زبدة الشيا من بودي شوب
فنجان من زيت السمسم
علبة زيت جنين القمح من وادي النحل
5 كبسولات من فيتامين E
علبة جلسوليد وسط
تخلطين المقادير وتضعينهم بعلبة وكل ليلة تدهنين بطنك وافخاذك وبتشوفون نتيجة بإذن الله ترضيكم .

ثانيا : البشرة
طبعا الكل يعرف ان تأثير الحمل على البشرة وكيف مع الاهمال راح تكون
لكن مع شوي اهتمام راح يخف هالتأثير واقل شي بتحتفظين ببشرتك مع النتيجة المرضية ان شاء الله
وهالخلطة رائعه ونتيجتها بإذن الله مرضية
خلطة تفتيح
ليمونه - قطرات من خل التفاح - زيت جليسرين نقي ( علبة ) - جنين القمح ( علبة ) - فنجان ماء ورد
تخلطين هالمقادير مع بعض وتضعينها بعلبة وتدهنين وجهك كل ليلة ورقبتك وتعالي شوفي النتيجة بإذن الله
حتى ممكن تستخدمينها للمنطقة الحساسة بس تستغنين عن خل التفاح .

يتبع للبشرة
كل صباح تستخدمين صابونة البابايا 6*1
وبعد الغسول تستخدمين هالخلطة ( قشر برتقالتين - قشر ليمونه - بابونج ( تغلين المقاديرمع كاس ماء وتصفينهن وتضيفين فنجان ماء ورد)
وتضعينهم بعلبة رشاش وترشين فيه وجهك في الصباح ..
هذي الخلطة اخذتها من العضوة بنت الملوك

ثالثا : الشعر
طبعا الشعر بديت فيه بدري لان كان عندي تقصف وجفاف من الصبغات وتساقط
فلقيت برنامج حلو بالمنتدى للعناية بالشعر جزى كاتبته كل خير وهو خاص بالفيتامينات
طبعا لابد ان العلاج يكون من الداخل من غذاء ودواء
فبالاضافة للغذاء انصحك بفيتامينات ماترنا ممتازة اثناء الحمل ولاتسمن وممتازة بعد للشعر
ثانيا / استخدمت انبولات نتساريم وهي عبارة عن 8 انبولات تكفيك من شهرين الا ثلاثه حسب استعمالك انا استعملها مرتين بالاسبوع
ثالثا / الزيت طبعا استخدمي الزيت اللي يناسبك بس لابد من تسخين الزيت بحمام مائي ووضعه على الجذور فقط
رابعا / حمام الكريم اي حمام استخدميه انا استخدم حمام كريم فاتيكا جدا رائع خليه على شعرك ربع ساعه مع وضع فوطه مبلله بماء ساخن
خامسا / الشامبو افضل شي للشعر هو شامبو دوف وانتي براحتك استخدمي الشامبو اللي يناسب شعرك
هذا برنامج للشعر والافضل انك باديه فيه من الشهر الرابع حتى تحصلين على نتيجة روعه


رابعاً : العناية بالقدمين
استخدمت لها خلطة العضوة المتألقة عابرة سبيل وهي عبارة عن ( ملعقة فازلين - ربع صابونة دوف - ملعقة جلسوليد - عصرة ليمونه ) طبعا هي تكفي لإستخدام مرة واحدة وتضعين على القدم كيس نايلون وشراب لمدة ساعة ثم تنظفين القدم بليفه واخر شي ترطبينهن باي مرطب
طبعا هالخلطة تستخدم ثلاث مرات بالاسبوع وتمتعي بأحلى وانعم قدمين
هذا ماحبيت اني افيدكم فيه نفعني الله واياكم وسهل علينا حملنا وولادتنا ولاابي منكم الا الدعاء بصلاح اولادي وتسخير زوجي ....