!ليلاس! @lylas_11

عضوة فعالة

برنامجي للعناية من تبدا معايا ونشجع بعض ع الاستمرار.. :) توجد خلطة ليدين حرير

الســـــــلام عليكـــم :26:

سيدات وآنسات بدون مقدمات .. :p

قررت ارجع لبرامج العناية وحددت لكل شيء شيء:42:

وبدأت من اليوم وان شاء الله ناوية استمر فترة شهر بشكل مكثف

وبعدين مرتين بالاسبوع او مرة المهم محافظة عالنتيجة اللي ح اوصلها ان شاء الله وتكون عاده من عاداتي
نبدأ .. بسم الله ماشاء الله

:26: :26: :26:

للشعر اسبوعياً:
ماسك الزبادي والعسل والبيض وزيت زيتون
أو
ماسك فاشكول+زيت زيتون وزيت لوز

للوجه يومياً:
صباحا.. شرب كأسين مويه عليها ماءالورد ،،،
جهزت ببخاخ (موية الرز + ماء ورد + عسل + منقوع كركديه "عشان اللون" ) واول مااصحى اغسل وجهي بغسولي نتروجينا وانشفه وابخ كم بخه واخليه ينشف ومااغسله الا لوضوء الظهر.
النتيجة : نضاره وصفاء وتوريد

وبالليل .. امسح وجهي بأسكينول ليمون واختار واحد من هالماسكات
( ترمس مر و زبادي) أو (شوفان وماء ورد) او (نشاء وماء ورد)
النتيجة : نضارة ونعومه وتفتيح وشد

للعيون:
وقت مافضيت شريحة او قشرة بطاطس فوق وتحت>> يوم عن يوم
وقبل النوم يومياً : ادهنها فوق وتحت بكولاجين (بوندس) مررره حلووو
النتيجة: شد البشرة وتفتيح الهالات

لليدين والرجلين والركب والأبط يومياً:
ادهنهم بليمون مخلوط بجلسرين اخليهم 4 ساعات عالاقل ثم اغسلهم وادهنهم بزيت جنين القمح
..
واليدين والرجلين عندي خلطة مااستغني عنها تخلي يدك حرير وناااعمه وولونها فاتح وصافي
..

(سخني قارورة موية ورد بقدر واضيفي نشا 4 او 5 ملاعق وقلبيهم زين لازم تكون الخلطه سائله شوي لو حسيتيها قسيت زيدي موية ورد وطفي النار وصبي قارورة زيت جلسرين وقلبي واضيفي علبتين كبيرة جليسوليد وقلبي زيييين وملعقتين فازلين ومقدار فنجان شاي زيت لوز مر وقلبيهم الين يتجانسوا وعبيه بعلب كريمات فاضية وحطيهم بالثلاجه يومين وبعدين ابدأي استخدميهم وممكن تضيفي على العلبة اللي تبدأي فيها عصير ليمونه تقلبيها مع الخلطه المستخدمه فقط لأنك لو خلطتي الليمون مع الكمية الكبيرة ممكن يغير لك ريحة الخلطه لريحه مو حلوه واحيان تعفن لأن الخلطة تطول تجلس معك 4 او 5 شهور) جربيها وادعيلي :p

وللمنطقة الحساسه وبين الفخذين يومياً : نفس الشي(ادهنهم بليمون مخلوط بجلسرين اخليهم 4 ساعات عالاقل)ولكن لما اغسلهم بموية البابونج ثم ادهنهم بجنين القمح
النتيجة: تفتيييح ونعوومه

للجسم كامل أسبوعياً:
اسبوع حمام مغربي والاسبوع الثاني بس صنفرة وماسك والاسبوع اللي بعده حمام مغربي واللي بعده صنفرة وماسك والخ :o
للصنفرة استخدم كريم كاب للتفتيح والماسك (شوفان + نشا + حليب بودر+ ماء ورد+عسل)
النتيجة: نظااافة وازالة للجلد الميت ونعووووومه وتفتيييييح ونضاره :32:

ملاحظة: بعض الوصفات اخذتها من المنتدى كثير مدحوها وحبيت اطبقها مثل جنين القمح لليدين او طريقة تفتيح المنطقة الحساسه

يلا بنات نشجع بعض على الاهتمام ومو شرط تلتزمي ببرنامجي ممكن تذكري برنامجك المهم تستمري

وتجي هنا كل يوم تذكري اش سويتي واش حسيتي او لاحظتي صدقيني الطريقة هذه مرررره مشجعه وحماااااس :42:

180

35K

يلزم عليك تسجيل الدخول أولًا لكتابة تعليق.

تسجيل دخول

الجزيره الخضراء • 13 سنة

انا معاك ان شاء الله

بدون اسم تبتسم • 13 سنة

مشكووووره

فدوووش123 • 13 سنة

بالتوفيق يااعسسسسسسسسسسسل

!ليلاس! • 13 سنة

نورتوا .. والعفو

الجزيرة ماقلتي برنامجك ولا مشابه للي ذكرته

عموما تسعدني مشاركتك لي بالعناية وتشجعني اكيد
البارح قبل ماانام حطيت ماسك (ترمس وزبادي)
ودهنت وجهي قبل النوم بكريم ليلي بوندس
وحطيت الكولاجين لعيوني (بوندس)

اليوم صحيت شربت كأس موية بورد وغسلت وجهي ورشيته موية ورد و..الخ
وغسلت بموية البابونج ونشفت
والحين فتحت كبسوله فيتامين e ودهنت وجهي فيها
ودهنت (الابط والمنطلقة السفلية والرجلين ) بزيت الجلسرين وليمون
ودهنت يديني واسفل رجولي بخلطتي تبع الايادي ولبست شراريب

يلا ياحلوات بإنتظار التشجيع وبرامجكم للعناية
خلونا نشجع بعض بلا كســـــل :)

صور للتوضيح

بعض المواد المستخدمة :27:

nsh

مجموعة بوندس اللي استخدمها

bwnds_ywn

ميلاف..~ • 13 سنة

الله يوفقك يالغلا ..

<< كسوله

وربي ودي ااغير من شكلي وااسوي خلطات بس حدي مشغوله مافي وقت :09:
..
بس ادخل هالقسم وااشوف المواضيع وااحفظ ولاا اطبق شي ..

الله يعين ..