برنامجي للعناية بشعري واللي اوقف لي التساقط ولله الحمد

السلام عليكم ياحوائيات

انا من المتابعين الشغوفين لهذا الموقع الرائد وخصوصا قسم العناية بالشعر

طيعا الجدول اللي ماشية عليه تقريبا اكثر الوصفات ماخذتها من المنتدى بس رتبتها واخترتها على حسب مايناسب شعري يعني انت ممكن تغيرين وتبدلين فيه على حسب مايناسب شعرك طبعا لان شعري كان يعاني من تساقط فضيع فأنا مستمرة على الجدول يوميا يعني مافي يوم راحة لمدة شهر بعدين بصير استخدمه 3 مرات بالاسبوع شوفوا انا لي الحين اسبوعين والحمدلله خف التساقط كثير يارب لك الحمد نبدأ بالجدول
الجـــمـــعـــة

خلطة الحنة لحور الجنان وهي كالتالي

ملعقتين كبارحنا كويسة
ملعقتين كبار سدر
ملعقة خل تفاح
ملعقة كبيرة محلب
3ملاعق كبار كريم ماكسام الاصلي الصيني
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز
ملعقة كبيرة زبادي
ملعقتين عسل اصلي

تخلطين هالمقادير وتكون شبه سائلة انا بصراحة ما اخليها مابين ساعتين لاربع ساعات

الســـبـــت

خلطة الزيوت وهي كمان ماخذتها من خلطة حور الجنان اللي عنوانهخا اتحدى في خلطة تطول وتكثف اكثر من هالخلطة بس انا في اشيا غيرتها

الخلطة عبارة عن

زيت جمال النساء
زيت انوب
زيت كيشور الدهني
زيت الخردل الباكستاني
زيت الصبار
زيت الحبة السوداء
زيت دابر املا
زيت ارطيون
زيت فيتامين E
زيت جرجير
ملعقة مطحون الاس
ملعقة مطحون الحبة السوداء
ملعقة مطحون الحلبة
ملعقة مطحون المحلب

انت ممكن تضيفي وتنقصي على حسب اللي يناسبك

طبعا خلطتها بكميات متساوية وتوضع على الشعر مابين 3 الى 8 ساعات ويغطى ببلاستيك

الأحــــد

خلطة الجرجير والبصل

مقاديرها : حزمة جرجير - نصف بصلة - 3 ملاعق قرفة عشان تغطي ريحة البصل - علبة زبادي - نصف كوب ماء للخلط -ملعقة سدر

ممكن تخلطيها بالخلاط

بس انا اعصرها بعصارة الجزر واخذ ماء الجرجير والبصل ثم اخلط معه القرفة والزبادي واستغني عن الماء افرك فيها فروة الراس فقط وباقي الشعر ممكن تدهنينه باي زيت وتغطينه ببلاستيك وراح تحسي بحرارة في البداية وبعدين عادي تخلينها على شعرك مدة ساعتين فقط

الأثـــنـــيـــن

ممكن تستخدمين نفس خلطة الزيوت اللي ذكرتها

او تستخدمين زيت هيمتاج لوحده لانه لايمكن خلطه مع الزيوت ويستخدم مرة واحدة اسوعيا او اي زيت يناسبك

الثـــلاثـــاء

خلطة الجرجير اللي ذكرتها

الارـــبعـــاء

خلطة الزيوت

الخمـــــيــــس

خلطة الجرجير


هذا بالنسبة للجدول

في شامبو ذكرته احدى العضوات الله يعطيها العافية تقول انه كأنه زراعة للشعر بس لازم استمرار

هذا استخدمه كل مادخلت اتحممت

وهذي مكوناته

علبة شامبو بانتين او اي شامبو يناسبك
صفار بيضتين ( مافيه ريحة لان الريحة بالبياض)
نص فنجان حبة سوداء مطحونة
فنجان زيت زيتون
1 م عسل تخلط وتوضع في الثلاجة وقبل الاستخدام تطلعينه

انا للامانة اغسل فيه وبعده اغسل بشامبة الاحمر الانجليزي القديم عشان انظف شعري مضبوط

بعد كل استحمام ابخ شعري بمغلي عشبة اكليل الجبل ثم اخذ قطرات من زيت انوب وادهن في فروة شعري خذي كمية قليلة اةل شي ماراح يدهن الشعر لان الشعر مبلول ويمتص الزيت بسرعة وهنا تحصل الفائدة اهم شي لاتكثرين

اتمنى ما اكون طولت عليكم بس انا عطيتكم التفصيل الممل بس بجد ماكتبته الا بعد ماحسيت الفائدة

اتمنى ترفعوا الموضوع وتدعو ان ربي يهدي اولادي ويرزقني بالذرية الصالحة والوظيفة الحكومية

ويعطيكم الف عافية

واي استفسار انا جاهزة