السلام عليكم حوائيات
شالعلوم والاخبار ..:luvkiss:
نورتوا موضوعي ,
خبركم انا مثل أي بنت بالدنيا تبي بشرة موحده وصافيه ابي بنات البس اللي بخاطري من دون مااتقيد بشكل معين ابغا البس كل الالوان وكل الاشكال من غير مااخاف تطلع مفاصلي السمراء ولا اثار ظهري ولا رقبتي الغامقه ابي احس اني بنت ابغا احس بأنوثة جسمي انا جسمي نحيف ممره وعندي امل اني بيوم بطل بالمرايه واناظر خدودي كبرت وجسمي صار رويان>> وجه يصيح
واخيرا قررت اوقف معاناتي وابد بجد لاتقولون مستحيل ماكو شيء صعب مع الارادة
يلا بسم الله .. بشرتي لاهي بالسمرا ولا البيضاء بس تميل للسمار ومايحتاج اقول لكم على التصبغات وكل جزء من جسمي لون الحمدلله
سويت لي برنامج وحددت لي هدفين ( جسم رويان + بشرة موحده وفاتحه )
اعتمدت فيه على 3 خلطات ثنتين للجسم والوجه وزيادة وحده للوجه
الخلطة الاولى خلطة السدر المعروفه جدا .. وهي عبارة عن
{ملعقتين سدر + اربع ملاعق حليب بودرة + ماء يميل للحرارة } , الكيمة تزاد بحسب الحاجه
– تخلط حتى تكون بين السيولة و التماسك وتوضع دافئة على الجسم
الخلطة الثانيه خلطة بياض الثلج وبعد ذي معروفه
المقادير :
{1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره }
واليكم الطريقه :
تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي
.>>هذا الكلام اقتبسته من وحده موضوعها كان (وربي ماتصدقون صرت بيضاء بشهر واحد) .. استخدمت بس ذي الخلطه
الخلطتين هذي استخدمها للوجه والجسم, يومين بالاسبوع سدر وباقي الايام خلطة بياض الثلج
وبالنسبة لخلطة الوجه (ملعقتين حلبه حب تنقع في كوب ماء حار يوم كامل وتوضع في الخلاط الحبوب مع الماء وتوضع بالثلاجه لحين الاستخدام ,الطريقة : ملعقة زبادي + ملعقه من الحلبه اللي سويناها) واذا نشفت يفرك الوجه لين تتساقط من الوجه
فاهمين علي حبايبي يعني صارت خلطتين للجسم و3خلطات للوجه
.. وه تعبت من الكتابه لعيونكم بكتب كل اللي بسويه
هذا بالنسبة لتوحيد اللون وتفتيحه
اما بالنسبة للجسم الرويان استخدم خلطتين
1- انقع ملعقه حلبه حب في كوب ماء حار طول الليل واشربها في الصباح الماء فقط "سمعت ان هذي الطريقه الصحيحة من عسولة بالمنتدى
2- (حلبه + مكسرات المتوفر عندكم +حلاوة طحينية )
.. تؤخذ ملعقه قبل النوم مع كوب لبن
وبكذا خلصنا والحلبه راح تعطي مفعول للبياض بعد وتصفي البشرة
طبعا في اشياء مهمه وهي سلامة غذائي ../تركت الغازيات – والوجبات السريعه – امشي نصف ساعه يوميا – واشرب ماء كثير واحط معه ليمون ونعناع ومويا ورد وه وه بس على الانتعاش جربوه
راح اوافيكم بتقرير مفصل ان شاء الله وابي تشجيعكم واللي بتمشي معي حياها الله
لاتنسون تردون على موضوعي بيترك اثر كبير في نفسي
استفساراتكم + اقتراحاتكم – بالخدمه
ودمتم بود
:35:
حصبيه @hsbyh
عضوة جديدة
يلزم عليك تسجيل الدخول أولًا لكتابة تعليق.
( دلوعته )
•
الله يقويك يارب
الله يوفقك ويحقق لك مرادك اهم شئ استمري وصدقيني راح توصيلي لنتيجه ممتازه ...انا مثلك قبل شهرين قررت نفس قرارك والله أن كل من شافني يسال بشرتك نضره والحمد لله بدأت النتيجة تظهر وانا مبسوطه اول مره استمر فتره طويله اهم شئ لا تتكاسلي مهما كانت ظروفك طبقي جدولك يوميا ....
حصبيه
•
يالهوتاني صار موضوعي بالصفحة الثانيه انهبلت لايكون حذفوه بس الحمدلله حصلته
.
.
.
امس خلطت خلطة بياض الثلج وحطيته من راسي لين اقدامي
وسويت تقشير بادوات التقشير للقدم وطلعت وه وه تهبل بياض ونعومه والخطوط السوداء اللي من السيراميك خفت كثير والكعب صار الين عن اول بكثير
وسويت السنفرة اللي هي ليمون وسكر
وحسيت بنظافه جسمي صراحه بس مو النتيجه اللي حطيتها ببالي يمكن لان استخدمت سكر بدال الملح
واليوم بحطها ان شاء الله + خلطة الحلبه على الوجه
.
.
.
امس خلطت خلطة بياض الثلج وحطيته من راسي لين اقدامي
وسويت تقشير بادوات التقشير للقدم وطلعت وه وه تهبل بياض ونعومه والخطوط السوداء اللي من السيراميك خفت كثير والكعب صار الين عن اول بكثير
وسويت السنفرة اللي هي ليمون وسكر
وحسيت بنظافه جسمي صراحه بس مو النتيجه اللي حطيتها ببالي يمكن لان استخدمت سكر بدال الملح
واليوم بحطها ان شاء الله + خلطة الحلبه على الوجه
الصفحة الأخيرة