والله ما أنام الأ وانا متحصنه و ع وضوء لكن الصلاة يمنعني منها ومع المقاومه اتعب وانا اصلي
لما تعبت الليل وزوجي يقرا علي كانت هواية المطبخ تتحرك ولما صرت تمام وقفت

الله يحبك ويشفيك ويشفي ضناك ويمتعك فيهم ويمتعم فيك امين يارب العالمين

تعبت من بعد الطبطبه وانتكست وعرفت انها قويه علي لكن استعنت بالله وسويت لي برنامج
اقرى المعوذات والفاتحه وايه الكرسي وامن الرسول سبع مرات وانفث على نفسي وعلى المويه واشرب المويه على طويل ( 3 مرات باليوم) ياخذ مني دقايق بس
اشرب كاس زمزم مقري فيه قبل النوم ( اشتريت كرتون وحطيته عند سريري واخذ علبه وانا طالعه السرير )
كل يوم بعد ما اخلص شور اشطف جسمي بدون شعري بمويه فيها ( سدر وشب وملح خشن وبضيف لهم شذاب مطحون وورق تين ان شاء الله ) سهل مره جمعتهم في علبه بلاستك كبيره وقريت فيهم وخليتهم بالحمام وانتي بكرامه واخذ كاسين على مويه كثيره واذوبهم واشطف نفسي فيهم ( ياخذ اقل من خمس دقايق ) وبعدها زيت
عندي مسك اسود من القرشي ادهن شعري ورقبتي منه واخلط نقطيتن منه مع كريم للجسم و ادهن جسمي مسك القرشي ريحته خفيفه ما تبين للي مايحبونها
الزيت استعمل زيت الرويس ( زيت زيتون مقري فيه مع حبه سودا مطحونه وحلتيت مطحون ) ينقع يومين ويستعمل عالارحام والظهر كامل ( الحمد لله ناسبني كثير ) يقولون انه يناسب الكل وخاصه اللي فيها شي بارحامها واحيانا ادهن كل جسمي مع راسي لرجلي
البيت 24 ساعه تشتغل فيه رقيه السحر مع رقيه المس والتنزيل والاخراج مع سوره النور ( عندي جهاز ام بي ثري اسهل للاستعمال ) وبعد استمرار شهرين استعنت بالله وشغلت رقيه الحرق ( بس اخوي تعب منها وصار ماينام لا ليل ولا نهار وبس سرحان وساكت / اخوي اللي كان يقولي يا ام جمانه في كلب اسود يمشي وراك دايم ) وانا احس ان تعبه بدايه عافيه رغم انه الله يشفيه يرفض يقرا او يروح لشيخ او يستعمل شي
ابخر كل يوم البيت بالعود وحطيت فواحات جل وصار بيتي معطر اول كان مكتوم مره
الحمد لله انا افضل كثير صح اني مازلت تعبانه بس العافيه شوي شوي
مالي ترتيب بالبرنامج بس احاول اني اسويها كل يوم واركز على العصر عشان يكون فيه وقت جسمي يشرب الزيت وما وصخ المفرش ( شايله هم الغسيل )
بس نفسيتي تعبت لما صرت احس واشعر اول مادري عن نفسي اكتشفت عيالي تعبانين ووصخين اضافرهم متكسره من ضعف اجسامهم وشعورهم ناشفه من قل الاهتمام وبيتي وصخ وحالتي حاله ( عيالي نفسيتهم تعبانه فاقديني وانا بينهم حسبي الله ونعم الوكيل ) بنتي الصغيره تقولي يا ماما ارجوكي لا تنامين ابيكي سولفي معي ( لاني كنت انام اغلب اليوم واذا مو نايمه اكون منسدحه بالصاله ماحس بشي ) وعيالي الكبار يقولون لي صرتي تحبينا يا ماما حسبي الله على من اذاني
والحمد لله الف مره الحمد لله على جزيل نعمه وعافيته

احس ان اللي فيني مو سحر احس شيطان حسد او عاشق مادري ليه و اشوف بالحلم واحد عيونه حمرا ورجوله طويله مره ويلحقني والحلم ينتهي مادري مسكني او هربت منه

اسال الله العظيم ان يشفينا ويريحنا من ما نحن فيه حسبي الله لا اله الا هو عليه توكلنا وهو رب العرش العظيم

السلام عليكم ورحمة الله ...

بوركت جهودك اختي اسوار ووفقك الله لما يحبه ويرضاه وجزاك الله عنا خير الجزاء

اختي انا بديت علاج الطبيبطة مع امي من امس ولما بدينا امي حست بحكه شديده وانا حسيت بالم بيدي اليمين يصل الى كتفي مع اني مالي دخل غير اني اطبطبه بس ..وبعده حست برجله خدرت وتنمل وتتثاوب بشكل كبير .. واليوم الحمدلله سويتله الطبطبه وظهرت مخوش باسفل ظهره مخيفه مع اني مابعد وصلت للطبطبة هالمكان وكانت اشكال المخوش تقريبا مقاربه للدائره وكمان جاه الم شديد براسه على جهة اليمين شديده وتململ وتثاوب ... وكمان حصله امس واليوم رغبة بالاخراج واخرجت ريح وتكرمين براز خفيف مقارب للتراب ... ماذا يعني هذا اسوار ؟؟ ووش التالي اللي لازم علينا نسويه ؟؟... وكمان حبيبتي اسوار بيتنا فيه سحر مرشوش وانا قريت بالمنتديات انوا اذا بغينا الشفاء لازم نطلع منه بس صعبه لان الوالد رافض هالفكره نهائيا ... ايش اللحل غير الطلعه من البيت ما ابغى امي تنتكس حالته واحنا بالبيبت الوضع متأزم اللكل شايشه نفسه ولايبغى الثاني اللكل يكره بعضه وبس نتهاوش ع الصغيره الكبيره خصوصا ابوي بس يمشي ويخانق ومتوترين من ابوي لاضغر فرد بالعائله ...وش السوات اللحين ؟

السلام عليكم يااسوار الغاليه انا مواصلة على الاذكار والرقية والدهان مع ولدي وبديت امس انا وولدي باخلطة الرومي من امس الحمد الله يااسوار مواصلة مااجلت قريت سوره البقرة امس واليوم ولدي متحسن على خفيف بدا يناظرني الحمد الله قل بكاءه بس لسع ممانطق والفهم لسع اسوار وش اسوي لولدي عشان ينطق انا متاكده فيه حسد قووي لاني انا محسودة عليه اسوار ازيد على برنامجي شي يارب لك الحمد صرت ماعاد انام لسمعت القران مثل قبل بس العارض للحين موجود محافظة على تحصين نفسي واشر ب ماء زمزم مع ماء ورد اسوار حلمت قبل اسبوع جاني ولد عمي هو جارنا واخو زوجي وكان زوجي معي دخل بالمجلس استحيت منه وتغطيت باطرحة وقام يتقهوى وقال والله اني انا الي عطييت بدر عين قلت له اذكر ربك قال والله اني الي عطيت بدر عين قلت صل على محمد قال والله اني انا الي عطييت بدر عين يقصد ولدي وقلت اذكر ربك ومااذكر ربه وانتهى الحلم فيه حلم ثاني حلمت اختي جالسه باصاله كبيره واشكيلها عن تعب ولدي قالت ولدك فيه نفوس عين من نفاستك واقري عليه رقية النفاس وعطيه سور قلت رقيه نفاس قالت ايه وانتهى الحلم

الله يجزاك خير ويجعلها في ميزان حسناتك