برنامجي للعنايه بشعري

السلام عليكم ورحمة الله وبركاته

انا قبل فتره طويله حطيت موضوعين و كيف كان شعري مطفشني
http://forum.hawaaworld.com/showthread.php?t=2540249
http://forum.hawaaworld.com/showthread.php?t=3228178

و ان فتره جات جدا معدوم وفجأه من قدام صار سيئ جدا وخششن بشكل غير طبيعي
طبعا انا مابقولكم شعري صار واو حرير و ان الشعره ملصقه بوجهي لأان اصلا طبيعة شعري ماهي ناعمه بس ماهي ذيك الخشونه اليابسه لا يعني وسط مايل للخشن :humm:
بكون واضحه وبقول إني ماستغنيت عن الاستشوار والسيراميك في حال إني خليت شعري مبلول بدون استشوار الشكل السيء فقط من قدام
والباقي لسا فيه لفات بس بشكل ارتب من زمان

بشكل عام انا كل شعري صار احسن من اول يعني حتى امي مره مسكت شعري تقول شفيه شعرك صار ناعم :biggrinlo
طبعا اانا كل اللي استخدمه تقريبا من المنتدى من حنا لماسك و كذا
الحنا كنت احط معاها محلب يعني جبت حنا و طحنت معاها محلب وكل ماحتجت اخذت
بعدين لما اجي اعجنها احط ملعقتين زيت و زبآدي و بيضه و ساعات مايونيز و عشان اللون نسكافيه ونسكويك ولونو يطلع حلو !
اغسلها بالمويا اول يوم وثاني يوم احط زيت دابر فاتيكا البرتقالي ريحتو خفيفه وتروح و كويس
و احط كمان ماسك عباره عن بيضه و ملعقتين ايا زيت و بديل زيت او بلسم او هاذي الاشياء يعني ساعات احط دابر فاتيكا حمام زيت البنفسجي طبعا هوا كويس بس ريحتو مو مره يعني اللي غطاه اخضر ريحتو احسن و كويس كمان والعاده استخدم بانتين بديل الزيت طبعا الماسك اغسلو بدون شآمبو يعني اشطف شعري واحط بلسم و بديل زيت وخلاص و للامانه قبل لاحط الماسك احط بشعري زيت دابر فاتيكا تقريبا ساعتين او ساعه المهم فوق نص ساعه بعدين احط الماسك
ريحة البيض ماتروح كليا يعني يبقى للبيض ريحه

طيب هذا اللي احطو قبل ماتروش , بعد ماتروش
لما اطلع من الحمام احط على شعري بديل زيت وماغسلو بعدين اطلع استنى شعري يجف اخليه ساعه ساعتين و طالع و قبل لا استشور احط سيريوم لوريآل البرتقالي و الاحمر كمان كويس ولما اسرمك كمان احط مره كويس السيريوم واغلب الناس تمدحو !
طبعا احسن من كرستال بكثير و ماهو ثقيل !
بعد ماسرمك واخلص احط معالج الليل اذا كنت ابغا احط مكر عشان ينلف
وااذا بخليه ستريت خلاص اكنسل المعالج !
استخدمت كريم فروكتيس الاخضر و المجموعه كلها ماحسيت انها تمام نفس بانتين
وحتى كانو يمدحو لوريآل كمان مو نفس بانتين وهذا بالنسبه لشعري :biggrinlo

انا من زمان قلت ان شاء الله لما يتغير شعري بنزل موضوع واقولكم ايش سويت
و كمان عشان ليآ أحد عزيز عليا اكثر من نفسي اتمنى انكم تدعو الله يوفقها و يخليها ليا :biggrinlo
وايا سؤال حاضره