برنامجي لتكبير المؤخره (لا يوجد دهاااااااان)

السلام عليكم

مع انه يعز علي اني اسال وما القى اجابهسابقا
بس ابي اكتب لكم تجربتي من باب الفائده لعل وعسى وحده تدعي لي

طيب انا مسويه تحوير
منزله وزني من 89.5 لحد 67.5
وزني متنح مو راضي ينزل

من الاثار اللي ترتبت على نزولي هو صغر و ترهل الارداف
طبعا انا من النوع المجنون الموسوس اللي اذا حطيت في بالي شي اركز عليه بقوه لحد ما اجيبه
اللهم لك الحمد
و برنامجي ما يسمن نهائيا
لا تنسون يبيلي عالمثالي و ما عندي استعداد اسمن

اولا نبدا ماشاء الله تبارك الله

بتحتاجين كورسيه نحت الخصر
جل شد وتنحيف البطن والفخذ
((كل يوم الصبح حطي الجل و لبسي الكورسيه لحد وقت النوم و الهدف هو تحديد الخصر و تصغيره وبالتالي تبرز الارداف و يزين شكلها

ثانيا البرنامج الغذائي:
عالريق:الحبوب الاندونيسيه 10 حبات
ثم ملعقة رهش و زيت سمسم و عين الجمل ((علبة الرهش نص كيلو عليها نص كاس زيت سمسم و ثمن كيلو عين الجمل))

بالدوام 5 تمرات بزيت السمسم و الزبده ((قشد)) مع خلطة اعشاب انا طاحنتها بكتبها بالاخير

نص لتر حليب صويا كامل الدسم ماركة سيلك عليها سيروب فراوله خالي السكر

قبل النادي اكل اما 4 ملاعق فول شغل بيت مو معلب مع طماطم و كزبره
او كوب عصير برتقال سيزر او طازج

اروح الجم بعد العمل (3-5 مرات بالاسبوع)

بالليل عادي اشرب شاي
اكل شوي حب قرع
احيانا اذا طالعه اشرب كرك
اكل سوشي

يعني شي خفيف حيل 250 كالوري كا حد اقصى
احيانا اجوع و اكل خبزه كامله مع جبن ((خبز الشاورما

قبل النوم التحاميل المغربيه من اخت اسمها حنان المغربيه


خلطة الاعشاب اللي عجنت فيها التمر
ربع كوب شمر مطحون
ربع كوب رشاد
ربع كوب بذر كتان
ربع كوب ميراميه مطحونه
ربع كوب فلفل ابيض مطحون
4 حبات جوزة الطيب مطحونه

تاخذين من هالخلطه 12-14 ملعقه و تخلطينها مع كيلو تمر ونص كوب زيت سمسم و تسوين منها 60 كوره و حطيها بالثلاجه
كلي منهم الصبح 3 كرات يكفي و انا اسويهم مع زبده و طحين و نيدو محموسين

طبعا كان هدفي اني اكل دهون لان جسمي محتاج

في الجم
اركز على اجهزة الحديد وبناء العضل
مو الحرق
ما امشي
ما العب سيكل
فقط 15 دقيقه على جهاز المشي الهوائي
ثم اكمل الساعه اجهزة حديد

او اسبح ساعه ونص

و دائما اركز على تمارين الخصر والسكوات و القفز في الماء

الموضوع استغرق معي تقريبا اسبوعين
تغير حجم الارداف نص انش
لكن كا شكل برزت للخلف بدل ما هي سايحه
يعني تماسكت و برزت للخلف بعدين كبرت

ما زلت مستمره لان لسه الحجم ما يناسب خصري لاني عريضه اصلا

اتمنى اني افدتكم