برنامجي للنفاس ابغى رأيكم فيه

السالفه وما فيها اني سويتلي برنامج للنفاس وودي اعرف رأيكم فيه لانه ممكن تكون فيه اشياء في هذا البرنامج ما تصلح بمعنى اصح (تخرب) وانا ما ادري عنها فلذلك قلت اشاور خواتي الغاليات اللي الفضل يرجع لهم بعد الله في كل ما وضعته في البرنامج .
بسم الله نبدأ
اولا :
فطوري بيكون ( مراصيع أو حنيني + حليب سائل ساخن محلى بالعسل )
بين الفطور والغداء ( مرق لحم + شوي فلفل اسود )
الغداء بيكون( قرصان+ شوي رز + قطعة لحم أو دجاج + نوع واحد من الفاكهه)
بين الغداء والعشاء ( تمر معبوط معه حبه سوداء وكمون + قهوه )
العشاء بيكون ( قرصان أو مرق خضار أو شوربه بيضاء + خبزه بر أو قرصان ناشف (شلاف)
واذا حسيت بالجوع بعد العشاء آكل تمر معبوط بالحبه السوداء والكمون + قشر قهوه

ثانيا :
شراب النفاس في العشرين يوم الأوله :
ويتكون من ( بيالة قرفه مطحونه + بيالة كمون مطحون+ بيالة سكر نبات مطحون+ بيالة قشر قهوه مطحونه + بيالة ماش مطحونه + بيالة ورق زعتر مطحون + بيالة حلبه مطحونه + نصف بيالة حبه سوداء مطحونه) ثم توضع كلها في علبه محكمة الغلق ويعمل منها شراب مثل الشاهي ونضيف له نعناع وزنجبيل أخضر مبشور ويشرب في العشرين يوم الأوله من النفاس مرتين في اليوم

شراب النفاس في العشرين يوم الأخيره :
ويتكون من ( بيالة قرفه مطحونه + بيالة كمون مطحون+ بيالة سكر نبات مطحون+ بيالة قشر قهوه مطحونه + بيالة ماش مطحونه + بيالة ورق زعتر مطحون + بيالة قشر رمان مطحون + نصف بيالة حبه سوداء مطحونه) ثم توضع كلها في علبه محكمة الغلق ويعمل منها شراب مثل الشاهي ونضيف له نعناع وزنجبيل أخضر مبشور يشرب في العشرين يوم الأخيره من النفاس مرتين في اليوم

ثالثا :
الغسول :
ويتكون من ( مره + قرض + قشر رمان + ملح خشن + ميراميه + ورق زعتر )ويستخدم طوال اربعين يوم

رابعا :
الكبو :
ويتكون من ( فلفل هواء + قشر بصل + قشر ثوم + مره + كمون + لبان ذكر + مقل + قرض + سكر نبات + خوا جوا+ عيون الديك ) ويستخدم طوال اربعين يوم

خامسا :
لا تحرمونا يا بنات من اضافاتكم المفيده اللي تعودنا عليها واذا فيه اي خطا لازم تنبهوني لانه كله مجهود شخصي ........